LUKAS 24:44 - WUKE SUSI WATTI'U AL᷊AL᷊USASSA

⁴⁴ Wua'udde i Tou nabbisara si mangitou, “Ete indi manga inolaanna apan suete Ta'u niwal᷊o si yamiu su tempo i Ya'u ta'e su sambau ringanni yamiu manungku manga inolaanna apan uawoṛṛetta matataṛṛino si Ya'u sulal᷊ummu manga wuke Musa, Manga Nabi, wuṛṛu Mazmur, ṛinone matipussa.”

LUKAS 24:44 Iomraidhean Croise

PANDARIADDI 14:18

I Melkisedek, ratun Salem apan uamanara lai imammu Mawu Ruata Apan Atanggaṛṛanne, uaapiddu roti wuṛṛu anggore ia'onggolla si Abram,

PANDARIADDI 22:18

Anambon balahanna su runia sarun sumal᷊ande si Ya'u tadea'u i Ya'u mangal᷊amatta si mangitou su ereapa i Ya'u nangal᷊amatta papapulunnu – ana waugu i'o buatte tinumuṛṛutta parenta-U.”

PANDARIADDI 3:15

I'o wuṛṛu wawine udde sarun matatiakka, papapulunne wuṛṛu papapulunnu sidutu uasaseetta. Papapulunne sarun maṛṛimunsa'a puanu, wuṛṛu i'o sarun mangi'i paalli mangitou.”

PANDARIADDI 49:10

I Yehuda sarun mangagassa ta'innu araratuanna, papapalunne sarun mamarenta saran mal᷊annu-l᷊annu. Manga walahanna sarun mangapiddu aonggolla, wuṛṛu umal᷊intudda ringannu uasuṛṛubbawa su saruanne.

DARALO 118:22

Watu apan niramme manga maaola'a wal᷊en, naola'e watu sasarianne.

YESAYA 28:16

Ana waugu udde, Mawu Apan Atanggaṛṛanne nabbisara arendi, “I Ya'u sarun mangaddon rapappakke apan matohassa wuṛṛu ma'uatta su Sion; sambau watun pi'une apan maarega ringannu woṛṛetta: ‘Isai apan mangngimanna atonna, i tou sarun tawe mawaddo.’

YESAYA 52:13

Mawu nabbisara, “Mangke atonna, allang-Ku sarun maasomba ina'ul᷊e; i tou sarun dal᷊oanna wuṛṛu itanggakka.

YESAYA 7:14

Orassa indi, Mawu sassane sarun mangonggollu tatiala si yamiu: Sangkatou maṛṛuala apan pia illoṛṛo sarun manungkangngu sangkatou ana'a esakka apan aranne isaggo Imanuel.

YESAYA 9:6

I Tou mamarenta maola'a sangkatou ratu papulunni Daud, taṛṛinone tumaniten bahewalla. Wanuane sidutu su paddarame wuṛṛu su lal᷊umanna'a; pamamarentane nirapappakka su tita wuṛṛu atatul᷊idda orassa indi maddatingngu mal᷊annu-l᷊annu. Mawu Apan Lembontaṛṛino sarun manuungngu udde.

YEREMIA 23:5

Mawu nabbisara, “Sarun a'omanna tempone, i Ya'u sarun manenegu sangkatou ratu apan matul᷊idda wuassu papapulunni Daud. Ratu udde sarun mamarenta ringannu masiṛṛongnga, wuṛṛu mapaamattu atatul᷊idda wuṛṛu atonna su ahewallu wanua.

YEREMIA 33:14

Mawu nabbisara, “Sarun a'omanna tempone i Ya'u manipussu paaire apan buatte Ta'u niola'a ringannu Israel wuṛṛu Yehuda.

YEHEZKIEL 17:22

Eteindi apan niwisara Mawu Apan Atanggaṛṛanne, “Wuassu punnu alu cemara apan al᷊angkasanne, sarun ta'u sappoanna lal᷊uwone see Ta'u paddianna sambau rannane apan ta'e wakku; Ta'u isuanna ranna udde su wowone apan manunggakka watukku winabbawa.

