LUKAS 18:34 - WUKE SUSI WATTI'U AL᷊AL᷊USASSA

³⁴ Sarangkanambone udde tawe niasunnannu manga mallal᷊aṛṛenggennu Mawu Yesus udde saran kadio'a. Atappasannanu manga wisara-Ne udde ia'adappingnga wuassi mangitou. I mangitou wagga apa pandumannu wisara-Ne.

LUKAS 18:34 Iomraidhean Croise

MARKUS 9:32

Manga mallal᷊aṛṛenggen-Ne tawe naasunna al᷊aṛṛa'u Mawu Yesus, arawe i mangitou matta'utta maiwal᷊o Mawu Yesus.

LUKAS 18:33

I mangitou sarun manansara wuṛṛu mamate si Tou, arawe su allo atallune, i Tou sarun mabangunna.”

LUKAS 2:50

Arawe i mangitou tawe naasunna sasimbakku Mawu Yesus.

LUKAS 24:25

See Mawu Yesus nabbisara si mangitou, “I yamiu woddo atonna! Tumanite mal᷊iwue i yamiu mangngimanna anambon apa apan suete niapasingkattu manga nabi!

LUKAS 24:45

Wua'udde Mawu Yesus nanualaga ṛingiṛṛanni mangitou ana see maasunna pandumannu Wuke Susi.

LUKAS 9:45

Arawe mallal᷊aṛṛenggennu Mawu Yesus udde tawe naasunna wisara-Ne. Olangnge udde ia'adappingnga si mangitou tadea'u i mangitou tawe maasunna. Arawe i mangitou matta'utta maiwal᷊o olangnge udde si Tou.

YOHANES 10:6

Mawu Yesus nabbati'u sasumandingnga udde, arawe i mangitou tawedu naasunna apa panduman-Ne.

YOHANES 12:16

Su tempo udde manga mallal᷊aṛṛenggennu Mawu Yesus taambe naasunna sarangkanambone udde. Arawe napawe Mawu Yesus niapaawantuga ringannu papate-Ne, wakkute udde i mangitou naanaungnga manungku apa apan niola'u manga taumata si Tou uawoṛṛette sulal᷊ummu Wuke Susi su ola'i Tou.