LUKAS 4:20 - WUKE SUSI WATTI'U AL᷊AL᷊USASSA

²⁰ Mawu Yesus nallul᷊unna apia wuke udde, niwelengke su mamamanarane, see inuma'ianna. Anambon taumata sulal᷊ummu wal᷊em pattataṛṛamawuanna udde na'ellega si Tou.

LUKAS 4:20 Iomraidhean Croise

MATIUS 26:55

See Mawu Yesus nabbisara su taumata manambo udde, “Apa i Ya'u indi taumata lal᷊eo, na'oman sara i yamiu nirumanta ringannu uaapiddu hal᷊ele wuṛṛu papuulla ipanametta si Ya'u? Miallo-miallo i Ya'u mangngaṛṛa'a su Wal᷊e Mawu, arawe i yamiu tawe manametta si Ya'u.

MATIUS 27:60

See i tou nangadoten winal᷊unannu Mawu Yesus sulal᷊ummu lal᷊abinganna wageangnge sassane apan suete niola'a su sambau wowon batu. Wua'udde i tou nanal᷊inggin sambau watu pinalindumma ngaran lal᷊abinganna udde, see napul᷊ete.

LUKAS 19:48

arawe tawe maasomba lal᷊anne ipa'ola'a olangnge udde, ana waugu manga taumata sidutu uararingikka si Tou, wuṛṛu mal᷊uassa madaringikka wisara-Ne.

LUKAS 4:17

wuṛṛu nionggol᷊annu wuke Nabi Yesaya. I Tou namu'ate wuke lalul᷊unanna udde, see inasombanganna wageangnge indi,

LUKAS 4:21

Wuṛṛu Mawu Yesus nanattakke nabbisara si mangitou ereindi, “Manga wageangngu lal᷊oṛṛon Wuke Susi su allo indi natipusse su tempo i yamiu naaringikka watti'a udde.”

LUKAS 5:3

Mawu Yesus sinuma'e su saalanna sangngassa, eteudde saalanni Simon, see nandolokki Simon manondon saalanne udde marau adio'a wuassu apanne. Mawu Yesus inuma'ianna su saalanna udde wuṛṛu mangngaṛṛa'e taumata nambo.

YOHANES 8:2

Tiṛṛabbine rua'allo maṛṛanggapa i Tou inaite lai su Wal᷊e Mawu, wuṛṛu manambo taumata nirumanta ringanni Tou. Mawu Yesus inuma'ianna see nanattakke mangngaṛṛa'a si mangitou.

WATTI'U MANGA RASUL 16:13

Su allon Sabatta i yami inai su winggin sal᷊ukka su liuddu ngara pasalangannu soa, ana waugu i yami mammendamma isudde pia tampa pangngal᷊iomanannu taumatan Yahudi. See yami inuma'iante wuṛṛu nagahatote manga wawine apan uaammulla su tampa udde.

WATTI'U MANGA RASUL 3:12

Napawe i Petrus naasilo manga taumata udde, i tou nabbisara si mangitou, “Ei manga taumatan Israel, anio manga tuṛṛangnga maggerangngu olangnge indi? Anio i yamiu sidutu ua'ellega si yami? Apa i yamiu massunna manungku taumata indi naamatta ana waugu taṛṛino wuassi yami ara'e ana waugu i yami matuṛṛutta Ruata?