LUKAS 21:8 - WUKE SUSI WATTI'U AL᷊AL᷊USASSA

⁸ Mawu Yesus nabbisara, “Paatehamma, arie i yamiu awahianna. Manambo taumata sarun rumanta ringannu arang-Ku, wuṛṛu mabbisara, ‘Ete i Ya'u i Tou!’ wuṛṛu ‘Nia'omante tempone.’ Arawe arie i yamiu tumantalongnga si mangitou.

LUKAS 21:8 Iomraidhean Croise

YEREMIA 29:8

I Ya'u Mawu, Apan Lembontaṛṛino, Ruatan Israel, mapanaungnga si yamiu tadea'u arie mamala batangannu awusuannu manga nabi apan uatana'a su pattangnganni yamiu ara'e isai-sai lai apan mabbisara manungku i mangitou wotongnge mani'attu tempo addantane. Ariete maṛṛingiddu manga wal᷊iawa mangitou.

MATIUS 24:11

Manambo manga nabi awusu sarun dumanta, wuṛṛu mangawusu taumata nambo.

MATIUS 3:2

“Awal᷊ute wuassu manga rosanu,” wisarane, “ana waugu Ruata tate mal᷊annu lai mamarenta ere sangkatou Ratu!”

MATIUS 4:17

Nanattakke su tempo udde Mawu Yesus namasingkatta, “Awal᷊ute wuassu manga paddarosanu, ana waugu Ruata mal᷊ihakke rumanta mamarenta ere sangkatou Ratu!”

LUKAS 17:23

Wuṛṛu taumata sarun mabbisara si yamiu, ‘Pa'ellega, isudde!’ ara'e, ‘Pa'ellega isindi!’ Arawe imbaṛṛangnga i yamiu sumabangnga maddea'a si Tou.

LUKAS 21:7

I mangitou naiwal᷊o Mawu Yesus, “Iamangnga Huru, angngerate olangnge udde sarun mariaddi? Wuṛṛu apa tatialane manungku nia'omante tempone olangnge udde sarun mariaddi?”

LUKAS 21:9

Arie lai yamiu matta'utta napawe maaringikka watti'a su ola'u pangalo wuṛṛu pasaseetta. Sarangkanambone udde ṛinone mariaddi paarorone. Arawe udde tawe manungku nia'omante tempone kiamatta.”

YOHANES 5:43

I Ya'u nirumanta ringannu taṛṛinon Iamang-Ku, arawe i yamiu maddiri manarimma-U. Arawe amungkangngu taumata waine rumanta ringannu taṛṛinone sassane, i yamiu maapulu manarimmatti tou.

YOHANES 8:24

Ana waugu udde i Ya'u mabbisara si yamiu, manungku i yamiu sarun mate sulal᷊ummu manga rosanu. Wuṛṛu atonna i yamiu sarun mate sulal᷊ummu manga rosanu, amungkangngu i yamiu tawe mangngimanna manungku, ‘ete i Ya'u i Tou apan isassago I YA'U INDI’. ”

YOHANES 8:28

Ana waugu udde Mawu Yesus nabbisara si mangitou, “Ṛaddoi amungkangngu i yamiu suete nanduittu Ana'u Taumata, i yamiu sarun maasingkatta manungku ‘ete i Ya'u i Tou apan isassago I YA'U INDI’, wuṛṛu i yamiu sarun maasingkatta manungku tawe saran sambau apan a'olaang-Ku wuassu riri-U sassane. I Ya'u tumba'u mamasingkattu apa apan niaṛṛa'u Iamangnga si Ya'u.

1 KORINTUS 6:9

Massingkate i yamiu manungku manga taumata apan tawe tumuṛṛutta apulun Duata, tawe maola'a al᷊aṛṛana'u Ruata? Arie aawusuanna! Manga taumata apan sussandaga, manga taumata apan massubba paal᷊uanna, apan mannalangnga wawine, apan ma'ola'a inolaanna apan maasili su sansul᷊ungnge,

EFESUS 5:6

Iambaṛṛanga i yamiu awusuannu manga hatto awusu. Ana waugu, ete manga hatto indi, apan maasa'u Ruata su saruannu manga taumata apan mal᷊awangnga si Tou.

2 TESALONIKA 2:3

Salaiwe ereapa, arie mapaawalan taumata mangawusu si yamiu. Ana waugu tantal᷊anna taambe nia'omanna allo udde, ṛinone mariaddi dorone olangnge indi: Manambo taumata sarun massinaadda, maddandilli Kristus; wuṛṛu Taumata Lal᷊eo apan suete nitantuna iapaasutta su naraka, sarun mamasilon batanganne.

2 TIMOTIUS 3:13

arawe manga taumata lal᷊eo wuṛṛu manga taumata taṛṛa l᷊inga sarun mabbal᷊i lembon al᷊eoanne. I mangitou mallinga taumata waine, wutte'e i mangitou sassane nial᷊inganna lai.

1 YOHANES 4:1

Manga tuṛṛangnga apan arangnguanna! Arie pangimanna anambon taumata apan mangnga'u Ghaṛṛahon Duata, arawe annama'a asuene i mangitou tanne ghaṛṛaho mangitou udde niarantanne wuassu Ruata ara'e tawe. Ana waugu manambonabi awusu apan u'amatta su al᷊awo'u tampa.

2 YOHANES 1:7

Manambo taṛṛa wahia nassal᷊iawukke su ahewallu runia. I mangitou eteudde manga taumata apan tawe manga'u manungku Yesus Kristus nirumanta su runia indi naola'a sangkatou taumata. Taumata ereudde uddewe taṛṛa wahia, wuṛṛu Seetti Kristus.

SONDAPPA 1:3

Lal᷊umanna'a su taumata apan mabbasa wuṛṛu maddaringikka watti'u papattam wuke indi see tuttuṛṛuta apa apan uawoṛṛetta sulal᷊ummu wuke indi. Ana waugu tate mal᷊annu lai sarangkanambone indi sarun mariaddi.

SONDAPPA 12:9

Naga apan bahewalla udde niramme su liudde! Ete i tou atoanna timmade udde apan aranne Setanna ara'e Ghaṛṛaho Lal᷊eo, apan nangawusu ahewallu runia. I tou niramme su runia su sambau ringannu manga mala'ekanne.