LUKAS 24:6 - WUKE SUSI WATTI'U AL᷊AL᷊USASSA

⁶ I Tou tate isindi. I Tou nabangunte! Paanaunge apa apan suete niwal᷊on Tou si yamiu su tempo i Tou ta'e su Galilea,

LUKAS 24:6 Iomraidhean Croise

MATIUS 12:40

I Yunus uatana'a tallu allo tallu ṛabbi sulal᷊ummu tiannu inassa masallaka. Aroddi lai Ana'u Taumata sarun matana'a tallu allo tallu ṛabbi sulal᷊ummu tiannu runia.

MATIUS 16:21

Nanattakka wuassu orassa udde, Mawu Yesus nabbisara ringannu uahahati su mallal᷊aṛṛenggen-Ne, manungku i Tou sarun inai su Yerusalem wuṛṛu mamendamma anambon asasusa wuassu manga piaṛṛangnge, manga imam tembonanne, wuṛṛu manga hurun agama. I Tou sarun pateanna, arawe su allo atallune i Tou sarun mabangunna apia.

MATIUS 27:63

wuṛṛu nabbisara, “Mawu, i yami maanaungnga su tempo taṛṛa awusu udde ta'e wiakka, i Tou suete nabbisara, ‘Napawe tallute allo i Ya'u sarun mabangunna apia.’

MATIUS 28:6

I Tou tate baddi'a isindi. I Tou nabangunte ere suete niapasingkan-Ne rorone. Wette pa'ellega tampa nilallowangan-Ne.

MARKUS 16:6

Taumata umbasanna udde nabbisara, “Arie pa'ata'utta! I ya'u masingkatta i yamiu maddea'a Mawu Yesus taumata Nazaret apan suete niarussa. I Tou tate baddia isindi. I Tou nabangunte! Pa'ellega, indi tampane, i mangitou napal᷊allowangngi Tou.

MARKUS 8:31

Wua'udde, Mawu Yesus nanattakke mangngaṛṛa'a mallal᷊aṛṛenggen-Ne manungku Ana'u Taumata sarun matataṛṛangngu anambon asasusa, wuṛṛu ipaseettu manga tembonanne, manga imam tembonanne wuṛṛu manga hurun agama. I Tou sarun pateanna, arawe su allo atallune i Tou sarun mabangunna apia.

LUKAS 24:34

I mangitou nabbisara, “Atonna-tonna Mawu nabbiakke apia! I Tou suete nattingkapasilon batangan-Ne si Simon!”

LUKAS 24:5

I mangitou mangke nata'utta, see inumal᷊intuda su leta'a, tantal᷊anna ruang katou udde mabbisara si mangitou, “Anio i yamiu maddea'a taumata wiakka su tampan taumata nate?

LUKAS 9:22

Mawu Yesus nabbisara apia, “Ana'u Taumata sarun matataṛṛangnga wuṛṛu ipasseettu manga piaṛṛangnge wuṛṛu manga imam tembonanne, see manga hurun agama. I Tou sarun pateanna, arawe su allo atallune sarun iapawangunna apia.”

LUKAS 9:44

“Paatutuṛṛe pa'apia-pia wuṛṛu arie paabul᷊iane manga wisara-U indi: Ana'u Taumata sarun itantilla su taṛṛinon taumata.”

WATTI'U MANGA RASUL 2:24

Arawe Ruata napaawiakki Tou apia wuassu wallattu manga taumata nate. I Tou niallupu papate, arawe Ruata napaal᷊iun Tou, ana waugu tawe ṛinone i Tou sidutu aagasannu papate.

2 TESALONIKA 2:5

Naunge, manungku i ya'u suete namasingkata si yamiu sarangkanambone udde, su tempo i ya'u ta'e su sambau ringanni yamiu.