LUKAS 4:35 - WUKE SUSI WATTI'U AL᷊AL᷊USASSA

³⁵ “Paal᷊annaba!” Mawu Yesus nandona ghaṛṛaho lal᷊eo udde, “Sabbangke wuassu taumata indi!” See ghaṛṛaho lal᷊eo udde namantingngu taumata udde su saruanni mangitou sarangkanambone wuṛṛu wua'udde sinumabangnga wuassu taumata udde ringannu tate napaaradange.

LUKAS 4:35 Iomraidhean Croise

DARALO 50:16

Arawe su taumata lal᷊eo Ruata nabbisara, “I'o tawe wotongnge mabbisaran tita-U, wuṛṛu maggahatton paaire-U.

ZAKARIA 3:2

Mala'ekattu Mawu nabbisara su Setanna, “Antimanna Mawu makkuumannu ei Setanna! Antimanna Mawu apan marangngu Yerusalem makkuumannu. Taumata indi naal᷊ihidda anutungnga apan niabutta wuassu ṛenggammu putungnga.”

MATIUS 17:18

See Mawu Yesus namarentate ghaṛṛaho lal᷊eo udde sumabangnga wuassu lal᷊ummu ana'a udde. Wuṛṛu ghaṛṛaho lal᷊eo udde sinumabangnga, see ana'a udde napia su orassa udde lai.

MATIUS 8:26

“Anio i yamiu matta'utta?” unnu Mawu Yesus. “Pangangimanni yamiu si Ya'u mattul᷊ungnga!” Wua' udde Mawu Yesus dirumarisikka wuṛṛu nandona anginna wuṛṛu rano udde. See rano udde nabbal᷊ite nal᷊enakka atonna.

MARKUS 1:26

Ne ghaṛṛaho lal᷊eo udde nangio'u taumata udde maikka-ikkatta, wua'udde sinumabangnga wuassu taumata udde lapiddu u'ui.

MARKUS 4:39

Mawu Yesus napu'ote see namul᷊o anginna udde, wuṛṛu nabbisarate rano, “Paal᷊annaba, al᷊enakke!” Ne anginna nol᷊ote, wuṛṛu rano nal᷊enakke atonna.

MARKUS 9:26

Ghaṛṛaho lal᷊eo udde nangintul᷊i, see na'ola'a ana'a udde iwabantikke, wua'udde sinumabangnga wuassu ana'a udde. Ana'a udde ellehanna ere asuangnga na'oman sara taumata manambo mabbisara, “I tou natete!”

LUKAS 11:22

Arawe amungkangngu sangkatou apan mattohasanna lumal᷊a'o wuṛṛu see i tou iaansukka, ne taumata apan mattohasanna udde sarun mangaṛṛo anambon ahidde apan naola'a atatohassu tatahuannu wal᷊e udde, see nattahiate anambon darotongnge udde.

LUKAS 4:23

Ne Mawu Yesus nabbisara si mangitou, “Atonna i yamiu sarun mappaattu sasumandingnga indi si Ya'u, ‘Doktere, paapia'a ririnu sassane. Al᷊aṛṛindu'a apan niaṛṛingiṛṛanni yami niolang-Ngu su Kapernaum, ola'a lai su ampungngu sassane.’ ”

LUKAS 4:39

Mawu Yesus inaite nattudan lallowanganne, see nallimbuakka sal᷊ihamma udde. Sal᷊ihamma udde nawul᷊i, wuṛṛu la'iananni Simon lapiddu nabangunna wuṛṛu nangimbe si mangitou.

LUKAS 4:41

Manga ghaṛṛaho lal᷊eo udde sinumabangke wuassu taumata nambo udde lapiddu mangngintul᷊i, “Ete I'o Ana'u Ruata!” Arawe Mawu Yesus namul᷊o si mangitou wuṛṛu naningaddi mangitou mabbisara, ana waugu i mangitou masingkatta manungku ete i Tou Ratum Punnu Sal᷊amatta.

LUKAS 8:24

Mallal᷊aṛṛenggennu Mawu Yesus inaite ringan-Ne wuṛṛu namu'o si Tou. I mangitou nabbisara, “Iamangnga Huru, Iamangnga Huru, i ite masilakate!” Mawu Yesus napu'o see nandona anginna wuṛṛu lua'a apan mattandi'a udde. Anginna wuṛṛu lua'a udde nol᷊ote, see rano nabbal᷊ite mal᷊enakka atonna.

LUKAS 9:39

Amungkangngu ghaṛṛaho lal᷊eo sumutta si tou, inaṛṛombanganne i tou umui wuṛṛu awangnge iwabantikke ma'oman sara moṛṛongnge lullupa. Ghaṛṛaho udde sidutu mannansara si tou wuṛṛu maddiri sumabangnga wua dinganni tou.

LUKAS 9:42

Tantal᷊anna ana'a udde u'amatta mattuda Mawu Yesus, ghaṛṛaho lal᷊eo udde nangema'i tou wuṛṛu wadangnge iwabantikke. Arawe Mawu Yesus namarenta ghaṛṛaho lal᷊eo udde niapaasabangnga see napiate ana'a udde. See ana'a udde tinantille apia su iamangnge.

SONDAPPA 12:12

Ana waugu udde, ṛinone surga wuṛṛu sarangkanambone apan uatana'a sul᷊alumme, lumala'a! Arawe nasilakate runia wuṛṛu tahal᷊oangnga, ana waugu Setanna sinumossokke ringanni yamiu ringannu asasa'une apan Bahewalla, ana waugu i tou masingkata, manungku tempone tate mal᷊annu lai.”