LUKAS 22:41 - WUKE SUSI WATTI'U AL᷊AL᷊USASSA

⁴¹ Wua'udde i Tou nangindau adio'a wuassi mangitou, iraṛṛangngo araune paassa panuntungannu watu,

LUKAS 22:41 Iomraidhean Croise

MATIUS 26:39

Wua'udde Mawu Yesus inaite marau addio'a, see i Tou inumal᷊intuda su leta'a wuṛṛu inumal᷊iomanna. “Iamangnga,” wisara-Ne, “amungkangngu wotongnge, paaraua'a wuassia'u asasusa apan maṛṛia'a si Ya'u indi. Arawe arie tumuṛṛuttu apulu-U, arawe tumuṛṛuttu apulun Iamangnga sassane.”

MARKUS 14:35

Mawu Yesus inaite nangindau adio'a see inumal᷊intuda su leta'a wuṛṛu inumal᷊iomanna. Sulal᷊ummu aal᷊iomanne i Tou nadorongnga amungkangngu wotongnge, i Tou tawe mamendamma orassu sansara udde.

LUKAS 18:11

Taumatan Farisi udde nirumarisikka sassane wuṛṛu inumal᷊iomanna, ‘O Ruata, i ya'u maadiangkamanna Si'o, ana waugu i ya'u tawe ere taumata waine, apan wal᷊iu, taṛṛa l᷊inga ara'e masandaga. I ya'u ma'adiangkamanna ana waugu i ya'u tawe ere madarorongnga wose udde.

LUKAS 18:13

Arawe madarorongnga wose udde nirumarisikka marau-rau wuṛṛu tawe maningngara langitta. Lapiddu mannapu roone, i tou nabbisara, ‘O Ruata, akkanawe i ya'u, taumata marosa indi!’ ”

WATTI'U MANGA RASUL 20:36

Napawe i Paulus suete nabbisara, i tou inumal᷊intuda ringanni mangitou sarangkanambone see inumal᷊iomanna.

WATTI'U MANGA RASUL 21:5

Arawe napawe nasuete tempone i yami uatana'a isudde, i yami nanantangngi mangitou, wuṛṛu i yami nanassukku amatanni yami. I mangitou sarangkanambone ringannu anangnge wuṛṛu awingnge nanguntudi yami sara liuddu soa. Poiaroddi su winggin apanne, i yami sarangkanambone inumal᷊intuda see inumal᷊iomanna.

WATTI'U MANGA RASUL 7:60

See i tou inumal᷊intuda wuṛṛu inumui ringannu tingikka ma'ikkatta, “Mawu, ariewe rosa indi maola'a winabbawa mangitou!” Napawe wua nabbisara aroddi i tou nate.

WATTI'U MANGA RASUL 9:40

I Petrus nandolokki mangitou sarangkanambone sinumabangnga, see i tou inumal᷊intuda wuṛṛu inumal᷊iomanna. Wua'udde i tou sinumaruanna winal᷊unanni Dorkas wuṛṛu nabbisara, “Tabita, apu'ote.” Ne Dorkas inumaallate, wuṛṛu napawe i tou naasilo si Petrus, i tou inuma'ianna.

IBRANI 5:7

Su tempo Mawu Yesus mabbiakka su runia indi, i Tou u'al᷊iomanna wuṛṛu sussal᷊ande ringannu u'ui wuṛṛu lulluai su Ruata, apan botongnge manal᷊amatta si Tou wuassu papate. Wuṛṛu ana waugu i Tou matuṛṛuta Ruata ringannu napeneng addatta, ne i Tou niraringiṛṛana.