LUKAS 23:33 - WUKE SUSI WATTI'U AL᷊AL᷊USASSA

³³ Napawe na'omate su tampa apan isassago “Tanggilal᷊a”, i mangitou nangarussate Mawu Yesus wuṛṛu ruang katou taumata lal᷊eo udde – sangkatou su samba'a uananna wuṛṛu sangkatou lai su samba'a aiṛṛi Mawu Yesus.

LUKAS 23:33 Iomraidhean Croise

DARALO 22:16

Tonggol᷊angku namara ere pilessa, lila'u naddeetta su saṛṛangaddu moṛṛongku. Mawu, I'o nanantangku su wowon awu naal᷊ihidda taumata natete.

ZAKARIA 12:10

Wua'udde papapulunni Daud see tumana'u Yerusalem sarun Ta'u onggol᷊annu naungnga masingkatta umakkanna wuṛṛu mappulu umal᷊iomanna. I mangitou sarun ma'ellega si tou apan buatte niusu'i mangitou wuṛṛu lumallu ere taumata lulluain anangnge man sambau. I mangitou sarun lumallu ringannu sussangitta, naal᷊ihidda ere taumata apan niawul᷊iannu ana'a pahul᷊u.

MATIUS 20:19

wua'udde itantilla su manga taumata wal᷊ine Yahudi. I mangitou sarun mangal᷊uandaga si Tou, mannansara si Tou, wuṛṛu mangarussan Tou. Arawe su allo atallune, i Tou sarun iapawangunna apia.”

MATIUS 26:2

“I yamiu masingkatta tillorege Allo Wahewam Paskah, wuṛṛu Ana'u Taumata sarun itantilla iapaarussa!”

LUKAS 24:7

manungku ‘Ana'u Taumata sarun itantilla su taumata marosa, see iarussa, wuṛṛu su allo atallune i Tou sarun mabangunna.’ ”

YOHANES 18:32

Indi mariaddi tadea'u matipusse apa apan niapaasingkattu Mawu Yesus su ola'u i Tou sarun mate.)

YOHANES 3:14

Ere lai i Musa nanduittu atoanna witu'a su alu sambua su wadda'a, aroddi lai Ana'u Taumata ṛinone iruitta,

WATTI'U MANGA RASUL 13:29

Wuṛṛu napawe i mangitou suete na'ola'a sarangkanambone apan uawoṛṛetta su Wuke Susi su ola'i Tou, i mangitou nallintukku winal᷊unan-Ne wuassu alu arussa, see niaddo su lal᷊abinganna.

WATTI'U MANGA RASUL 2:23

Ere su ṛingiṛṛan-Ne sassane, Ruata naṛṛawessa, i Tou manantillu Mawu Yesus si yamiu. Wuṛṛu su tempo i Tou tinantilla, i yamiu namate si Tou ringannu namala manga taumata lal᷊eo nangarussan Tou.

WATTI'U MANGA RASUL 5:30

Mawu Yesus, apan niarussang kamiu suete niapaawiakku Ruata iupungngu al᷊amonang kite apia wuassu papate.

GALATIA 3:13

Arawe Kristus namallosi ite wuassu awawontogu titan agama. I Tou na'ola'a udde ringannu namalan watangan-Ne awontohanna ana waugu i ite. Ana waugu sulal᷊ummu Wuke Susi uawoṛṛetta, “Niawontohante taumata apan nate niele su alu pangangeleanna.”

TAHIUL᷊E 21:23

winal᷊unanna udde tawe wotongnge iwala isudde su al᷊o'engngu ṛabbi, arawe ṛinone ilabbingnga allo udde lai. Winalunanna apan ua'ele udde, mandantan bontogu Mawu Ruata su wanua udde. Nariaddi, labbinga'e winal᷊unanna udde tadea'u i yamiu tawe mandal᷊eo wanua apan nionggolu Mawu Ruatanu si yamiu.

1 PETRUS 2:24

Kristus sassane namasanna manga rosan kite su watangan-Ne roso su alu arussa, tadea'u i ite mapallosa wuassu taṛṛinon dosa, wuṛṛu mabbiakka tuttuṛṛuta apulun Duata. Ete manga lessan Kristus apan nangapia si yamiu.