LUKAS 5:36 - WUKE SUSI WATTI'U AL᷊AL᷊USASSA

³⁶ See Mawu Yesus nabatti'e si mangitou sasumandingnga indi, “Tawe taumata mandapella laubba tabbe rappelannu sampototta mal᷊aṛṛenessu laubba wakku. Ana waugu i tou sarun manggesa'a laubba wakku udde. Wuṛṛu lai mal᷊aṛṛenessa rarapela wakku udde tawe mapparen laubba tabbe.

LUKAS 5:36 Iomraidhean Croise

IMAMATTA 19:19

Paatuṛṛutte su manga parenta-U. Imbaṛṛangnga mangawingngu binatangnga apan uapapaṛṛalan walahanne. Imbaṛṛangnga massuannu darua lihiddu wualanna su sambau leta'a. Imbaṛṛangnga malluṛṛen laubba apan niraddu'a wuassu darua hatin bananna.

LUKAS 5:35

Arawe sarun a'omanna tempone ma'a'awingnga esakka udde al᷊apanna wua dinganni mangitou. Su tempo udde i mangitou mappuasate.”

LUKAS 5:37

Aroddi lai tawe taumata mandal᷊innu anggore wakku sulal᷊ummu pato'a pisi apan tabbe, ana waugu anggore wakku udde sarun mamesangnga pato'a tabbe udde. Ne anggore udde mabbosote, wuṛṛu tampane mahohakke.

2 KORINTUS 6:16

Apa sul᷊ungnge Wal᷊e Mawu wuṛṛu wal᷊em paal᷊uanna? I ite indi Wal᷊en Mawu, eteudde Ruata apan wiakka. Ruata sassane nabbisara, “I Ya'u sarun matana'a su pattangnganni mangitou, wuṛṛu mabbiakka suadio'a ringanni mangitou. I Ya'u sarun maola'a Ruata mangitou wuṛṛu i mangitou sarun maola'a al᷊aṛṛana-U.

TAHIUL᷊E 22:11

Imbaṛṛangnga malluṛṛen laubba apan niola'a wuassu wolla wuṛṛu linen apan niraddu'a suadio'a.