LUKAS 23:32 - WUKE SUSI WATTI'U AL᷊AL᷊USASSA

³² Pia lai ruang katou waine – itarua taumata lal᷊eo – apan niapiddi mangitou iṛṛuumanna lai sara mate su sampunna ringannu Mawu Yesus.

LUKAS 23:32 Iomraidhean Croise

YESAYA 53:12

Ringannu naungnga mal᷊uassa i tou nanantillu wiakke wuṛṛu nasutta su reengannu taumata lal᷊eo. I tou namasanna rosa taumata nambo wuṛṛu niumal᷊iomana tadea'u i mangitou ampunganna. Ne i tou Ta'u nionggol᷊annu taumata manambo maola'a hadiane, wuṛṛu i tou naasomba wageangnge suadio'a ringannu manga taumata apan matul᷊idda.”

MATIUS 27:38

Su sampunna ringanni Tou, i mangitou nangarussan ruang katou lai taṛṛa ṛampassa; sangkatou su samba'a uanan-Ne, wuṛṛu sangkatou lai su samba'a aiṛṛi-Ne.

MARKUS 15:27

Su sambau ringannu Mawu Yesus, i mangitou lai nangarussan ruang katou taṛṛa ṛampassa; sangkatou su uananna wuṛṛu sangkatou lai su aiṛṛi. [

LUKAS 22:37

Ana waugu, pangimante, wageangngu Wuke Susi tingikke arendi, ‘I Tou sassunnanna ere sangkatou taumata lal᷊eo,’ ṛinone mariaddi su riri-U. Ana waugu apan uawoṛṛetta su Wuke Susi matataṛṛino si Ya'u tantal᷊anna mattipusse orassa indi.”

LUKAS 23:31

Ana waugu amungkangngu matataṛṛino su alu ta'e wiakka, taumata suete na'ola'a ereindi, apa lai sarun olaanni mangitou su alu apan naṛṛangute!”

YOHANES 19:18

Poiaroddi i Tou niarussa. Su sambau ringanni Tou pia lai ruang katou taumata waine apan uaarussa; sangkatou su samba'a aiṛṛi, sangkatou su samba'a uananna wuṛṛu Mawu Yesus su tangngane.

2 TIMOTIUS 2:9

Ana waugu mabatti'u Watti'u Al᷊al᷊uassa udde, i ya'u natataṛṛangnga; ewe'e lai na'oman sara niṛṛapussa ere sangkatou taumata lal᷊eo. Arawe wisaran Duata tawe iaṛṛapussa.

IBRANI 12:2

Ṛinone aellegi ite tuddane su Mawu Yesus, ana waugu ete i Tou namangunna pangangimanni ite wuṛṛu nappadul᷊i wuassu paarorone saran panginsueanne. Mawu Yesus natataṛṛanga susa su alu arussa! I Tou tawe mannaungnga manungku mate su alu arussa udde sambau inolaanna apan ma'asili. I Tou tumba'u mannaungnga al᷊al᷊uassa apan sarun apendaman-Ne su allo murine. Orassa indi tou ua'ianna su samba'an uanannu Ruata wuṛṛu mammarenta suadio'a ringanni Tou.