LUKAS 2:9 - WUKE SUSI WATTI'U AL᷊AL᷊USASSA

⁹ Inaṛṛombanganne mala'ekattu Mawu natingkapasilom batanganne si mangitou, wuṛṛu semakku asasemakka wuassu Mawu nilumansiangnga nanemakka si mangitou, wuṛṛu i mangitou mangke nata'utta.

LUKAS 2:9 Iomraidhean Croise

1 MARARATU 8:11

Winabbawa udde sussal᷊ol᷊otta awawantugu Mawu daranta na'aman sara manga imam tate naasutta apia ma'ola'a manara mangitou.

SASABANGNGA 16:10

Tantal᷊anna i Harun mabbisara si mangitou sarangkanambone, i mangitou nanaile watukku wadda'a wuṛṛu inaṛṛombanganne semakku Mawu niasiloanna sulal᷊ummu winabbawa.

SASABANGNGA 16:7

Tiṛṛabbi marua allo i yamiu sarun maasilo semakku darantan Mawu. Mawu ma'aringikka si yamiu mangke massa'u si Tou; ore, su Mawu, ana waugu yami indi tumba'u tuttuṛṛutta apa apan buatte nirolokku Mawu.

YESAYA 35:2

Wadda'u anne tattuwoanne ringannu mal᷊ihakka, wuṛṛu mangngantari ringannu aantarine. Araṛṛamage ere wowon Libanon, saṛṛene ere wawal᷊annu Karmel wuṛṛu Saron. Ne suapan taumata sarun maasilo taṛṛino Mawu, wuṛṛu awawantugu Ruatan kite.

YESAYA 40:5

Ne awawantugu Mawu sarun iapal᷊iatta'a; anambon umattu taumata sarun maasilo. Atonna, Mawu sassane buatte naddiandi!”

YESAYA 60:1

Pabbuatte wuṛṛu ariaddite asasemakka ei Yerusalem, ana waugu semakku asasal᷊amannu nirumantate; Ruata mannemakka si'o ringannu awawantu-Ge.

YEHEZKIEL 3:23

Ne i ya'u inaite watukku wawal᷊anne, wuṛṛu isudde i ya'u naasilo semakka sussal᷊ol᷊ota apan mammasingkattu daranta Mawu ere lai apan buatte ta'u niasiloanna su winggin Sal᷊ukku Kebar. Wua'udde i ya'u nawal᷊atta uarammangnga su leta'a.

MATIUS 1:20

Tantal᷊anna i Yusuf maṛṛingiddu olangnge udde, i tou nabal᷊iawa. Sulal᷊ummu bal᷊iawane udde, i tou naasilo sangkatou mala'ekattu Mawu nabbisara si tou, “i Yusuf, papapulunni Daud, arie pa'ata'utta ma'awingngi i Maria; ana waugu ana'a apan sulal᷊ummu illoṛṛone udde nariaddi wuassu taṛṛinon Ghaṛṛaho Duata.

LUKAS 1:28

Mala'ekatta udde nirumanta ringanni Maria wuṛṛu nabbisara, “Sal᷊amatta, si'o apan lembo nial᷊amatannu Mawu! Mawu su sampunna ringannu!”

LUKAS 2:8

Su ṛabbi udde pia manga mallal᷊u'adda apan tantal᷊anna mandiaga manga dombane su wadda'u nannal᷊o su leta'a udde.

LUKAS 24:4

Tantal᷊anna i mangitou uarisikka isudde wuṛṛu tuttatiangnga maṛṛingiddu olangnge udde, inaṛṛombanganne ruang katou ringannu laungnge sussal᷊endappa nirumarisikka marani mangitou.

YOHANES 12:41

Yesaya nabbisara aroddi ana waugu i tou suete naasilo awawantugu Mawu Yesus wuṛṛu nabbatti'a su ola'i Tou.

WATTI'U MANGA RASUL 12:7

Inaṛṛombanganne mala'ekattu Mawu uarisikka isudde wuṛṛu sambau semakka natuakka sulal᷊ummu wabo'an tuttupanna udde. Mala'ekatta udde nangio'i Petrus na'oman sara i tou napu'o. See mala'ekatta udde nabbisara, “Ei paasaṛṛawutte mapu'o!” Orassa udde lai ṛate atta'a nawu'a wuassu limam Petrus.

WATTI'U MANGA RASUL 27:23

Ana waugu na'allawanna mala'ekattu Ruata apan sassubbangku, eteudde Ruata apan uatahuanna si ya'u nirumanta ringangku.

WATTI'U MANGA RASUL 5:19

Arawe ṛabbine, sangkatou mala'ekattu Mawu namu'a manga ngaran tuttupanna, see nangapiddu manga rasul udde sinumabangnga. Mala'ekatta udde nabbisara su manga rasul,

2 KORINTUS 3:18

Orassa indi hatin kite tawe lal᷊indumannu tatindunga wuṛṛu i ite mangngapiddu awawantugu Mawu Yesus. Wuṛṛu ana waugu udde i ite sidutu wal᷊uanna maola'a ere i Tou; mallannu i ite maola'a mawantuga. Awawantuga udde wuassu Ghaṛṛaho, wuṛṛu Ghaṛṛaho udde eteudde Mawu.

2 KORINTUS 4:6

Ruata mabbisara, “Ṛinone wuassu lal᷊ummu ararandumma sumabangnga asasemakka,” Ruata lai apan napaasabangngu semakka wuassu lal᷊ummu naungngi ite, tadea'u ṛingiṛṛanni ite masemakka ipassunna awawantugu Ruata apan lullansiangnga su hatin Kristus.

1 TIMOTIUS 3:16

Taweddu saran sangkatou wotongnge massinaada, aroddi ahewalle addapingu agaman kite: I tou namasilon batanganne sulal᷊ummu lihiddu taumata, wuṛṛu niapaal᷊iatta'u Ghaṛṛahon Duata, see aellehannu manga mala'ekatta. Wattinge niapararingikka su wallatu manga walahanna, wuṛṛu i Tou apangimananna su ahewallu runia wuṛṛu niapaasengkenga su surga.

IBRANI 12:21

Apa apan niasiloannu manga taumatan Israel udde aroddi ahewalle na'oman sara i Musa nabbisara, “I ya'u matta'utta wuṛṛu mangngindo!”

SONDAPPA 18:1

Napawe wua'udde i ya'u naasilo sangkatou mala'ekatta waine sinumossoka wuassu surga. I tou uatahuanna taṛṛino apan wahewalla, wuṛṛu awawantuge naaola'a ahewallu runia nabbal᷊i masemakka.

SONDAPPA 20:11

Napawe wua'udde i ya'u naasilo sambau adderan araratuanna mawira apan bahewalla wuṛṛu i Tou apan ua'ianna su wowone. Langitta wuṛṛu runia nawul᷊i wuassu saruan-Ne na'oman sara tate lai iasilo.