LUKAS 21:34 - WUKE SUSI WATTI'U AL᷊AL᷊USASSA

³⁴ “Paariagai wadangngu, arie ma'oman sara i yamiu tumanite manambo ma'ola'a andeangnga wuṛṛu ma'inumma ua'e ma'awu'anna, ara'e tumanite maṛṛingiddu al᷊awo'u hattom biakki yamiu, na'oman sara i yamiu tawe naasaddia napawe allo udde nirumanta ringannu awagananna.

LUKAS 21:34 Iomraidhean Croise

PANDARIADDI 19:32

Wette, iapawu'anni yadua i papa, ana see yadua matiilla ringanni tou tadea'i yadua maasomba ana'a.”

PANDARIADDI 19:35

Etearoddi su ṛabbi udde itarua napawu'anni Lot, wuṛṛu iapa ana'a aruane natilla ringanni tou. Wuṛṛu i Lot tumanite niwu'anne na'oman sara i tou waga apa apan buatte nariaddi.

PANDARIADDI 27:14

Ne i Yakub inaite nanganu manga ambinga udde wuṛṛu niapidda ringannu ianangnge. Ana see i Ribka nallahate sinangngo al᷊utuanni Ishak.

DARALO 35:8

Wala'e i mangitou aemaannu papate ringannu awagananna. Wala'e i mangitou asametannu seddane sassane ana see manawo wuṛṛu mate.

AMSAL 21:4

Taumata lal᷊eo udde marosa, ana waugu tataṛṛinoannu atatanggakke wuṛṛu awawungane.

AMSAL 23:20

Imbaṛṛangnga maggahawen taumata taṛṛa wu'anna ara'e mawal᷊iu,

MANNANASE 9:12

Taumata wagga tingngera tempone rumanta. Ere manu'u winalanganna nasongnganna wuṛṛu inassa nasomanna, aroddi lai taumata aṛṛiaannu asasilaka sutempo apan niawagananna.

YESAYA 28:7

See lai manga nabi wuṛṛu manga imam wu'anna ana waugu tumanite manambo na'inumma anggore wuṛṛu tubba. I mangitou u'amatta lullallengge wuṛṛu mangke mattara ana waugu ṛingiranni mangitou nassongkakka. Manga nabi tate lai maasunna manga sondappa apan ia'onggollu Ruata si mangitou. Manga imam tate lai maaṛṛawessu manga hatto apan iappaola'a si mangitou.

HOSEA 4:11

Mawu nabbisara, “Ei uma-U, mawae anggore tabbe ara'e anggore apan wakku buatte napaawul᷊in atatohannu ipaṛṛingidda ringannu mapia.

IMAMATTA 10:9

“Napawe buatte na'inumma ua'e anggore ara'e ua'e ma'awu'anna, i'o wuṛṛu manga anangngu imbaṛṛangnga sumutta sulal᷊ummu Rasang-Ku. Amungkangngu i yamiu lumawangnga atoranna udde, i yamiu sarun mate. Parenta udde sarun daringiṛṛannu anambon papapulunnu.

MATIUS 13:22

Wualanna apan nanawo su tangngan ahuranganna ṛoaanna, isassumandingnga su taumata apan uararingikka watti'a udde, arawe sussinggawangnga su ola'u wiakki mangitou wuṛṛu maapulu mabbiakka su al᷊al᷊uassa. Ana waugu udde watti'a wuassu Ruata nawul᷊i wuassu naungngi mangitou na'oman sara tawe buane.

MARKUS 13:9

I yamiu ṛinone paatehamma, ana waugu yamiu sarun sametanna wuṛṛu parikisanna su saruannu mallaṛṛuungnga. I yamiu sarun puul᷊anna su manga wal᷊em pattataṛṛamawuanna. I yamiu sarun parikisanna sumaruanna manga tembonanne wuṛṛu manga ratu ana waugu i yamiu mallal᷊aṛṛenggeng-Ku. Wuṛṛu eteudde temponu manganggillu tatiala su ola'u riri-U si mangitou.

MARKUS 4:19

arawe sussinggawangngu pabbiaṛṛanni mangitou wuṛṛu maapulu mabbiakka lembo nasuungnga. Apulum padarunia sinumuttate sulal᷊ummu naungngi mangitou. Wua'udde watti'u Ruata nawul᷊i wuassu lal᷊ummu naungngi mangitou, na'oman sara tawe nabbua.

LUKAS 10:41

“Marta, Marta!” sasimbakku Mawu Yesus. “I'o sussinggawangnga wuṛṛu maṛṛingiddu manara indi wuṛṛu manara udde;

LUKAS 12:40

Ana waugu udde i yamiu ṛinone uasasaddia, ana waugu Ana'u Taumata sarun dumanta su tempo apan tawe iaṛṛangngong kamiu.”

LUKAS 17:3

Ana waugu udde, paatehamma! Amungkangngu tuṛṛangngu ma'ola'a rosa, taggue i tou. Amungkangngu i tou sinumassilla, ampungewe i tou.