YEHEZKIEL 34:23

I Ya'u sarun manenegu sangkatou ratu apan ere allang-Ku Daud, tadea'u maola'a mallal᷊u'addi mangitou, wuṛṛu i tou sarun mappadul᷊i si mangitou.

DANIEL 2:44

Sutempo pamamarentan manga ratu udde, Ruata su surga sarun mapararisikku sambau araratuanna apan mattaṛṛangnga saran mal᷊annu-l᷊annu wuṛṛu sarun tawe iawaddon al᷊awo'u walahanna su al᷊awo'u tampa. Araratuanna udde sarun makkimunsa'a al᷊awo'u walahanna su al᷊awo'u araratuanna waine udde.

DANIEL 7:13

Sulal᷊ummu sonda'u rabbi udde, i ya'u naasilo sambau lihidde ere taumata. I Tou nirumanta ringanni papal᷊iwutannu winabbawa ana see inaite ringannu Tou apan wiakka saran mal᷊annu-l᷊annu wuṛṛu niapasingkatta si tou.

HOSEA 3:5

Arawe sarun dumanta tempone walahannu Israel mabbelengnga ringannu Mawu Ruatan mangitou, wuṛṛu ringannu ratun mangitou wuassu papapulunni Daud. Ana see i mangitou sarun mata'utta wuṛṛu mangadatta Mawu, see manengkamma manga al᷊aman-Ne.

AMOS 9:11

Mawu nabbisara, “Sarun a'omanna tempone i Ya'u manul᷊en araratuanni Daud. Orassa indi araratuanna udde nabbal᷊ite ere wal᷊en apan naṛṛa'a. Arawe manga darandungnge sarun Ta'u apianna wuṛṛu iapararisikka apia ma'oman sara mabbal᷊i ere paarorone.

ZAKARIA 12:10

Wua'udde papapulunni Daud see tumana'u Yerusalem sarun Ta'u onggol᷊annu naungnga masingkatta umakkanna wuṛṛu mappulu umal᷊iomanna. I mangitou sarun ma'ellega si tou apan buatte niusu'i mangitou wuṛṛu lumallu ere taumata lulluain anangnge man sambau. I mangitou sarun lumallu ringannu sussangitta, naal᷊ihidda ere taumata apan niawul᷊iannu ana'a pahul᷊u.

ZAKARIA 13:7

Mawu Apan Lembontaṛṛino nabbisara, “Darisikke, ei hal᷊ele, wuṛṛu pangaloite mallal᷊u'adda apan mammanara ringang-Ku! Patete i tou, ne manga domba sarun massal᷊iawukka. I Ya'u sarun mamangalo uma-U,

ZAKARIA 14:4

Su allo udde i tou sarun dumarisikka su Wuiddu Zaitun, su samba'an ra'in Yerusalem. Ne Wuiddu Zaitun sarun pesangannu wawal᷊anne apan mal᷊alangnga, matanattakka wuassu ra'i maddatingngu waṛṛatta. Sambageanganna wuassu wuidda udde sarun umal᷊ore watukku sawannakka, wuṛṛu sambageanganna lai watukku timukka.

ZAKARIA 6:12

Wal᷊oa'a si tou manungku i Ya'u Mawu Apan Lembontaṛṛino nabbisara, ‘Taumata apan isassaggo Sambau Solla, sarun maauntungnga su tampa i tou i tou uatana'a wuṛṛu i tou sarun mapararisikku apia Wal᷊en Mawu.

ZAKARIA 9:9

Ei tumana'u Sion, lalluasse! Ei tumana'u Yerusalem, paggiote! Pa'ellege! Rutunu nirumanta ringannu auntunganna! I tou ratu matul᷊idda apan uaapiddu asasal᷊amatta. Arawe ringannu napenen asasaṛṛionto'u naungnga i tou nirumanta uasa'e keledai, sambau keledai saṛṛen tumuwo.

REENGANNA 21:8

Ana see Mawu nandolokki Musa niapal᷊anginnu sambau atoanna wuassu atta'a wuṛṛu niaddo su sambau pati'anna. Suapan taumata apan nipul᷊issu atoanna, sarun mapia amungkangngu maasilo atoanna wuassu atta'a udde.

