LUKAS 4:8 - WUKE SUSI WATTI'U AL᷊AL᷊USASSA

⁸ Mawu Yesus sinumimbakka, “Sulal᷊ummu Wuke Susi uawoṛṛetta, ‘Passubbate Mawu Ruatanu wuṛṛu tumba'u pangimbe si Tou sassane.’ ”

LUKAS 4:8 Iomraidhean Croise

2 MARARATU 19:15

ana see inumal᷊iomanna, wisarane, “Mawu, Ruatan Israel, apan ua'ianna su wowon mala'ekatta, tumba'u I'o sambau Ruata apan uataṛṛino al᷊awo'u araratuanna su wowon dunia. Tumba'u I'o apan nandiadi langitta wuṛṛu runia.

DARALO 83:18

Wala'ewe i mangitou sarangkal᷊o'engnge pansilianna wuṛṛu matta'utta, wala'ewe i mangitou mate sulal᷊ummu asasili.

YESAYA 2:11

Taumata mawunga sarun iapawawo wuṛṛu taumata matanggakka sarun iapasuṛṛubbawa. Tumba'u Mawu sassane wantuhanna.

MATIUS 16:23

Mawu Yesus nanaile see nabbisara si Petrus, “Roote passal᷊iu wua isindi, Mamamono'a! I'o mannal᷊are si Ya'u. Ṛingiddu udde ṛingiṛṛannu taumata; wal᷊ine ṛingiṛṛannu Ruata!”

MATIUS 4:10

Mawu Yesus sinumimbakka, “Passal᷊iu i'o mamamono'a! Sulal᷊ummu Wuke Susi, uawoṛṛetta: Passubbate Mawu Ruatanu, wuṛṛu pangimbete si Tou sassane!”

LUKAS 4:4

Mawu Yesus sinumimbakka, “Sulal᷊ummu Wuke Susi uawoṛṛetta, ‘Taumata tawe tumba'u ma'awiakku roti sassane.’ ”

LUKAS 4:7

Sarangkanambone indi sarun maola'a darotong-Ngu, amungkangngu I'o umal᷊intudda massubba si Ya'u.”

TAHIUL᷊E 10:20

Pangaddata Mawu Ruatanu wuṛṛu tumba'u pattaṛṛamawu si Tou sassane. Ṛinone i yamiu sidutu matuṛṛutta si Tou wuṛṛu massalu ringannu aran-Ne sassane.

TAHIUL᷊E 6:13

Pangaddate Mawu Ruatanu, wuṛṛu tumba'u pattaṛṛamawu si Tou, wuṛṛu amungkangngu i yamiu massalu, passalute tumba'u sulal᷊ummu aran-Ne.

YAKOBUS 4:7

Ana waugu udde, paatuṛṛutte Ruata wuṛṛu ro'apete Setanna, ne Setanna sarun tumal᷊angnga wuassi yamiu.

1 PETRUS 5:9

Roopete i tou ringannu pangangimanna apan matohassa, ana waugu i yamiu masingkata manungku manga tuṛṛangnga sansul᷊ungnga Saṛṛani apan waine su ahewallu runia uatataṛṛanga lai ere i yamiu.

SONDAPPA 19:10

I ya'u nassumaga su saruannu mala'ekatta udde ana waugu nassubba si tou, arawe i tou nabbisara si ya'u, “Arie! Arie passubba si ya'u, passubbate Ruata! Ana waugu i ya'u lai allangnga ere i'o wuṛṛu ere anambon tuṛṛangu apan uaaggasa matohassa su watti'u Mawu Yesus!” Ana waugu ete watti'u Mawu Yesus udde mannantiro manga taumata apan mabatti'u papatta.

SONDAPPA 22:9

arawe i tou nabbisara si ya'u, “Arie! Arie massubba si ya'u! Passubate Ruata! Ana waugu i ya'u lai allangnga ere i'o, wuṛṛu ere manga tuṛṛangnga manga nabi wuṛṛu anambon taumata apan tuttuṛṛuta manga tanata sulal᷊ummu wuke indi!”

1 SAMUEL 7:3

Ana see i Samuel nabbisarate walahannu Israel, “Amungkangu i yamiu mabelengnga ringannu Mawu wuṛṛu massubba si Tou ringannu ahewallu naungngu, ṛinone i yamiu mandammen anambon monganna wakku, wuṛṛu paal᷊uanni Dewi Asytoret. Tantil᷊a'e watangannu sarangkanambone udde su Mawu wuṛṛu tumba'u pattaṛṛamawu si Tou sassane, ne i yamiu sarun ipallossu Mawu wuassu taṛṛinon taumatan Filistin.”