LUKAS 5:34 - WUKE SUSI WATTI'U AL᷊AL᷊USASSA

³⁴ Mawu Yesus sinumimbakka, “I yamiu wotongnge mandolokku manga raho mappuasa su andeangngu awingnga, tantal᷊anna maa'awingnga esakka ta'e su sampunna ringanni mangitou? Natantunna tawe!

LUKAS 5:34 Iomraidhean Croise

ANTARI MAWANTUGA 5:8

Paddiandite, ei manga maṛṛualan Yerusalem, napawe i yamiu masangkalla arangnguangku, wal᷊oa'e si tou, manungku i ya'u maradda'u paapulu.

ANTARI MAWANTUGA 6:1

Watukkuapa arangnguannu inai, ei maṛṛuala apan aṛṛamahanne? Watukkuapa arangnguannu inai, tadea'u i yami wotongnge maddea'a si tou?

YESAYA 54:5

Mandariaddinu naola'a ere awingngu, Ruata na'ukkassu Israel uddewe Mananal᷊amannu. Mawu Apan Lembontaṛṛino, uddewe aran-Ne, i Tou Ruata uataṛṛino ahewallu runia.

YESAYA 62:5

Ere sangkatou umbasanna nattunanga ana'a maṛṛuala, etearoddi Mandariaddinu sarun ma'awingngu. Ere sangkatou esakka mal᷊uassa naungnge ma'asilo awingnge, etearoddi Ruata sarun mandangngu si'o.

ZEFANYA 3:17

I yamiu lal᷊u'arannu Mawu Ruatannu apan matohassa. I yamiu naauntungnga ana waugu taṛṛino-Ne. Mawu lullassa wuṛṛu lullala'a ana waugu i yamiu, sulal᷊ummu darangngu-Ne i yamiu mabbiakka wakku. Ana waugu i yamiu, i Tou mangngantari lulluassa.

MATIUS 22:2

wisarane, “Amungkangngu Ruata mamarenta, olangnge ere sasumandingnga indi: Sangkatou ratu na'ola'a andeangngu awingngu anangnge esakka.

MATIUS 9:15

Mawu Yesus sinumimbakka, “Ereapa su ṛingiṛṛanni yamiu? Wotongngewe manga raho su andeangngu awingnga massusa naungnge amungkangngu ma'a'awingnga esakka ta'e udde su sampunna ringanni mangitou? Asinungka tawe! Arawe sarun a'omanna tempone maa'awingnga esakka udde al᷊apanna wua dinganni mangitou. Su tempo udde nanattakke i mangitou mappuasa.

LUKAS 5:33

Manga taumata nabbisara Mawu Yesus, “Mallal᷊aṛṛenggenni Yohanes wuṛṛu mallal᷊aṛṛenggennu taumatan Farisi masokka mappuasa wuṛṛu u'al᷊iomanna. Arawe mallal᷊aṛṛenggennu u'anna wuṛṛu ma'inumma.”

LUKAS 5:35

Arawe sarun a'omanna tempone ma'a'awingnga esakka udde al᷊apanna wua dinganni mangitou. Su tempo udde i mangitou mappuasate.”

YOHANES 3:29

Ma'a'awingnga wawine tatahuanannu ma'a'awingnga esakka. Hawe maa'awingnga esakka udde tumba'u uarisikka su sandiṛṛanne wuṛṛu uararingikka, wuṛṛu i tou lulluassa napawe naaringikke tingikku maa'awingnga esakka. Aroddi lai ya'u. Orassa indi ya'u lembon lulluassa.

2 KORINTUS 11:2

I ya'u luṛṛintulunu, ere Ruata sassane lai luṛṛintulun kamiu. I yamiu ere sangkatou maṛṛuala apan ta'e susi wuṛṛu buatte nipa'ire'u iapaawingngu sangkatou umbasanna, eteudde Kristus.