LUKAS 21:25 - WUKE SUSI WATTI'U AL᷊AL᷊USASSA

²⁵ “Paṛṛadote, su matannallo, wul᷊anna, wuṛṛu manga anumpitanna sarun asiloanna manga tatialane. Su runia, manga taumata sarun matta'utta wuṛṛu ma'al᷊iwu sumaruanna wallada wuṛṛu tingikku lua'a.

LUKAS 21:25 Iomraidhean Croise

DARALO 46:3

Ne i ite tawe mata'utta, salaiwe runia umio'a, wuṛṛu manga wowone mawontolla su ṛanassu tahal᷊oangnga;

YESAYA 13:10

Suapan anumpitanna wuṛṛu ammul᷊annu anumpitanna sarun umaddo manemakka; matannallo sarun maddandumma sutempo i tou sumabbangnga, wuṛṛu wul᷊anna sarun tate semakke lai.

YESAYA 17:12

Manga walahanna apan matohassa tantal᷊anna maggio; tingikke maddallu'a naal᷊ihidda tingikku lua'a mabbasse.

YESAYA 24:23

Wul᷊anna sarun mabbal᷊i marandumma wuṛṛu matannallo tate lai semakke, ana waugu Mawu Apan Lembontaṛṛino sarun mamarenta maola'a sangkatou ratu. I Tou sarun mamarenta su Yerusalem, su Wuiddu Sion, wuṛṛu mapal᷊iatta'u awawantu-Ge su manga piaṛṛa'u uman-Ne.

YESAYA 5:30

Su allo udde su ahewallu Israel niaringikka hahuressa ara'e hiom pangalo aikkanne ere lua'a mabbasse. Pa'ellege, ahewallu wanua udde marandumma wuṛṛu napenen asasuṛṛippitta. Asasemakka naola'e wasa tuudda.

YESAYA 51:15

Ana waugu ete i Ya'u Mawu Ruatanu, apan napatandi'u tahal᷊oangnga na'oman sara luangnge ruddapa. Apan Lembontaṛṛino uddewe arang-Ku.

YEREMIA 4:23

Watukku runia mata'u pina'ellega, ellehanna ereola'u tawe loṛṛone wuṛṛu mamara, watukku langitta i ya'u maningngara, uare, taweddu apan masemakka.

DANIEL 12:1

Mala'ekatta apan ual᷊uṛṛen laubba linen udde nabbisara apia, “Sutempo udde sarun lumapputta mala'ekatta wahewalla Mikhael mallalu'adda walahannu. Wua'udde sarun pia tempon asasusa apan taweddu panumandinganne ro'en pia manga walahanna. Arawe anambon taumata wuassu walahannu apan aranne uawoṛṛetta sulal᷊ummu buken Duata, sarun iapasal᷊amatta.

MIKHA 7:4

Apan apianne wuṛṛu atul᷊iranne wuassi mangitou lai naal᷊ihidda aputta ṛoaanna apan tawe gunane. Nia'omante tempone Ruata makkuumannu uman-Ne ere buatte niapasingkan-Ne si mangitou wuassu manga nabi-Ne. Orassa indi nilumapputte aal᷊iba'ukka suwallatti mangitou.

MATIUS 24:29

“Tawe nal᷊annu wuassu asasusa su tempo udde, matannallo sarun maddandumma, wuṛṛu wul᷊anna tate lai semakke. Manga anumpitanna sarun manawo wuassu langitta, wuṛṛu manga tembonannu winalanganna sarun massal᷊iawukka.

MATIUS 27:45

Su allo allatune, al᷊annune tallung ka'orassa ahewallu wanua udde naddandumma.

MARKUS 13:24

“Napawe tempon asasusa udde nal᷊iudde, matannallo sarun maddandumma, wuṛṛu wul᷊anna tate lai semakke.

MARKUS 13:26

Su tempo udde Ana'u Taumata sarun iasilo rumanta wuassu winabbawa ringannu taṛṛino apan bahewa wuṛṛu mawantuga.

MARKUS 15:33

Su allo allattune, al᷊annune tallung ka'orassa ahewallu wanua udde naddandumma.

LUKAS 21:24

Piaddu pateannu hal᷊ele, pia lai apan sarun iapidda ere taumata niatawanna watukku manga wanuan taumata; wuṛṛu manga taumata apan tawe maaillal᷊a Ruata sarun maṛṛinda Yerusalem ma'oman sara masue tempone apan suete tinantunnu Mawu si mangitou.”

LUKAS 21:26

Taumata sarun matta'utta atonna-tonna sumaruanna apa apan sarun mariaddi su ahewallu runia indi, ana waugu manga tembonanne su winalanganna, sarun massongkakka.

WATTI'U MANGA RASUL 2:19

I Ya'u sarun ma'ola'a manga al᷊aṛṛindu'a roso su langitta, wuṛṛu inolaanna apan wahewalla su runia; sarun pia ṛaṛṛa wuṛṛu putungnga, sawudda wuṛṛu timbulla.

SONDAPPA 20:11

Napawe wua'udde i ya'u naasilo sambau adderan araratuanna mawira apan bahewalla wuṛṛu i Tou apan ua'ianna su wowone. Langitta wuṛṛu runia nawul᷊i wuassu saruan-Ne na'oman sara tate lai iasilo.