LUKAS 15:6 - WUKE SUSI WATTI'U AL᷊AL᷊USASSA

⁶ see niapidda napul᷊e. Wua'udde i tou namago manga hawene wuṛṛu al᷊indonganne, wuṛṛu nabbisara, ‘Wette i ite lumuassa. Domba'u apan nawul᷊i niasombangante apia!’

LUKAS 15:6 Iomraidhean Croise

DARALO 119:176

I ya'u nial᷊iwune ere domba apan nawul᷊i, ne rantate wuṛṛu rea'ete allang-Ngu indi, ana waugu i ya'u tawe manantangngu manga parenta-Nu.

LUKAS 1:58

Manga al᷊indonganne wuṛṛu manga tuṛṛangnge naaringikka aroddi apiane Ruata si Elisabet, ne i mangitou lulluasse su sampunna ringanni tou.

LUKAS 15:10

Aroddi lai mala'ekattu Ruata lulluassa napawe pia sangkatou taumata lal᷊eo nawal᷊u wuassu manga rosane. Pangimante!”

LUKAS 15:24

Ana waugu ana'u indi natete, orassa indi nabbiakke apia; i tou nawul᷊ite, orassa indi niasombangante apia.’ See i mangitou nanattakke naandeangnga.

LUKAS 15:5

Wuṛṛu napawe i tou naasombate apia domba udde, i tou aroddi lulluassa na'oman sara pinasanna domba udde su wambangnge,

LUKAS 15:7

Ne, aroddi lai su surga pia al᷊al᷊uassa apan bahewalla su sangkatou apan marosa nawal᷊u wuassu rosane, wuassu siom pul᷊o sio taumata apan mapiate wuṛṛu tate lai iwata'a mawal᷊u wuassu rosane.”

YOHANES 15:14

Ete i yamiu manga hawe-U, amungkangngu i yamiu tuttuṛṛutta apa apan ipaparenta-U si yamiu.

YOHANES 3:29

Ma'a'awingnga wawine tatahuanannu ma'a'awingnga esakka. Hawe maa'awingnga esakka udde tumba'u uarisikka su sandiṛṛanne wuṛṛu uararingikka, wuṛṛu i tou lulluassa napawe naaringikke tingikku maa'awingnga esakka. Aroddi lai ya'u. Orassa indi ya'u lembon lulluassa.

WATTI'U MANGA RASUL 11:23

Wuṛṛu napawe i Barnabas na'omate su Antiokhia, wuṛṛu naasilo ereapa Ruata nangal᷊amatta manga taumata udde, i tou lembon lulluassa. See i tou nadorongnga tadea'u i mangitou atonna-tonna tumuṛṛutta Ruata ringannu ahewallu naungnge.

WATTI'U MANGA RASUL 15:3

Jamaatta su Antiokhia nanguntudi mangitou na'oman sara su liuddu soa, wua'udde i mangitou inaite nabatukku Fenesia wuṛṛu Samaria. Poiaroddi i mangitou nabbati'u ereapa manga taumata apan wal᷊ine Yahudi suete nanantillu watanganne su Ruata. Watti'a udde naal᷊uassa manga taumata mangngimanna isudde.

FILIPI 1:4

Wuṛṛu suapan i ya'u umal᷊iomanni yamiu sarangkanambone, i ya'u u'al᷊iomanna ringannu naungnga mal᷊uassa.

FILIPI 2:17

Asinungka i ya'u sarun pateanna wuṛṛu ṛaṛṛa'u maola'a ere sambau sasamba manampal᷊iu wuassu sasamban kamiu su Ruata maola'a sambau tatiala manungku i yamiu mangngimanna si Tou. Amungkangu udde atonna ṛinone maola'a aroddi, ya'u maadiangkamanna su olangnge udde wuṛṛu lulluassa suaddio'a ringanni yamiu.

FILIPI 4:1

Ana waugu udde, manga tuṛṛangku apan arangnguanna, aroddite ṛinone i yamiu mabbiakka ringannu atonna-tonna mangngimanna Mawu. Naungku maapulu maisasomban kamiu! Ete i yamiu ipaapulu'u apan maal᷊uassa naungku.

1 TESALONIKA 2:19

Atonna ete i yamiu aantimanna wuṛṛu maal᷊uassa si yami. Ana waugu napawe Mawu Yesus rumanta, wuṛṛu i ite sumaruanna si Tou, ne ete i yamiu apan maal᷊uassa si yami!

1 PETRUS 2:10

Dorone i yamiu wal᷊ine walahannu Ruata, arawe orassa indi yamiu nareengke al᷊aṛṛana'u Ruata. Dorone i yamiu tawe rangnguannu Ruata, arawe orassa indi yamiu manengkamma darangngu-Ne.

1 PETRUS 2:25

Dorone i yamiu ere domba nilamammiṛṛanne, arawe orassa indi yamiu suete niapidda apia tumantalongnga Mallal᷊u'adda wuṛṛu Mamamadul᷊i niawanu.