LUKAS 23:35 - WUKE SUSI WATTI'U AL᷊AL᷊USASSA

³⁵ Manga taumata uarisikka isudde mabbiala lai, tantal᷊anna manga tembonannu taumatan Yahudi mangngadio'a Mawu Yesus ringannu wisarane, “I Tou suete nanal᷊amatta taumata waine; orassa indi i Tou panal᷊amatta riri-Ne sassane, amungkangngu atonna-tonna i Tou Ratum Punnu Sal᷊amatta apan nipilen Ruata!”

LUKAS 23:35 Iomraidhean Croise

DARALO 22:17

I ya'u nipangaloannu ammul᷊annu taumata lal᷊eo; naal᷊ihidda ammul᷊annu asu i mangitou nakkulunna si ya'u, nangusu'a lima wuṛṛu ledda'u.

DARALO 35:15

Arawe sutempo i ya'u su asasusa, i mangitou lulluassa, wuṛṛu nakkulunna mando'appa si ya'u. I mangitou u'amatta ua'ento ipallobbosa si ya'u.

DARALO 4:2

Oh Ruata, ete I'o apan uasamba'a si ya'u; simbakke amungkangu i ya'u sumal᷊ande. Sutempo i ya'u susa, I'o mantul᷊ungku; orassa indi tal᷊antupaawe i ya'u wuṛṛu daringiṛṛewe aal᷊iomangku.

DARALO 69:26

Wala'e paddasananni mangitou mal᷊annaba, wuṛṛu manga rasanni mangitou taweddu matana'a.

DARALO 71:11

Unni mangitou, “I Tou nitantangngu Ruata; wette i ite mangenggenna wuṛṛu manametta si tou, ana waugu tateddu manal᷊amatta si tou.”

YESAYA 42:1

Wisara Mawu, “Eteindi allang-Ku apan bawawanang-Ku, taumata nipile-Ku apan ma'al᷊uassa naung-Ku. I Ya'u buatte nangonggollu taṛṛino-Ku si tou, ipangapiddu atatul᷊idda su anambon walahanna.

YESAYA 49:7

Ruata na'ukkassa Mananal᷊amattu Israel nabbisara su taumata apan tumaniten aal᷊uandahanna, wuṛṛu ipaddantinnu manga walahanna see lai naola'a allangngu manga tembonanne, “Manga ratu sarun maasilo inolaang-Ku; i mangitou sarun dumarisikka mangaddatta si Ya'u. Manga tembonanne sarun maasilo lai, ana see umal᷊intudda massubba.” Udde matipussa ana waugu Mawu buatte namile allang-Nge; Ruata na'ukassu Israel satia su paaire-Ne.

YESAYA 53:3

I ite mallobbossa wuṛṛu mangindaun tou, taumata apan napenen asasusa wuṛṛu wotongnge mamassanna radda'a. Tawe saran sangkatou mappulu ma'ellega si tou, wuṛṛu i ite lai tawe manaile si tou.

LAL᷊ALLU 3:14

Su al᷊o'engngu allo i ya'u ilallagen awadaalla, wuṛṛu naola'a punnu pasendekka.

ZAKARIA 12:10

Wua'udde papapulunni Daud see tumana'u Yerusalem sarun Ta'u onggol᷊annu naungnga masingkatta umakkanna wuṛṛu mappulu umal᷊iomanna. I mangitou sarun ma'ellega si tou apan buatte niusu'i mangitou wuṛṛu lumallu ere taumata lulluain anangnge man sambau. I mangitou sarun lumallu ringannu sussangitta, naal᷊ihidda ere taumata apan niawul᷊iannu ana'a pahul᷊u.

MATIUS 12:18

“Ete indi ralol᷊oṛṛang-Ku apan Ta'u pinile taumata apan arangnguang-Ku wuṛṛu natataṛṛino su naung-Ku. Ghaṛṛaho-U sarun ionggolla si Tou, atatul᷊i-U sarun iapasingkattati si Tou su manga walahanna.

MATIUS 3:17

Wua'udde niaringikka tingikku Ruata nabbisara, “Ete indi Ana'u apan arangnguanna, i Tou ma'al᷊uassa naung-Ku.”

LUKAS 16:14

Manga taumatan Farisi naaringikka al᷊awo'u wisara apan niwisara Mawu Yesus. See i mangitou nilumagen Tou, ana waugu i mangitou wal᷊iun roitta.

LUKAS 23:13

I Pilatus nangammullu manga imam tembonanne, wuṛṛu manga piaṛṛangnge, wuṛṛu lal᷊oṛṛon soa,

LUKAS 23:39

Sangkatou wuassu wallattu taumata lal᷊eo apan uaarussa isudde mangngadio'a lai Mawu Yesus. I tou nabbisara, “Ete I'o Ratum Punnu Sal᷊amatta udde? Ei, panal᷊amatte riri-Nu wuṛṛu si yami!”

1 PETRUS 2:4

Ana waugu udde, rantate ringannu Mawu. I Tou naal᷊ihida watu apan wiakka, watu apan nirammen taumata ana waugu sansunnanna tawe gunane; arawe nipilen Duata maola'a watu apan maarega.