LUKAS 15:22 - WUKE SUSI WATTI'U AL᷊AL᷊USASSA

²² Arawe iamangnge namago manga mangangimbene wuṛṛu nabbisara, ‘Paal᷊ihakka! Panganu laubba apianne, wuṛṛu luṛṛea'e si tou. Luṛṛea'a lai sinsingnga su tal᷊imadone, wuṛṛu sapatu su leddane.

LUKAS 15:22 Iomraidhean Croise

ESTER 3:10

Naaringikka udde, ratu nanawutta wuassu tal᷊imaddone sinsingnga apan ual᷊uṛṛe si tou ipacappa manga papasingkattu araratuanna, ana see nionggolla si Haman, seettu taumatan Yahudi apan wahewalla.

ESTER 8:2

Ratu nalluatta sinsingnge apan buatte niul᷊eanna apia wuassi Haman wuṛṛu nionggolla si Mordekhai. Wuṛṛu Ester naneneggi Mordekhai naola'a tembonannu darotongngi Haman.

DARALO 132:16

Manga imammi mangitou namasilon asasal᷊amatta wuassia-U; tumanangnge sarun mangngantari wuṛṛu lumala'a.

DARALO 132:9

Antimanna al᷊aṛṛanang-Ngu humio lullala'a, wuṛṛu manga imam tatahuanan-Nu sidutu mabbiakka tuttuṛṛutta apulu-Nu.

DARALO 18:33

Ete i Tou Ruata apan nanohassa si ya'u wuṛṛu na'ola'a lal᷊angku mal᷊angnganna.

DARALO 45:13

Tumana'u Tirus uaapiddu aonggola si'o; taumata ala mattinsahadda manganu naungngu.

ANTARI MAWANTUGA 7:1

O, maṛṛuala apan lullaukka, maṛṛamaga atonna leddanu ringannu silopenu udde. Le'onnu wantiṛṛanu naal᷊ihidda lal᷊ogakka, lanna'u liman sangkatou pande manguitta.

YESAYA 61:10

Yerusalem nabbisara, “I ya'u lulluassa ana waugu Mawu, naungku lullal᷊a'a ana waugu Ruata. Naal᷊ihidda ma'aawingnga esakka wuṛṛu wawine uapa'attu lal᷊oggakka mangkaṛṛansanga, etearoddi Mawu nameddetta si ya'u laubbu asasal᷊amatta wuṛṛu auntunganna.

LUKAS 15:21

‘Iamangnga,’ unnu ana'a udde, ‘i ya'u suete na'ola'a rosa su saruannu Ruata wuṛṛu su saruannu Iamangnga. Tate su ṛinone lai ya'u isago ana'u Iamangnga.’

LUKAS 15:23

Wua'udde panganute ana'u sapi atawanne wuṛṛu pototte. I ite sarun umanna wuṛṛu lumuassa.

ROMA 13:14

Wala'e Mawu Yesus Kristus mangatokku apa apan sarun olaanna. Wuṛṛu imbaṛṛangnga tumuṛṛutta pallal᷊agun taumata marosa ipamatu'a apulun naungnga.

ROMA 3:22

manungku Ruata ta'e mangngonggolu tempone su taumata maaukka ringanni Tou, tumba'u amungkangngu taumata mangngimanna Mawu Yesus Kristus. Ruata na'ola'a indi hunane su anambon taumata apan mangngimanna si Kristus, ana waugu tawe paṛṛalanne:

ROMA 8:15

Ana waugu Ghaṛṛaho apan buatte nionggolu Ruata si yamiu, tawe ma'ola'a si yamiu allangnga, ma'oman sara i yamiu mabbiakka sulal᷊ummu atata'utta. Arawe Ghaṛṛahon Duata udde nandiaddi si yamiu maola'a al᷊aṛṛana'u Ruata. Wuṛṛu ringannu taṛṛinon Ghaṛṛahon Duata udde, i ite mammago Ruata “Iamangnga, o Iamangku!”

GALATIA 3:27

I yamiu sarangkanambone buatte nisaṛṛani sulal᷊ummu aranni Kristus, nariaddi yamiu buatte nanengkamma sulal᷊ummu watanganni yamiu pallal᷊agun Kristus sassane.

EFESUS 6:15

Ṛinone i yamiu sidutu mabbatti'u Watti'u Al᷊al᷊uassa apan mangngapiddu paddarame maola'a aampakku leddanu.

TAHIUL᷊E 33:25

Antimanna manga soane tatandaanna ringannu ngaran pasallanganna apan niola'a wuassu witu'a wuṛṛu atta'a tadea'u i mangitou sidutu mabbiakka mal᷊annaba wuṛṛu matammuda.”

SONDAPPA 19:8

Peddeta lenan apan sussal᷊endapa suete nionggolla si tou iapaal᷊uṛṛe.” (Peddeta lenanna udde eteudde manga inolaanna apan mapia apan niola'u al᷊aṛṛana'u Ruata.)

SONDAPPA 2:17

Isai-sai apan maaringikka, ṛinone manutukka apa apan iapaasingkatu Ghaṛṛahon Ruata su manga jamaatta! I mangitou apan naauntunga, sarun Ta'u iwala umanna manna apan uawuni, wuṛṛu sambau-sambau sarun manengkama wuassia'u sambau watu mawira. Su watu udde uawoṛṛetta sambau aranna wakku, apan awagananni sai-sai, tumba'u taumata apan nanengkamma.”

SONDAPPA 3:18

Ana waugu udde i Ya'u manantiro si yamiu tadea'u mamalli wul᷊awanna wuassia-U, eteudde wul᷊awanna apan apianne, tadea'u i yamiu maola'a ala. Pamallite lai laubba mawira wuassia-U tadea'u i yamiu pia peddeta wuṛṛu ipami'unte wadangi yamiu apan tantol᷊e wuṛṛu ma'asili. Wuṛṛu pamallite lai undama ipamuṛṛa matanu tadea'u i yamiu wotongnge maasilo.

SONDAPPA 6:11

I mangitou sangkatou-sangkatou nionggol᷊annu jubah mawira sambau. See i mangitou nirolokka niapaillol᷊o tal᷊ang kadio'a lai, ma'oman sara masuungnga reengannu manga hawe sangkamanaranna wuṛṛu manga tuṛṛangi mangitou apan sarun pateanna lai ere i mangitou.

SONDAPPA 7:9

Wua'udde i ya'u na'ellega apia, see niasiloanna taumata tumanite manambo – tawe saran sangkatou taumata apan wotongnge maareengngu anambone. I mangitou udde manga taumata wuassu al᷊awo'u walahanna, ṛuanganna, araratuanna, wuṛṛu wahasa. Ringannu uapeddetu jubah mawira-wira wuṛṛu ringannu uaaggasa manga rannang kalu palem su limane, manga taumata manambo udde dirumarisikka sinumaruanna adderan araratuanna wuṛṛu sinumaruanna Ana'u Domba udde.