LUKAS 16:17 - WUKE SUSI WATTI'U AL᷊AL᷊USASSA

¹⁷ Arawe malluaasanna langitta wuṛṛu runia mawul᷊i, wuassu woṛṛetta sambau sulal᷊ummu Titan Ruata tawe matipussa.

LUKAS 16:17 Iomraidhean Croise

YESAYA 40:8

Wal᷊abbukka nabbal᷊i mamara wuṛṛu bunga tinumolangnga, arawe ṛengetannu Ruatan kite mattatana'a saran mal᷊annu-l᷊annu.”

YESAYA 51:6

Pa'ellege langitta wuṛṛu panailete runia; langitta sarun mawul᷊i ere timbulla wuṛṛu runia sarun matabbe ere laṛṛeme, anambon tumanangnge sarun mate ere namu'a. Arawe asasal᷊amatta apan Ta'u nionggolla sidutu sarangkal᷊o'enge, wuṛṛu auntungang-Ku tawe panguddusanne.

MATIUS 5:18

Naunge! Tantal᷊anna langitta wuṛṛu runia ta'e indi, sambau woṛṛetta ara'e titi'a apan addio'anne lai sulal᷊ummu al᷊aṛṛa'a udde, tawe pappasanna amungkangngu sarangkanambone udde taambe natipussa!

LUKAS 21:33

Langitta wuṛṛu runia sarun mawul᷊i, arawe manga wisara-U sidutu ma'oman sara mal᷊annu-l᷊annu.”

ROMA 3:31

Apa indi atappasanne manungku amungkangngu i ite mangngimanna Mawu Yesus, i ite tumal᷊iudde titan agama Yahudi? Atonna-tonna tawe! Ewe'e ringannu pangangimanni ite udde, i ite mangngaregan tita udde.

1 PETRUS 1:25

arawe ṛengetannu Ruata siddutu sarangkal᷊oengnge.” Ṛengetanna udde Watti'u Al᷊al᷊uassa apan suete niapaasingkata si yamiu.

2 PETRUS 3:10

Arawe Allo darantan Mawu sarun rumanta ere darantan taṛṛa ta'o. Su Allo udde langitta sarun mawul᷊i ringannu tingikka ruddallu'a, wuṛṛu manga saranapa su langitta sarun masue matutungnga, wuṛṛu runia ringannu al᷊awo'u lal᷊oṛṛone sarun mawul᷊i.

SONDAPPA 20:11

Napawe wua'udde i ya'u naasilo sambau adderan araratuanna mawira apan bahewalla wuṛṛu i Tou apan ua'ianna su wowone. Langitta wuṛṛu runia nawul᷊i wuassu saruan-Ne na'oman sara tate lai iasilo.

SONDAPPA 21:1

See i ya'u naasilo langitta apan bakku wuṛṛu runia wakku. Langitta paarorone wuṛṛu runia paarorone nawul᷊ite, wuṛṛu tahal᷊oangnga lai nawul᷊i.

SONDAPPA 21:4

I tou sarun mamappasa alawo'u allo mata wuassu mata mangitou. Papate sarun tate lai, asasusa, lal᷊uai, ara'e al᷊aṛṛusa'itta tate lai. Manga inolaanna tabbe nawul᷊ite!”