LUKAS 21:10 - WUKE SUSI WATTI'U AL᷊AL᷊USASSA

¹⁰ See Mawu Yesus nanassukku watti-Nge, wisara-Ne, “Walahanna sambau sarun mamangalo walahanna waine, wuṛṛu araratuanna sambau mamangalo araratuanna waine.

LUKAS 21:10 Iomraidhean Croise

YESAYA 19:2

Mawu nabbisara, “i Ya'u sarun mamonsen ara'e mangangkatta pangalon sangka tuṛṛanganna su Mesir: Tuṛṛangnga mando'appa tuṛṛangnga, al᷊indonganna mando'appa al᷊indonganna, soa mando'appa soa wuṛṛu araratuanna mando'appa araratuanna.

ZAKARIA 14:13

Su allo udde Mawu sarun ma'ola'a manga walahanna udde ial᷊iwune wuṛṛu matta'utta ma'oman sara suapan taumata sarun manametta ringanne apan su sandiṛṛanne wuṛṛu mango'a si tou.

MARKUS 13:8

Walahanna sambau sarun mamangalo walahanna waine. Araratuanna sambau sarun mamangalo araratuanna waine. Su al᷊awo'u tampa sarun mallinukka wuṛṛu pia al᷊al᷊unussa. Sarangkanambone udde wakkute panattaṛṛanne, ere rada'a apan niapendamannu sangkatou wawine apan mangunsiwe.

LUKAS 21:11

Su alawo'u tampa sarun mariaddi linukka apan wahewa, al᷊aṛṛutumma wuṛṛu al᷊aṛṛusa'itta. Sarun mariaddi manga tanda apan ma'ata'utta wuṛṛu wahewalla su langitta.

LUKAS 21:9

Arie lai yamiu matta'utta napawe maaringikka watti'a su ola'u pangalo wuṛṛu pasaseetta. Sarangkanambone udde ṛinone mariaddi paarorone. Arawe udde tawe manungku nia'omante tempone kiamatta.”

WATTI'U MANGA RASUL 11:28

Su wallatti mangitou pia sangkatou aranne i Agabus. Wuassu piaṛṛa'u Ghaṛṛahon Ruata i tou nabbati'a manungku su ahewallu runia sarun mariaddi tempon al᷊aṛṛutumma apan bahewalla. (Wuṛṛu olangnge udde natipusse su tempo i Klaudius uaparenta.)

IBRANI 12:27

Wisara “Paassa lai” mannantiro manungku ahewallu runia apan suete niolang-Nge sarun iio'a wuṛṛu iramme, tadea'u mallambe tumba'u sarannapa apan tawe umio'a.