LUKAS 4:40 - WUKE SUSI WATTI'U AL᷊AL᷊USASSA

⁴⁰ Napawe matannallo mattuppe, manambo taumata nangapiddu manga tuṛṛangngi mangitou apan uatataṛṛangnga al᷊awo'u hatin rada'a ringannu Mawu Yesus. Mawu Yesus namita si mangitou sangkatou-sangkatou wuṛṛu napaapia mangitou.

LUKAS 4:40 Iomraidhean Croise

MATIUS 11:5

Taumata wuta naasilo, taumata lome naa'amatta, taumata raddangnge paro napia, taumata wengella naaringikka, taumata nate nabbiakka apia, wuṛṛu Watti'u Al᷊al᷊uassa wuassu Ruata niapasingkatta su manga taumata asiangnga.

MATIUS 14:13

Su tempo Mawu Yesus naaringikka watti'a udde, i Tou sinuma'ete saalanna sassane wuṛṛu nanantangken tampa udde, see inaite su sambau tampa apan mal᷊annaba. Arawe su tempo manga taumata naaringikka olangnge udde, i mangitou nanantangngu manga soa mangitou inaite nanantuṛṛutta Mawu Yesus inumamattu ammaranne.

MARKUS 3:10

I Tou napaapian taumata nambo, na'oman sara manga taumata marada'a uasasesse'a maddea'a tadea'u maa'agassa si Tou.

MARKUS 5:23

wuṛṛu sinumal᷊ande, “Iamangnga, ana'u wawine'u marada'a masaddatta. Wotongnge Iamangnga rumanta mamita si tou, tadea'u i tou mapia wuṛṛu tawe mate!”

MARKUS 6:5

Su tampa udde Mawu Yesus tawe napa'ola'a saran sambau al᷊aṛṛindu'a, tumba'u napaapian sire pira taumata marada'a ringannu nangandangngu lima-Ne si mangitou.

WATTI'U MANGA RASUL 19:12

Amungkangngu leso, ara'e wawa'issa lawassa apan suete nipaatti Paulus iapidda su manga taumata marada'a, rada'i mangitou mawul᷊i wuṛṛu ghaṛṛahon setanna lai sumabangnga wuassi mangitou.

WATTI'U MANGA RASUL 5:15

Ewe'e olangnge naola'e aroddi na'oman sara manga taumata marada'a niaddo su lallowanganna ara'e wilatta, see niapidda su lal᷊anna, tadea'u i mangitou salaiwe mattingkatulunga aṛṛinoannu lintaum Petrus, amungkangngu i Petrus sumabbi isudde.