LUKAS 23:10 - WUKE SUSI WATTI'U AL᷊AL᷊USASSA

¹⁰ Manga imam tembonanne wuṛṛu manga hurun agama sinumaruanna lai isudde wuṛṛu ringannu pia lembone mapaasal᷊a Mawu Yesus.

LUKAS 23:10 Iomraidhean Croise

MATIUS 27:12

Arawe su tempo manga imam tembonanne wuṛṛu piaṛṛa'u Yahudi napasabangngu anambon alae su ola'u Mawu Yesus, i Tou tawe sinumimbakka saran addio'a.

LUKAS 11:53

Napawe Mawu Yesus nanantangke tampa udde, manga hurun agama wuṛṛu manga taumatan Farisi mammansaggu Mawu Yesus. I mangitou mannattakke mammono'a si Tou tadea'u i Tou mabbisara ringannu anambon inolaan-Ne.

LUKAS 23:11

I Herodes wuṛṛu manga tantarane mannalangnga wuṛṛu mangngal᷊uandaga Mawu Yesus, see nilluṛṛeannu laubbu awawantuga, wua'udde i Tou nirolokka apia ringanni Pilatus.

LUKAS 23:2

Isudde i mangitou mapaasal᷊an Tou. I mangitou mabbisara, “I yami naaratingnga taumata indi mangngal᷊iwun lal᷊oṛṛon soa. I Tou mandolokku taumata tadea'u tawe mamaekka wose su Kaisar, ana waugu i Tou mabal᷊o manungku ete i Tou i Kristus, sangkatou ratu.”

LUKAS 23:5

Arawe i mangitou lembo mammata'a lai, “Ringannu al᷊aṛṛang-Nge, i Tou mangngal᷊iwun taumata su ahewallu leta'u Yudea; paarorone su leta'u Galilea, wuṛṛu orassa indi na'omate isindi lai.”

LUKAS 23:9

Ana waugu udde i Herodes manambonaiwal᷊o si Tou, arawe Mawu Yesus tawe sinumimbakka saran paassa.

WATTI'U MANGA RASUL 24:5

Niasombanganni yami taumata indi mangangal᷊iba'ukka apan maasilaka. Su al᷊awo'u tampa i tou ma'ola'a hio su wallattu manga taumatan Yahudi wuṛṛu i tou naola'a piaṛṛa'u pandumannu manga taumata Nazaret.