LUKAS 4:41 - WUKE SUSI WATTI'U AL᷊AL᷊USASSA

⁴¹ Manga ghaṛṛaho lal᷊eo udde sinumabangke wuassu taumata nambo udde lapiddu mangngintul᷊i, “Ete I'o Ana'u Ruata!” Arawe Mawu Yesus namul᷊o si mangitou wuṛṛu naningaddi mangitou mabbisara, ana waugu i mangitou masingkatta manungku ete i Tou Ratum Punnu Sal᷊amatta.

LUKAS 4:41 Iomraidhean Croise

MATIUS 26:63

Arawe Mawu Yesus mal᷊annaba. Paassa lai imam bahewa nabbisara si Tou, “Ringannu arannu Ruata apan wiakka, Wal᷊oa'e si yami apa ete I'o Ratum Punnu Sal᷊amatta, Ana'u Ruata?”

MATIUS 4:3

Setanna nirumanta wuṛṛu nabbisara, “I'o Ana'u Ruata? Ana waugu udde doloṛṛa'e manga watu indi maola'a roti.”

MATIUS 8:16

Su tempo wawallote, taumata nangapidde mararadda'a apan niasuttannu ghaṛṛaho lal᷊eo. Wuṛṛu ringannu tumba'u wisara sampaddi, Mawu Yesus nallimbuakka manga ghaṛṛaho lal᷊eo udde wuṛṛu napaapia lai anambon taumata apan maradda'a.

MATIUS 8:29

I mangitou sinumabangnga wuassu manga liangngu lal᷊abinganna wuṛṛu mangngintul᷊i, “Ana'u Ruata sarun olaannu ereapa i yami? Apa I'o mappulute mannansara si yami salaiwe taambe tempone?”

MATIUS 8:4

See Mawu Yesus nabbisara si tou, “Naunge! Arie pabbatti'a sisai-sai. Arawe roote ringannu imam, wuṛṛu paddorongnga si tou manantunna manungku i'o napiate. Wua'udde anggil᷊a'e sasamba apan suete nitita Musa, maola'a manga tatiala su taumata manungku i'o napiate atonna!”

MARKUS 1:25

“Paal᷊annaba!” Mawu Yesus nandona ghaṛṛaho udde, “Sabbangke wuassu taumata indi!”

MARKUS 1:32

Su wawallone, napawe matannallo nattupe, manga taumata nangapidde ringannu Mawu Yesus anambon taumata marada'a wuṛṛu taumata apan niasuttannu ghaṛṛaho lal᷊eo.

MARKUS 1:34

See Mawu Yesus napaapiaten anambon taumata apan uatataṛṛangnga al᷊awo'u hatin rada'a, wuṛṛu nallimbuakke lai manga ghaṛṛaho lal᷊eo. I Tou tawe nangagillu tempone su manga ghaṛṛaho lal᷊eo udde mabbisara, ana waugu i mangitou masingkatte isai i Tou udde.

MARKUS 3:11

Wuṛṛu manga taumata apan niasuttannu ghaṛṛaho lal᷊eo, napawe maasilo si Tou lapiddu niumal᷊intudda su saruanni Tou wuṛṛu niumui, “Ete I'o Ana'u Ruata!”

LUKAS 4:39

Mawu Yesus inaite nattudan lallowanganne, see nallimbuakka sal᷊ihamma udde. Sal᷊ihamma udde nawul᷊i, wuṛṛu la'iananni Simon lapiddu nabangunna wuṛṛu nangimbe si mangitou.

YOHANES 20:31

Arawe sarangkanambone indi niwoṛṛetta, tadea'u i yamiu mangngimanna manungku Mawu Yesus eteudde Ratu Punnu Sal᷊amatta, Ana'u Ruata, wuṛṛu ana waugu mangngimanna si Tou, i yamiu naasomba wiakka.

YAKOBUS 2:19

I yamiu mangngimanna manungku Ruata tumba'u sambau, are? Ne manga ghaṛṛaho lal᷊eo lai mangngimanna wuṛṛu i mangitou mangngindon katata'utta!