LUKAS 5:22 - WUKE SUSI WATTI'U AL᷊AL᷊USASSA

²² Mawu Yesus naasingkatta aiwal᷊o mangitou. Nariaddi i Tou nabbisara, “Anio i yamiu ma'iwal᷊o aroddi sulal᷊ummu naungngu?

LUKAS 5:22 Iomraidhean Croise

1 TAWARIKH 28:9

Ana see si Salomo, i Daud nabbisara, “Ana'u, ṛinone Ruata apan sassubbannu iamangngu, a'uannu lai maola'a Ruatanu. I'o ṛinone mangngimanna si Tou ringannu mal᷊uassa wuṛṛu awawiran naungnga. Ana waugu i Tou masingkatta anambon ṛingiranna wuṛṛu apulun naungngi ite. Amungkangu i'o maddea'a si Tou, i Tou sarun asombangannu, arawe amungkangu i'o manantangngi Tou, i Tou saran manantangngu saran mal᷊annu-l᷊annu.

DARALO 139:2

I'o masingkattu al᷊awo'u inolaangku; wuassu marau I'o maasunna ṛingirangku.

AMSAL 15:26

Mawu maddantinnu hol᷊aga apan dal᷊eo; arawe manga wisara apan mapia maal᷊uassa naung-Nge.

YESAYA 66:18

I Ya'u masingkattu ṛingiranna wuṛṛu inolaanni mangitou. I Ya'u nirumanta tadea'u mangammullu manga taumata wuassu al᷊awo'u walahanna. Sutempo i mangitou uaammulle, i mangitou sarun maasilo taṛṛino-U.

YEHEZKIEL 38:10

Mawu Apan Atanggaṛṛanne nabbisara si Gog, “Sutempo udde i'o sarun mangatokku ṛiinnu apan dal᷊eo.

MATIUS 12:15

Mawu Yesus masingkatte manungku manga taumatan Farisi udde pia ṛingiṛṛanna lal᷊eo su ririn i Tou. Nariaddi Tou inaite wuassu tampa udde wuṛṛu manambo taumata uatantalongnga si Tou. See i Tou napaapia manga taumata apan maradda'a.

MATIUS 12:25

Mawu Yesus naasingkatta ṛingiṛṛannu manga taumatan Farisi udde. Ne i Tou nabbisarate si mangitou, “Amungkangngu sambau araratuanna nattal᷊ei naola'a pirang kawageanganna apan sarun pasi passeetta, araratuanna udde tawe mal᷊annu. Wuṛṛu sambau wanua ara'e lal᷊oṛṛon bal᷊e sambau apan uataae wuṛṛu uasaseetta sangkatou ringannu sangkatou, sarun mawinasa.

MATIUS 9:4

Mawu Yesus masingkattu ṛingiṛṛanni mangitou, ne i Tou nabbisarate, “Anio ṛingiṛṛannu aral᷊eone aroddi?

MARKUS 8:17

Mawu Yesus masingkattu apa ipagahato mangitou. Ana waugu udde i Tou naiwal᷊o si mangitou. “Anio yamiu uahahatto su ola'u tawe roti? Apa i yamiu ta'e wagga wuṛṛu taambe naasunna lai? Aroddi al᷊umune ṛingiṛṛannu?

LUKAS 24:38

Arawe Mawu Yesus nabbisara, “Anio i yamiu matta'utta? Anio naungngi yamiu uapapadua?

LUKAS 5:21

Manga hurun agama wuṛṛu manga taumatan Farisi mannattakke uahahatto sangkatou ringannu sangkatou, “Isai taumata indi apan baṛṛani mangngadio'a Ruata? Isai wotongnge mangampungnga rosa, su liuddu Ruata sassane?”

LUKAS 5:23

Suapa mappianne mabbisara, ‘Rosanu suete niampunganna’, ara'e mabbisara, ‘Pabbangunte wuṛṛu amatte!’?

WATTI'U MANGA RASUL 5:3

Ne i Petrus nabbisara si tou, “Ananias, anio i'o namalan Setanna namiaṛṛa'u naungngu, na'oman sara i'o nangawusu Ghaṛṛahon Ruata, ringannu mal᷊anna-l᷊annaba nama'ungnga roitta ipaannu sassane sambageanganna roitta la'unnu leta'a udde?

IBRANI 4:12

Wisaran Ruata eteudde wisara apan biakka wuṛṛu matohassa; maṛṛoroanna wuassu hal᷊el᷊e rorone ruam ba'a. Wisara udde uusippa ma'oman sara su wallatu niawa wuṛṛu ghaṛṛaho; ma'oman sara su wallattu manga passi'uanna wuṛṛu duṛṛin liudda, na'oman sara maasingkata al᷊al᷊ummu ṛingiranna wuṛṛu apulu naungngu taumata.

SONDAPPA 2:23

Manga mallal᷊aṛṛenggenne sarun Ta'u pateanna lai tadea'u anambon jamaatta maatutukka manungku ete i Ya'u, i Tou apan masingkatu ṛingiranna wuṛṛu naungngu taumata. I yamiu sarun Ta'u wal᷊isanna tumuṛṛuttu inolaannu sangkatou-sangkatou.