LUKAS 17:2 - WUKE SUSI WATTI'U AL᷊AL᷊USASSA

² Mappianne amungkangngu pia watun gahilinganna ii'itta su ullekkane, see i tou iwontolla su tahal᷊oangnga wuassu i tou mapaarosan sangkatou su wallattu manga taumata maradio'a indi.

LUKAS 17:2 Iomraidhean Croise

YESAYA 40:11

Naal᷊ihidda sangkatou mallal᷊u'adda winatangnga i Tou napaddul᷊i ammul᷊an-Ne; i Tou sassane nangammulli mangitou. Manga ana'u domba nisal᷊uru-Ne, ringannu masaṛṛionto'a i Tou mangngehetta manga inangngene.

ZAKARIA 13:7

Mawu Apan Lembontaṛṛino nabbisara, “Darisikke, ei hal᷊ele, wuṛṛu pangaloite mallal᷊u'adda apan mammanara ringang-Ku! Patete i tou, ne manga domba sarun massal᷊iawukka. I Ya'u sarun mamangalo uma-U,

MATIUS 17:27

Arawe arie i ite mapaasusa naungngu manga taumata udde. Nariaddi, roote su rano pamaṛṛungnga. Apira'a inassa paarorone niawaṛṛungannu. Sulal᷊ummu moṛṛongngu inassa udde, i'o sarun maasomba roitta apan botongnge ipamaekka wosen kadua. Anute roitta udde wuṛṛu waeṛṛete si mangitou wosen kite hunan Bal᷊e Mawu.”

MATIUS 18:10

“Paatehamma! Arie pangaddio'a sangkatou wuassu wallattu taumata maraddio'a indi. Ana waugu naunge, manga mala'ekatti mangitou sidutu su saruannu Iamangku su surga. [

MATIUS 18:14

Aroddi lai Iamangngu apan su surga, madiri saran sangkatou su wallattu manga taumata wakku mangngimanna si Ya'u indi umal᷊iwu.”

MATIUS 26:24

Atonna Ana'u Taumata sarun mate ere uawoṛṛetta sulal᷊ummu Wuke Susi. Arawe nasilakate taumata apan mandal᷊eo Ana'u Taumata! Mappianne taumata udde tawe niasungkangnga!”

MARKUS 9:42

“Isai napa'ola'a su wallattu sangkatou taumata maradio'a indi tate lai mangngimanna si Ya'u, mappianne amungkangngu watun gahilinganna ii'itta su ullekkane, wuṛṛu i tou iwontolla su tahal᷊oangnga.

YOHANES 21:15

Napawe i mangitou suete niumanna, Mawu Yesus nabbisara si Simon Petrus, “Simon ana'i Yona, apa i'o lembo marangngu si Ya'u wuassi mangitou indi mandangngu si Ya'u?” “Atonna, Mawu,” sasimbakki Petrus, “Mawu masingkatta i ya'u marangngu Mawu.” Mawu Yesus nabbisara si tou, “Padul᷊ianete al᷊aṛṛana'u domba-U.”

1 KORINTUS 9:15

Arawe taambe saran paassa i ya'u nappaattu manga taṛṛino udde. Wuṛṛu i ya'u namoṛṛettu suratta indi wal᷊inewe lai ringannu pandumanna tadea'u manga taṛṛino udde olaanna orassa indi si ya'u. Mappianne i ya'u mate, sul᷊ungnge'e i ya'u awul᷊iannu inolaanna apan ilallala'u udde.

1 KORINTUS 9:22

Su pattangngannu manga taumata apan pangangimanne lome, i ya'u lai mattiangkaola'a ere sangkatou apan pangangimanne lome tadea'u i ya'u wotongnge maawol᷊engnga si mangitou maola'a mallal᷊aṛṛenggenni Kristus. Aunne, i ya'u ma'ola'a sarangkanambone hunane su anambon taumata tadea'u ringannu lal᷊anne salaiwe ereapa lai ya'u wotongnge manal᷊amatta sangkawageanganna wuassi mangitou.