LUKAS 2:10 - WUKE SUSI WATTI'U AL᷊AL᷊USASSA

¹⁰ Arawe mala'ekatta udde nabbisara, “Arie pa'ata'utta! Ana waugu i ya'u nirumanta uaapiddu Watti'u Al᷊al᷊uassa si yamiu – watti'a apan maal᷊uassa anambon taumata.

LUKAS 2:10 Iomraidhean Croise

PANDARIADDI 12:3

I ya'u sarun mangal᷊amatta manga taumata apan mangngal᷊amatta si'o wuṛṛu mamontoga manga taumata apan mammontoga si'o. Wuṛṛu ana waugu i'o I ya'u sarun mangal᷊amatta anambon balahanna su runia.”

YESAYA 40:9

Saate su wowone apan matanggakka, wuṛṛu al᷊iata'e watti'u al᷊al᷊uassa su Yerusalem! Pangintul᷊ite ringannu tingikka matelengnga, wuṛṛu al᷊iata'e watti'u al᷊al᷊uassa su Sion! Wal᷊oa'e su manga soan Yehuda manungku Ruata mangitou sarun dumanta!

YESAYA 41:27

Ya'u, Mawu, apan paarorone namasingkatta su Sion; i Ya'u napaapiddu mangangapiddu watti'u al᷊al᷊uassa su Yerusalem.

YESAYA 49:6

Mawu nabbisara si ya'u, “Manara apan ahewal᷊anne uaṛṛaddo si'o, ei allang-Ku; i'o tawe tumba'u mapaapul᷊en tantangngu papapulunni Yakub wuṛṛu mamelengngu awawantugu manga ṛuangannu Israel, arawe Ta'u niola'a lai asasemakku manga walahanna, tadea'u ahewallu runia iapaasal᷊amatta.”

YESAYA 52:10

Mawu napal᷊iatta'u taṛṛino-Ne su saruannu matan anambon walahanna. Ne ahewallu runia sarun maasilo asasal᷊amatta wuassu Ruatan kite.

YESAYA 52:7

Al᷊uassawe eteapa maasilo darantan daroloṛṛanna; i tou u'amatta malliu panenteanna wuṛṛu uaapiddu watti'a mapia, watti'u al᷊al᷊uassa, watti'u asasal᷊amatta su Sion; wisarane, “Ruatanu Ratu!”

YESAYA 61:1

Taṛṛino Mawu Apan Atanggaṛṛanne indi si ya'u; i Tou namile wuṛṛu nandolo'u iappa'apiddu watti'u al᷊al᷊uassa su taumata asiangnga wuṛṛu iappa'apia taumata apan naungnge natumma'a; iappapasingkatta su taumatan ṛuumanna manungku i mangitou mal᷊ihakke ipallossa, wuṛṛu su manga taumata sulal᷊ummu tuttupanna manungku i mangitou sarun iapasabbangnga.

DANIEL 10:19

I tou nabbisara, “Ruata mandangngu si'o, ana waugu udde ariete suminggawangnga ara'e mata'utta, wette, ariaddite matohassa!” Tantal᷊anna i tou mabbisaran olangnge udde, i ya'u naapendamma lembon matohassa lai wuṛṛu nabbisara, “Otte pabbisarate, Tuangnga. Tuangnga buatte nanamba atatoha'u.”

ZAKARIA 9:9

Ei tumana'u Sion, lalluasse! Ei tumana'u Yerusalem, paggiote! Pa'ellege! Rutunu nirumanta ringannu auntunganna! I tou ratu matul᷊idda apan uaapiddu asasal᷊amatta. Arawe ringannu napenen asasaṛṛionto'u naungnga i tou nirumanta uasa'e keledai, sambau keledai saṛṛen tumuwo.

MATIUS 14:27

Arawe Mawu Yesus lapiddu sinumimbakka, “Paatammuda! I Ya'u indi, arie pa'ata'utta!”

MATIUS 28:18

Mawu Yesus nangundani mangitou wuṛṛu nabbisara, “Anambon taṛṛino su surga wuṛṛu su runia suete tinantilla si Ya'u.

