LUKAS 22:66 - WUKE SUSI WATTI'U AL᷊AL᷊USASSA

⁶⁶ Su rua'allone, manga piaṛṛa'u taumatan Yahudi, manga imam tembonanne, wuṛṛu manga hurun agama naammulla, see Mawu Yesus niapidda su saruannu Mallaṛṛuungngu Agama mangitou.

LUKAS 22:66 Iomraidhean Croise

MATIUS 27:1

Ruaallo atonna, manga imam tembonanne wuṛṛu piaṛṛa'u Yahudi naṛṛawesse manungku Mawu Yesus pateanna.

MATIUS 5:22

Arawe orassa indi Ya'u mabbisara si yamiu, isai-sai masa'u su taumata waine, sarun parikisanna; wuṛṛu isai-sai mallela taumata waine sarun parikisanna su saruannu Mallaṛṛuungngu Agama. Wuṛṛu isai-sai mabbisara taumata waine, ‘Tingngangnga,’ sarun iramme sulal᷊ummu putungngu naraka.

MARKUS 15:1

Ruaallo atonna, manga Mallaṛṛuungngu Agama nasutta lai manga imam tembonanne, manga piaṛṛa'u taumatan Yahudi wuṛṛu manga hurun agama mal᷊iha-l᷊ihakka na'ire. I mangitou naṛṛapussa Mawu Yesus, wua'udde nangapiddi Tou wuṛṛu tinantilla si Pilatus.

YOHANES 18:28

Rua'allo maṛṛanggapa i mangitou nangapiddu Mawu Yesus wuassu wal᷊en Kayafas watukku wal᷊en gubernure. Manga taumatan Yahudi sassane tawe sinumutta sulal᷊ummu wal᷊en araratuanna, tadea'u i mangitou tawe mabbal᷊i marosa su ola'u agama, ana waugu i mangitou lai inai umanna annu Paskah.

WATTI'U MANGA RASUL 22:5

Imam bahewa sassane wuṛṛu anambo Mallaṛṛuungngu Agama wotongnge mattiala manungku i ya'u tawe mangawusu. Ana waugu ete i mangitou udde suete nangonggolu suratta wawal᷊o su manga taumatan Yahudi su Damsyik. Ringannu suratta udde i ya'u wotongnge manametta poiaroddi manga taumata apan mangngimanna al᷊aṛṛa'a udde wuṛṛu mangapiddi mangitou su Yerusalem iṛṛuumanna.”