LUKAS 17:26 - WUKE SUSI WATTI'U AL᷊AL᷊USASSA

²⁶ Su allo udde Ana'u Taumata sarun iapaal᷊iatta'a lihidde ere su tempo Nabi Nuh rorone.

LUKAS 17:26 Iomraidhean Croise

PANDARIADDI 6:5

Mawu na'ellega tumaniten dal᷊eo manga taumata su runia; anambon ṛingiranni mangitou sidutu lal᷊eo.

PANDARIADDI 6:7

na'oman sara nabbisara, “I ya'u sarun mamate apan buatte Ta'u niola'a udde, wuṛṛu lai al᷊awo'u manu'u winalanganna wuṛṛu winatangnga waine, ana waugu ya'u sinumassilla buatte nandiaddi si mangitou.”

PANDARIADDI 6:8

Arawe i Nuh maal᷊uassa naungngu Mawu.

YESAYA 22:13

Arawe mappianne, i yamiu pallal᷊umanna'e wuṛṛu papesetta. I yamiu pakkata sapi wuṛṛu domba, uminassa ṛemessa wuṛṛu ma'inumma ua'e anggore lapiddu mabbisara, “Wette i ite umanna wuṛṛu ma'inumma, ana waugu tiṛṛabbi i ite matete!”

LUKAS 17:22

Wua'udde Mawu Yesus nabbisara su manga mallal᷊aṛṛenggen-Ne, “Sarun dumanta tempone i yamiu ma'apulu ma'ellega sambau allo wuassu manga allon Ana'u Taumata, arawe i yamiu tawe maasilo allo udde.

LUKAS 17:24

Su ereapa sawallo ma'ilatta wuassu langitta, wuṛṛu mannemakka wuassu pentakke saran pondolle, aroddi lai ola'u Ana'u Taumata napawe su allonete.

LUKAS 17:27

Taumata u'anna wuṛṛu ma'inumma, wuṛṛu ma'awingnga; aroddi lai tawe illol᷊one na'oman sara i Nuh sinumutta sulal᷊ummu apalla wuṛṛu nammanawangnga lapiddu namate anambon taumata udde.

LUKAS 17:7

“Unnu wisara sangkatou wuassi yamiu pia mangangimbe apan mammasolla su wailla wuṛṛu mallu'ada domba. Napawe mangangimbe udde nabelengnga, apa mawune mabbisara mangangimbene, ‘Wette paal᷊ihakka umanna’?

LUKAS 18:8

Pangimante: I Tou ringannu mal᷊iha-l᷊ihakka manamba'a hatto mangitou! Arawe napawe Ana'u Taumata rumanta, apa ta'e asombanganna lai taumata apan mangngimanna si Tou su runia indi?”

IBRANI 11:7

Ana waugu mangngimanna, ne i Nuh niapasingkatannu Ruata su ola'u apa apan sarun mariaddi su allo murine, apan tawe asiloanni tou. I Nuh tinumuṛṛuta Ruata na'oman sara i tou nallanginnu apalla apan sal᷊immurine niasingkatanna napanal᷊amatta wadangnge wuṛṛu lal᷊oṛṛon bal᷊ene. Ringannu aroddi runia niṛṛuumanna, arawe i Nuh sassane ana waugu pangangimanne niapaal᷊iatta'u Ruata ere sangkatou taumata apan mapia.

2 PETRUS 2:5

Aroddi lai runia su tempo rorone Ruata tawe namalan tou mal᷊iu wuassu ṛuumanna. Ruata napaarantan manawangnga wahewalla su runian manga taumata lal᷊eo su tempo udde. Tumba'u Nuh su sambau ringannu siri pitu waine apan niapaasal᷊amatta, ana waugu Nuh namasingkattu watti'a su ola'u wiakka apan maal᷊uassa naungngu Ruata.

2 PETRUS 3:6

wuṛṛu ringannu ua'e lai – eteudde ua'e manawangnga wahewa – runiang kal᷊amona udde nihohakka.