LUKAS 20:23 - WUKE SUSI WATTI'U AL᷊AL᷊USASSA

²³ Arawe Mawu Yesus masingkattu aawusu mangitou. Ana waugu udde i Tou nabbisara,

LUKAS 20:23 Iomraidhean Croise

DARALO 95:9

Poiaroddi i mangitou mannal᷊u'atta si Ya'u, salaiwe naasilote inolaang-Ku.

MATIUS 16:1

Pia manga pira taumatan Farisi wuṛṛu Saduki nirumanta ringannu Mawu Yesus, pandumanne mapaasal᷊an Tou. I mangitou maddorongnga si Tou ma'ola'a al᷊aṛṛindu'a ipattiala manungku atonna i Tou nirumanta wuassu Ruata.

MATIUS 22:18

Mawu Yesus masingkattu pandumanni mangitou apan dal᷊eo udde, aroddi i Tou nabbisara, “Ei, manga taumata lilangkamal᷊e'a! Anio i yamiu maapulu madea'a sal᷊a'u?

LUKAS 20:20

Nariaddi i mangitou maddea'a tempone mapia. I mangitou nangonggolu roitta su taumata iapaatanno lihiddu taumata matul᷊ida, wuṛṛu nandolokku manga taumata udde mapaasal᷊a Mawu Yesus ringannu manga aiwal᷊o, tadea'u i mangitou wotongnge manantilli Tou su apulu wuṛṛu taṛṛinon gubernure.

LUKAS 20:22

Ana waugu udde Iamangnga pabal᷊ote si yami, tumuṛṛuttu Titan agamang kite, wotongnge mamaekka wose si Kaisar ara'e tawe wotongnge?”

LUKAS 20:24

“Annama'a paelleha'a si Ya'u sambau roitta sal᷊a'a. Hambaranna wuṛṛu aranni sai indi?” “Kaisar!” sasimbakki mangitou.

LUKAS 5:22

Mawu Yesus naasingkatta aiwal᷊o mangitou. Nariaddi i Tou nabbisara, “Anio i yamiu ma'iwal᷊o aroddi sulal᷊ummu naungngu?

LUKAS 6:8

Arawe Mawu Yesus naasingkatta ṛingiṛṛanni mangitou. Ne i Tou nabbisarate su taumata limane lome samba'a udde, “Wette darisikke isindi su saruanne!” Taumata udde nabangunte, see dirumarisikke isudde.

WATTI'U MANGA RASUL 13:10

wuṛṛu nabbisara, “Ei taṛṛa awusu, ana'u al᷊al᷊eo! I'o seettu al᷊awo'u apapia. Anio i'o tawe mangillol᷊o mandal᷊eo pandumannu Ruata, ipanal᷊amatta taumata?

1 KORINTUS 10:9

I ite tawe wotongnge maannamma Mawu ere buatte niola'u sangkawageanganna wuassi mangitou rorone, na'oman sara i mangitou nate nipul᷊issu atoana mawisa.

1 KORINTUS 3:19

Ana waugu apan sassunnannu runia pande, udde awawoddo su aelleggu Ruata. Sulal᷊ummu Wuke Susi uawoṛṛetta, “Ruata mapaasal᷊a manga taumata pande sulal᷊ummu asingkati mangitou sassane.”

EFESUS 4:14

Ne i ite tate maola'a lai al᷊aṛṛana'a apan nial᷊iwune, wuṛṛu iaapiddu al᷊awo'u hatin al᷊aṛṛa'u manga taumata apan taṛṛa awusu. I mangitou mangngal᷊iwun taumata ringannu wawahian mangitou.

IBRANI 4:13

Taweddu sambau riadianna apan uawuni su aellegu Ruata. Al᷊awo'u sarannapa uatantol᷊e wuṛṛu wawu'anna su saruan-Ne. Wuṛṛu i ite sarun mangonggolu sasimbakka si Tou.