MATIUS 28:5

Mala'ekatta udde nabbisara manga wawine udde, “Arie pa'ata'utta! I Ya'u masingkatta i yamiu maddea'a Mawu Yesus apan suete niarussa udde.

MARKUS 1:15

Wisara-Ne, “Tempone nia'omante Ruata mamarenta. Awal᷊ute wuassu manga rosanu, wuṛṛu pangimante Watti'u Al᷊al᷊uassa wuassu Ruata!”

MARKUS 16:15

See Mawu Yesus nabbisara si mangitou, “Roote su ahewallu runia wuṛṛu wal᷊oa'e Watti'u Al᷊al᷊uassa wuassu Ruata udde su anambon taumata.

LUKAS 1:13

Arawe mala'ekatta udde nabbisara, “Arie pa'ata'utta, Zakharia! Ruata suete naddaringikka aal᷊iomannu. Awingngu i Elisabet sarun mangunsiwen sangkatou ana'a esakka. I'o sarun managon aranne i Yohanes.

LUKAS 1:19

Mala'ekatta udde sinumimbakka, “I ya'u indi Gabriel. I ya'u mangngimbe Ruata wuṛṛu ete i Tou nandolo'u mamasingkattu watti'a mapia indi si'o.

LUKAS 1:30

Ne mala'ekatta udde nabbisara si tou, “Arie pa'ata'utta, Maria, ana waugu i'o naal᷊uassa naungngu Ruata.

LUKAS 2:11

Allo indi su soan Daud nasungkangke Ratum Punnu Sal᷊amatti yamiu, eteudde i Kristus, Mawu.

LUKAS 24:47

Wuṛṛu lai manungku ringannu arannu Ratum Punnu Sal᷊amatta udde ṛinone iwatti'a su anambon walahanna manungku ṛinone taumata mawal᷊u wuassu rosane, wuṛṛu manungku Ruata mangampungnga rosa mangitou. Wuṛṛu watti'a udde ṛinone iapasingkatta manattakka wuassu Yerusalem.

LUKAS 8:1

Tawe nal᷊annu wua'udde, Mawu Yesus inaite su manga soa wuṛṛu manga ampungnga, ana mamasingkattu Watti'u Al᷊al᷊uassa manungku Ruata manattakke mamarenta ere sangkatou Ratu. Siri mapul᷊o dua mallal᷊aṛṛenggen-Ne uatantalongnga su sampunna ringanni Tou.

WATTI'U MANGA RASUL 13:32

Nariaddi, orassa indi yami mamasingkattu Watti'u Al᷊al᷊uassa udde si yamiu: Apa apan suete pina'iren Ruata su iupungngu al᷊amonang kite,

ROMA 10:15

Wuṛṛu ereapa taumata wotongnge mangapiddu watti'a udde amungkangngu i mangitou tawe nirolokka? Sulal᷊ummu Wuke Susi uawoṛṛetta arendi, “Apiawe eteapa daranta manga taumata apan uaapiddu Watti'u Al᷊al᷊uassa wuassu Ruata!”

EFESUS 3:8

Su wallatu anambon al᷊aṛṛana'u Ruata, ete i ya'u aral᷊eoanne. Arawe Ruata nangonggolu al᷊amatta indi si ya'u: Manara mammasingkatu Watti'u Al᷊al᷊uassa su taumata wal᷊ine Yahudi su ola'u paa'alan Kristus apan tawe masue;

KOLOSE 1:23

Arawe i yamiu ṛinone sidutu matuṛṛutta mangngimanna wuṛṛu matohassa uarisikka su pangangimannu. Imbaṛṛanga i yamiu mamallosu antimma apan suete nionggolla si yamiu su tempo i yamiu nanengkamma Watti'u Al᷊al᷊uassa wuassu Ruata. Watti'a udde suete niapaasingkata su anambon taumata su ahewallu runia. Wuṛṛu ana waugu udde lai ya'u, Paulus, naola'e darol᷊oṛṛan-Ne.