LUKAS 24:24 - WUKE SUSI WATTI'U AL᷊AL᷊USASSA

²⁴ Siri pira wuassi yami inaite su lal᷊abinganna wuṛṛu naaratinga manungku apa apan niwatti'u manga wawine udde atonna, tumba'u i mangitou tawe naasilo Mawu Yesus.”

LUKAS 24:24 Iomraidhean Croise

MATIUS 2:7

Napawe suete naasomba tal᷊aane aroddi, i Herodes namaggote manga mapapanden anumpitanna wuassu samba'an ra'i udde, ringannu mal᷊annaba. Wua'udde i tou naiwal᷊ote si mangitou, ro'en angngera i yamiu nanattakka naasilo anumpitanna udde.

LUKAS 24:12

Arawe i Petrus nabuatta dirumarisikka see tinumal᷊angnga watukku lal᷊abinganna. Lapiddu u'aruutta i tou ma'ellega watukku lal᷊umme, see naasilo tumba'u mal᷊aṛṛenessa kafan isudde. I Petrus naherangnga, see napul᷊e ringannu anambon aiwal᷊o sulal᷊ummu naungnge su ola'u apa apan suete nariaddi.

LUKAS 24:23

arawe tawe naasomba winal᷊unan-Ne poiaroddi. See i mangitou nabelengke wuṛṛu nabatti'a manungku i mangitou suete naasilo mala'ekatta, wuṛṛu manga mala'ekatta udde nabbisara manungku Mawu Yesus nabbiakke.

LUKAS 24:25

See Mawu Yesus nabbisara si mangitou, “I yamiu woddo atonna! Tumanite mal᷊iwue i yamiu mangngimanna anambon apa apan suete niapasingkattu manga nabi!