LUKAS 3:14 - WUKE SUSI WATTI'U AL᷊AL᷊USASSA

¹⁴ Pia lai tantara naiwal᷊o, “Ereapa i yami? Apa ṛinone olaanni yami?” I Yohanes sinumimbakka, “Arie pamaṛṛangnga sisai-sai, wuṛṛu arie pangaṛṛo roitta ringannu aansilla awusu. Wotongngete i'o mabbiakku roitta lal᷊antakku ara'e haddinu!”

LUKAS 3:14 Iomraidhean Croise

SASABANGNGA 20:16

Imbaṛṛangnga mattiala awusu su ola'u taumata waine.

SASABANGNGA 23:1

“Imbaṛṛangnga manal᷊iawukku watti'a awusu, wuṛṛu imbaṛṛangnga mantul᷊ungngu taumata lal᷊eo apan mattiala awusu.

IMAMATTA 19:11

Imbaṛṛangnga manna'o, mallinga ara'e mangawusu.

MATIUS 8:5

Su tempo Mawu Yesus sinumutta su Kapernaum sangkatou tembonannu tantaran Roma nirumanta naisasomban Tou, wuṛṛu naddorongnga tul᷊unganna si Tou.

LUKAS 19:8

Wua'udde su wal᷊ene i Zakheus nirumarisikka wuṛṛu nabbisara Mawu Yesus, “Mawu, sangkawageanganna wuassu rarotongku sarun ionggolla su taumata asiangnga; wuṛṛu su alawo'u taumata apan suete niawusuangku, sarun waeṛṛanna apia si tou paappatta wuassu paarorone!”

LUKAS 3:10

“Nariaddi, apa ṛinone olaanni i yami?” aiwal᷊o manga taumata si Yohanes.

LUKAS 3:13

I Yohanes sinumimbakka, “Arie padorongnga lumebbe wuassu apa apan suete tinantunna.”

WATTI'U MANGA RASUL 10:7

Napawe mala'ekatta apan uahahatton Kornelius udde inaite, i Kornelius namago ruang katou mangangimbe sulal᷊ummu wal᷊ene wuṛṛu sangkatou tantara mandariagane apan ma'imanna.

FILIPI 2:15

Ringannu aroddi yamiu mapaal᷊iatta'a manungku eteudde i yamiu al᷊aṛṛana'u Ruata apan tawe angngone, mabbiakka ringannu matul᷊ida wuṛṛu naṛṛino su pattangnganu taumata lal᷊eo wuṛṛu marosa. Wuṛṛu su tempo i yamiu namasingkata si mangitou watti'a apan mangngonggolu wiakka, ṛinone i yamiu maola'a ere semakka apan lullansiangnga mannemakka runia. Amungkangu i yamiu mabbiakka ereudde, ne i ya'u pia pangiananne maapendamma al᷊al᷊uassa su ola'i yamiu su tempo Mawu Yesus rumanta apia. Udde maola'a tatialane manungku manara'u pia gunane wuṛṛu pia gessine.

FILIPI 4:11

I ya'u namasingkatu indi wal᷊inewe ana waugu i ya'u awussa, ana waugu i ya'u suete nangurumma al᷊aṛṛa'a mammendamma nasuungnga ringannu apa apan piate.

TITUS 2:3

Aroddi lai ṛinone i'o mangaṛṛa'a manga wawine apan timmaddete tadea'u pallal᷊agu mangitou matataṛṛino su taumata apan mabbiakka tumuṛṛuttu apulun Duata sassane. Tawe wotongnge i mangitou mangal᷊uandaga taumata waine, wuṛṛu tawe wotongnge taṛṛa inumma ua'e maawu'anna. Ṛinone i mangitou mangaṛṛa'u manga al᷊aṛṛa'a apan mapia,

SONDAPPA 12:10

See i ya'u naaringikka tingikka apan ma'ikkatta su surga mabbisara, “Ete orassa indi tempone Ruata manal᷊amatta pabbawala-Ge! Orassa indi Ruata napaal᷊iatta'u taṛṛino-Ne ere sangkatou Ratu! Orassa indi Ratum Punnu Sal᷊amatta apan suete pina'ire udde suete napaal᷊iatta'u taṛṛino-Ne! Ana waugu apan nangansila manga tuṛṛangi ite su saruannu Ruata, allo wuṛṛu ṛabbi, suete niapaasabbanga wuassu surga.