LUKAS 20:10 - WUKE SUSI WATTI'U AL᷊AL᷊USASSA

¹⁰ Napawe temponete mangitingnga wuan anggore udde, tatahuannu wailla udde nandolokku mangangimbene ringannu manga mammamanara udde iapatarimmattu wageangnge. Arawe mammamanara udde namuulla mangangimbe udde wuṛṛu nandolokki tou niapaapul᷊e tawe nionggol᷊annu wageangnge.

LUKAS 20:10 Iomraidhean Croise

1 MARARATU 22:24

Ne i Nabi Zedekia inaite nangundanin Mikha ana see namero hatine wuṛṛu nabbisara, “Apa wotongnge Ghaṛṛaho Mawu manantangku wuṛṛu mabbisara si'o?”

2 MARARATU 17:13

Mawu nandolokku manga daroloṛṛanna wuṛṛu manga nibi-Ne su walahannu Israel wuṛṛu Yehuda iapapasingkattu sasingadda indi: “Pangillol᷊ote ma'ola'a al᷊al᷊eo wuṛṛu tattuṛṛute al᷊awo'u parenta wuṛṛu tita apan Ta'u nionggola su al᷊amonanu wuṛṛu si yamiu wuassu manga nabi, manga allang-Ku udde.”

1 TAWARIKH 19:4

I Ratu Hanun nanametta manga daroloṛanni Daud udde, nangiṛṛi omengngi mangitou, namonggo'a laubba aaunne sara tapanna'a, wuṛṛu nandolokki mangitou niapapul᷊e.

2 TAWARIKH 16:10

Wisaran Nabi Hanani udde naasa'u si Asa na'oman sara nabi udde nitaṛṛon Asa sulal᷊ummu tattupanna. Orassa udde lai Asa nanansara manga pira taumata wuassu tumanangnge.

NEHEMIA 9:26

Arawe uman-Nu nilumawangnga wuṛṛu tate tumuṛṛutta Si'o, tawe maddaringikka tita wuṛṛu atoran-Nu, namate manga nabi apan napaanaungngi mangitou, wuṛṛu apan nadolokki mangitou mabbelengnga ringan-Nu, Ruatane. Oh Mawu, masokka lai I'o lallobbosanni mangitou,

NEHEMIA 9:30

Tonna uahahanti tonna I'o masabbare mapaanaungngi mangitou; napaattu manga nabi, Ghaṛṛaho-Nu nabbisara si mangitou. Arawe uman-Nu udde nanappingnga tal᷊inga, ana see I'o nanantilli mangitou su manga walahannu al᷊awo'u wanua.

DARALO 1:3

Taumata udde masomakka sulal᷊ummu al᷊awo'u pinitanne; i tou naal᷊ihidda aaluanna su winggin sal᷊ukka apan mabbua sutempone wuṛṛu ronganne tawe tumolangnga.

YEREMIA 2:30

Tawe gunane I yamiu Ta'u iṛṛuumanna, ana waugu i yamiu maddiri maddaringikka tataggu. Ere singa apan tantal᷊anna tuttambo, etearoddi lai i yamiu mamate manga nabinu.

YEREMIA 20:2

i tou namarenta tadea'u i ya'u puul᷊anna wuṛṛu imantungnga su Ngaran Benyamin, ngara al᷊iurosne su Wal᷊en Mawu.

YEREMIA 35:15

I Ya'u sidutu mandolokka ringanni yamiu anambon allang-Ku manga nabi, wuṛṛu i mangitou buatte nanantiro si yamiu tadea'u mamal᷊u pallal᷊agunu wuṛṛu tate ma'ola'a al᷊al᷊eo. I mangitou mapanaungnga si yamiu tadea'u ariete massubba manga mawu waine wuṛṛu tate mattaṛṛamawu si mangitou, tadea'u i yamiu wotongnge sidutu uatana'a su wanua indi apan buatte Ta'u nionggolla si yamiu wuṛṛu su al᷊amonanu. Arawe i yamiu maddiri mappandumma wuṛṛu maddiri maddaringikka si Ya'u.

YEREMIA 5:24

Taambe saran paassa i yamiu mannaungnga tadea'u mangaddatta si Ya'u, sumbal᷊i ete i Ya'u apan nandolokku uranna, mawae ete su panattaṛṛanne aroddi lai su panginsueannu tempon uranna. Ete i Ya'u lai apan nangonggolla si yamiu tempon pangitinganna suapan mattonna.

LUKAS 13:34

Yerusalem, Yerusalem! Manga nabi suete nipatenu! Manga ralol᷊oṛṛannu Ruata suete tinuntungannu watu na'oman sara nate! Paapirate i ya'u ma'apulu mangammullu anambon tumana'u soa indi ere inangngu manu'a mangooppa manga anangnge sulal᷊ummu papaidde, arawe i'o maddiri!

LUKAS 20:11

Ne tatahuannu wailla udde nandolokka apia sangkatou mangangimbe waine; arawe mangangimbe udde lai nipuulla apia wuṛṛu niwusannu manga mammamanara udde, see nirolokka ringannu tawe nionggol᷊annu wageangnge.

LUKAS 20:9

Mawu Yesus nabatti'e su manga taumata udde, sasumandingnga ereindi, “Pia sangkatou massuanna su sambau waillu anggore. I tou napa sewan wailla udde su sire pira mammamanara, see i tou inaite su wanua waine wuṛṛu natana'e mal᷊annu poiaroddi.

YOHANES 15:16

Wal᷊ine i yamiu namile si Ya'u. Ete I Ya'u apan namile si yamiu, wuṛṛu nandolokki yamiu tadea'u mabua manambo – manga wua apan tawe mal᷊al᷊eo. Ne Iamangnga sarun mangonggolla si yamiu al᷊awo'u apa apan radoronganni yamiu si Tou sulal᷊ummu arang-Ku.

ROMA 7:4

Aroddi lai yamiu, manga tuṛṛangku. Su titan agama Yahudi yamiu natete, ana waugu i yamiu buatte niapaaukka ringannu wadangngi Kristus wuṛṛu naola'a pussa'a-Ne apan suete niapaawiakka apia wuassu papate. I Tou niapaawiakka wuassu papate tadea'u i ite maola'a pia gunane su lantakku hatin Duata su al᷊o'engngu pabbiaṛṛani ite.