LUKAS 5:2 - WUKE SUSI WATTI'U AL᷊AL᷊USASSA

² Mawu Yesus naasilo saalanna rua ngassa su apanne udde; manga samakka nilumintukke wuassu saalanna udde wuṛṛu lapiddu mangngukkassa soma mangitou.

LUKAS 5:2 Iomraidhean Croise

MATIUS 4:18

Su tempo Mawu Yesus u'amatta su apannu Ranon Galilea, i Tou naasilo ruang katou samakka, eteudde i Simon (apan isassaggo lai i Petrus) ringannu tuarine i Andreas. I mangitou tantal᷊anna mannoma inassa su rano udde.

MATIUS 4:21

Mawu Yesus lapiddu inumamata, wua'udde naasilote lai ruang katou sangkatuṛṛangnga apan baine, eteudde i Yakobus wuṛṛu i Yohanes, al᷊aṛṛana'i Zebedeus. I mangitou su sampunna ringanni iamangngi mangitou mannapia soma sulal᷊ummu saalanna. Mawu Yesus namaggo si mangitou lai,

MARKUS 1:16

Su tempo Mawu Yesus u'amatta su winggin Danon Galilea, i Tou naasilo ruang katou samakka, eteudde i Simon wuṛṛu tuarine i Andreas. Itarua tantal᷊anna mannoma inassa su rano.

MARKUS 1:19

Mawu Yesus lapiddu inumamatta, see naasilote lai rua sangkatuṛṛangnga apan baine eteudde i Yakobus wuṛṛu i Yohanes, al᷊aṛṛana'i Zebedeus. I mangitou sulal᷊ummu saalanna, wuṛṛu tantal᷊anna mannapia soma.

LUKAS 5:1

Su sambau tempo Mawu Yesus uarisikka su winggin Dano Genesaret. Manambo taumata uasaseppe'a maddaringikka watti'u Ruata.

LUKAS 5:3

Mawu Yesus sinuma'e su saalanna sangngassa, eteudde saalanni Simon, see nandolokki Simon manondon saalanne udde marau adio'a wuassu apanne. Mawu Yesus inuma'ianna su saalanna udde wuṛṛu mangngaṛṛa'e taumata nambo.

YOHANES 1:40

Sangkatou su wallatti tarua apan suete naaringikka apa apan iwabatti'i Yohanes wuṛṛu see inaite tinumantalongnga Mawu Yesus, eteudde i Andreas, tuṛṛangngi Simon Petrus.