LUKAS 22:37 - WUKE SUSI WATTI'U AL᷊AL᷊USASSA

³⁷ Ana waugu, pangimante, wageangngu Wuke Susi tingikke arendi, ‘I Tou sassunnanna ere sangkatou taumata lal᷊eo,’ ṛinone mariaddi su riri-U. Ana waugu apan uawoṛṛetta su Wuke Susi matataṛṛino si Ya'u tantal᷊anna mattipusse orassa indi.”

LUKAS 22:37 Iomraidhean Croise

YESAYA 53:12

Ringannu naungnga mal᷊uassa i tou nanantillu wiakke wuṛṛu nasutta su reengannu taumata lal᷊eo. I tou namasanna rosa taumata nambo wuṛṛu niumal᷊iomana tadea'u i mangitou ampunganna. Ne i tou Ta'u nionggol᷊annu taumata manambo maola'a hadiane, wuṛṛu i tou naasomba wageangnge suadio'a ringannu manga taumata apan matul᷊idda.”

MARKUS 15:27

Su sambau ringannu Mawu Yesus, i mangitou lai nangarussan ruang katou taṛṛa ṛampassa; sangkatou su uananna wuṛṛu sangkatou lai su aiṛṛi. [

MARKUS 15:28

Ringannu aroddi nariaddite apa apan uawoṛṛetta sulal᷊ummu Wuke Susi, eteudde: “I Tou sassunnanna lai nareengnga taumata lal᷊eo.”]

LUKAS 18:31

Mawu Yesus nangammullu sire mapul᷊o dua mallal᷊aṛṛenggen-Ne su sambau see nabbisara, “Padaringikka! I ite orassa indi mabatukku Yerusalem. Poiaroddi, sarangkanambone apan niwoṛṛettu manga nabi su ola'u Ana'u Taumata sarun matipussa.

LUKAS 22:22

Ana'u Taumata sarun mate su ereapa suete tinantunnu Ruata, arawe nasilakate taumata apan mamate si Tou!”

LUKAS 22:36

“Arawe orassa indi,” unnu Mawu Yesus, “Isai pia dompetta ara'e pato'a, ṛinone iapidda; wuṛṛu isai tawe hal᷊ele, ṛinone mabal᷊u'u jubahne ipamalli hal᷊ele.

LUKAS 22:52

Wua'udde Mawu Yesus nabbisara manga imam tembonanne wuṛṛu manga tembonannu mandariaga Wal᷊e Mawu, see manga piaṛṛa'u taumatan Yahudi apan nirumanta isudde, manametta Mawu Yesus, “Apa i Ya'u indi taumata lal᷊eo, na'oman sara i yamiu nirumanta uaapiddu hal᷊ele wuṛṛu papuulla ipanametta si Ya'u?

LUKAS 23:32

Pia lai ruang katou waine – itarua taumata lal᷊eo – apan niapiddi mangitou iṛṛuumanna lai sara mate su sampunna ringannu Mawu Yesus.

LUKAS 24:27

Wua'udde Mawu Yesus nanal᷊aate si mangitou apa apan uawoṛṛetta sulal᷊ummu Wuke Susi su ola'u wadang-Nge, manattakka wuassu wuke Musa wuṛṛu wuke manga nabi.

YOHANES 10:35

I ite masingkatta manungku apa apan uawoṛṛetta sulal᷊ummu Wuke Susi ipappaatta sarangkal᷊o'engnge. Nariaddi, amungkangngu Ruata mangonggolu aranna ‘mawu’ su manga taumata apan madaringikka wisara-Ne,

YOHANES 17:4

I Ya'u suete namantuga Iamangnga su wowon dunia indi ringannu nanginsue manara apan nirolokku Iamangnga si Ya'u.

2 KORINTUS 5:21

Kristus tawe pasasal᷊ane, arawe Ruata na'ola'a si Tou uapasanna rosan kite, tadea'u i ite maaukka apia ringannu Ruata ana waugu susambau ringanni Kristus.

GALATIA 3:13

Arawe Kristus namallosi ite wuassu awawontogu titan agama. I Tou na'ola'a udde ringannu namalan watangan-Ne awontohanna ana waugu i ite. Ana waugu sulal᷊ummu Wuke Susi uawoṛṛetta, “Niawontohante taumata apan nate niele su alu pangangeleanna.”