LUKAS 21:35

Ana waugu Allo udde sarun rumanta ere wal᷊ati'a su anambon taumata su wowon runia indi.

LUKAS 21:8

Mawu Yesus nabbisara, “Paatehamma, arie i yamiu awahianna. Manambo taumata sarun rumanta ringannu arang-Ku, wuṛṛu mabbisara, ‘Ete i Ya'u i Tou!’ wuṛṛu ‘Nia'omante tempone.’ Arawe arie i yamiu tumantalongnga si mangitou.

LUKAS 8:14

Wualanna apan nanawo su tangngan ahuranganna ṛoaanna isassumandingnga su taumata madaringikka watti'a udde, arawe sussinggawangngu wiakki mangitou wuṛṛu maapulu mabbiakka nasuungnga wuṛṛu mal᷊uassa sulal᷊ummu runia indi. Sarangkanambone udde nangumpisanna si mangitou na'oman sara tawe nabua wua apan nal᷊aha.

1 KORINTUS 5:11

Pandumangku eteudde, manungku i yamiu arie paggawen taumata apan mangnga'u watanganne taumatan Saṛṛani, arawe taumata udde masandaga, ara'e wal᷊iu, ara'e massubba paal᷊uanna, ara'e taṛṛa umbilangngu taumata waine, ara'e taṛṛa wu'anna, ara'e taṛṛa ta'o. Uma'ianna umanna ringannu taumata udde arie lai!

1 KORINTUS 6:10

apan manna'o, apan wal᷊iu, apan taṛṛa wu'anna, apan taṛṛa umbilangngu taumata waine, wuṛṛu taṛṛa l᷊inga taumata waine – anambon taumata ereudde, tawe maola'a al᷊aṛṛana'u Ruata.

GALATIA 5:20

sulal᷊ummu pasasubba monganna, wuṛṛu wakin mata; sulal᷊ummu pasaseetta, uawawul᷊o, mallu'adda awingnge, mal᷊ihakka masa'u, wuṛṛu tumba'u maṛṛingiddu watanganne sassane; patatal᷊ei wuṛṛu uasasamba'a,

TAHIUL᷊E 29:19

Suwallatti yamiu apan naaringikka atoranna apan masahadda udde, imbaṛṛangnga piaddu maṛṛingidda manungku ola'u pabbiaṛṛanne sidutu mapia, salaiwe i tou ringannu apulun naungnge niumamatta su lal᷊anne sassane. Olangnge udde sarun maawinasa si yamiu sarangkanambone, manga taumata lal᷊eo ara'e lai taumata mapia.

FILIPI 4:6

Arie paasinggawanga su ola'u manga apa. Sulal᷊ummu al᷊awo'u inolaanna, aal᷊iomante wuṛṛu paddorongke su Ruata. Apa apan ipaapulun kamiu, wal᷊oa'e udde sidutu su Ruata ringannu wisara aadiangkamanna.

IBRANI 12:15

Paariagai arie ma'oman sara piaddu sangkatou apan sumabbanga wuassu alindongannu apapia naungngu Ruata, tadea'u tawe piaddu maola'a ere sasuanna apan pia pasangkade su pattangnganni yamiu ma'oman sara mandantan asasusa wuṛṛu mandal᷊eo anambon taumata ringannu pasangkade.

2 PETRUS 3:10

Arawe Allo darantan Mawu sarun rumanta ere darantan taṛṛa ta'o. Su Allo udde langitta sarun mawul᷊i ringannu tingikka ruddallu'a, wuṛṛu manga saranapa su langitta sarun masue matutungnga, wuṛṛu runia ringannu al᷊awo'u lal᷊oṛṛone sarun mawul᷊i.

2 PETRUS 3:14

Ana waugu udde, manga tuṛṛangnga apan arangnguanna, tantal᷊anna i yamiu uaṛṛaddo Allo udde, pappandumpe atonna-tonna mabbiakka susi wuṛṛu tawe pasassal᷊a su saruannu Ruata. Wuṛṛu paddul᷊ianete paa'aukka apan mapia ringannu Ruata.

SONDAPPA 3:3

Nariaddi, naungete apia-apa apan suete niaṛṛa'a si yamiu rorone wuṛṛu apa apan suete niaringiṛṛani yamiu. Ola'e udde wuṛṛu awal᷊ute wuassu manga rosanu. Amungkangu i yamiu tawe maatimpu'o, i Ya'u sarun rumanta ringanni yamiu ere sangkatou taṛṛa ta'o; wuṛṛu i yamiu wagga tingngerate tempone i Ya'u rumanta.

1 SAMUEL 25:36

Sutempo i Abigail nabelengke ringanni Nabal, inauranna pia andeangnga wahewalla su wal᷊ene, naal᷊ihidda andeangngu mararatu. Ne ana waugu i Nabal wu'ante wuṛṛu lulluassa, i tou tawe niawatti'annu awingnge naddatingngu tiṛṛabbine.