REENGANNA 35:25

Ammul᷊annu ṛuanganna ṛinone manamba'a taumata apan buatte namate ringannu tawe nipattatudda su saruannu wawansagu manga tuṛṛangngu apan nipate. Taumata udde ṛinone iapidda apia watukku soa pattillindumanne, su tampa i tou tinumal᷊angngu watanganne. I tou ṛinone matanaa isudde ma'oman sara taumata apan su tempo udde nabbal᷊i Imam Bahewalla natete; wua'udde i tou wotongngete mapul᷊e watukku ampungnga atatanaanne. Arawe amungkangngu i tou nate su soa pattillindumanna su tampa i tou tinumal᷊angngu watanganne, ana see niasangkal᷊anna wuṛṛu nipaten tuṛṛangngu taumata apan natete, ne ola'u pabbawal᷊issa udde wal᷊inewe pamamate.

MATIUS 1:22

Sarangkanambone udde mariaddi aroddi, tadea'u matipusse apa apan suete niwisara Mawu sulal᷊ummu nabi-Ne, eteudde,

MATIUS 16:21

Nanattakka wuassu orassa udde, Mawu Yesus nabbisara ringannu uahahati su mallal᷊aṛṛenggen-Ne, manungku i Tou sarun inai su Yerusalem wuṛṛu mamendamma anambon asasusa wuassu manga piaṛṛangnge, manga imam tembonanne, wuṛṛu manga hurun agama. I Tou sarun pateanna, arawe su allo atallune i Tou sarun mabangunna apia.

MATIUS 26:54

Arawe amungkangngu aroddi, ereapa wotongnge mariaddi maola'a ere suete niapaasingkatta sulal᷊ummu Wuke Susi manungku ṛinone sarun mariaddi ere su orassa indi?”

MATIUS 26:56

Arawe atonna naṛṛinote aroddi tadea'u matipusse apa apan niwoṛṛettu manga nabi sulal᷊ummu Wuke Susi.” Wua'udde, manga mallal᷊aṛṛenggen-Ne tinumal᷊angke nanantangngu Mawu Yesus.

MARKUS 9:31

ana waugu i Tou tantal᷊anna mangngaṛṛa'a mallal᷊aṛṛenggen-Ne. “Ana'u Taumata sarun itantilla su taṛṛinon taumata,” aroddi unnu Mawu Yesus, “wuṛṛu i Tou sarun pateanna, arawe su allo atallune i Tou sarun mabangunna apia!”

LUKAS 21:22

Ana waugu manga allo udde ‘Eteudde Allon Ṛuumanna Iapaamatta’, tadea'u ringannu olangnge udde, apa apan uawoṛṛetta sulal᷊ummu Wuke Susi sarun matipussa.

LUKAS 22:37

Ana waugu, pangimante, wageangngu Wuke Susi tingikke arendi, ‘I Tou sassunnanna ere sangkatou taumata lal᷊eo,’ ṛinone mariaddi su riri-U. Ana waugu apan uawoṛṛetta su Wuke Susi matataṛṛino si Ya'u tantal᷊anna mattipusse orassa indi.”

LUKAS 24:46

See i Tou nabbisara si mangitou, “Sulal᷊ummu Wuke Susi uawoṛṛetta manungku Ratum Punnu Sal᷊amatta ṛinone matataṛṛangnga, wuṛṛu sarun mabangunna apia wuassu papate su allo atallune.

LUKAS 9:22

Mawu Yesus nabbisara apia, “Ana'u Taumata sarun matataṛṛangnga wuṛṛu ipasseettu manga piaṛṛangnge wuṛṛu manga imam tembonanne, see manga hurun agama. I Tou sarun pateanna, arawe su allo atallune sarun iapawangunna apia.”

LUKAS 9:44

“Paatutuṛṛe pa'apia-pia wuṛṛu arie paabul᷊iane manga wisara-U indi: Ana'u Taumata sarun itantilla su taṛṛinon taumata.”

YOHANES 3:14

Ere lai i Musa nanduittu atoanna witu'a su alu sambua su wadda'a, aroddi lai Ana'u Taumata ṛinone iruitta,

YOHANES 5:39

I yamiu mangngurumma Wuke Susi ana waugu mangngantimma manungku ringannu olangnge udde i yamiu maatahuanna wiakka tutune wuṛṛu saran mal᷊annu-l᷊annu. Wuṛṛu Wuke Susi udde sassane mattiala su ola'u riri-U.

YOHANES 5:46

Unnu wisara i yamiu mangngimanna si Musa, i yamiu sarun mangngimanna lai si Ya'u, ana waugu ete su ola'u riri-U, i tou namoṛṛetta.

WATTI'U MANGA RASUL 13:33

udde suete nimanaran Tou si ite ringannu napaawiakku Mawu Yesus apia wuassu papate. Ana waugu sulal᷊ummu Mazmur aruane uawoṛṛetta, ‘Ete I'o Ana-U su allo indi I Ya'u naola'e Iamang-Ngu.’

WATTI'U MANGA RASUL 13:40

Ana waugu udde ṛinone i yamiu manutukka mapia-pia, arie ma'oman sara mariaddi si yamiu apa apan iwabbisara manga nabi indi,

WATTI'U MANGA RASUL 2:27

Ana waugu I'o tawe namala ṛimuu'u matantangnga su runian taumata nate. I'o tawe mamalan allang-Ngu apan matuṛṛutta indi maṛṛimunsa'a wuṛṛu masue.

WATTI'U MANGA RASUL 3:18

Wuṛṛu ana waugu eteudde natipusse apa apan suete niapaasingkattu Ruata ro'en al᷊amonane sulal᷊ummu manga nabi-Ne, manungku Ratum Punnu Sal᷊amatta apan pina'ire udde ṛinone matataṛṛangnga.

WATTI'U MANGA RASUL 7:37

Ete i tou lai Musa apan nabbisara su walahannu Israel, ‘Ruata sarun mangonggolla si yamiu sangkatou nabi apan nipile wuassu wallatti yamiu sassane, ere lai i Tou namile si ya'u.’

IBRANI 10:1

Titan agama Yahudi tumba'u mangngonggolu hambaranne apan mal᷊abbuka su ola'u manga inolaanna mapia apan sarun dumanta, wuṛṛu wal᷊ine hambaranna apan su ṛinone wuassu manga inolaanna udde. Tawe mariaddi tita udde wotongnge mapaasuungngu taumata apan rudanta massubba Ruata ringannu uaapiddu sasamba, salaiwe suapan tonna mannantilu manga sasamba apan uasul᷊ungnga.

IBRANI 3:5

I Musa matuṛṛuta ere sangkatou mangangaṛṛa'a su Wal᷊e Mawu wuṛṛu mabatti'u manga inolaanna apan sarun iapaasingkatu Ruata su tempo apan sarun rumanta.

IBRANI 7:1

I Melkisedek indi eteudde sangkatou ratu wuassu Salem wuṛṛu imam wuassu Ruata Lembon Atanggaṛṛanne. Su tempo i Abraham nawelengnga wuassu pangalo nalluṛṛugu manga ratu, i Melkisedek nirumanta nanal᷊oho si tou wuṛṛu nangal᷊amatta.

IBRANI 9:8

Ringannu atoranna udde, Ghaṛṛahon Ruata napaal᷊iatta'a ringanu masemakka, manungku tantal᷊anna rasanna su saruanne udde ta'e uarisikka, lal᷊anna suttanna watukku Wabbo'a Lembon Susi udde taambe mawu'a.

1 PETRUS 1:11

I mangitou mammarikissa ereapa wuṛṛu angngerate olangnge udde sarun mariaddi, apan ipappandumu Ghaṛṛahon Kristus sulal᷊ummu wadangi mangitou. Su tempo udde Ghaṛṛaho-Ne nabbal᷊o si mangitou su ola'u manga asasusa apan ṛinone apendamanni Kristus wuṛṛu su ola'u awawantu-Ge apan manansuna wua'udde.

SONDAPPA 19:10

I ya'u nassumaga su saruannu mala'ekatta udde ana waugu nassubba si tou, arawe i tou nabbisara si ya'u, “Arie! Arie passubba si ya'u, passubbate Ruata! Ana waugu i ya'u lai allangnga ere i'o wuṛṛu ere anambon tuṛṛangu apan uaaggasa matohassa su watti'u Mawu Yesus!” Ana waugu ete watti'u Mawu Yesus udde mannantiro manga taumata apan mabatti'u papatta.