LUKAS 15:18 - WUKE SUSI WATTI'U AL᷊AL᷊USASSA

¹⁸ I ya'u mapul᷊ete wuṛṛu inaite ringannu iamangku wuṛṛu mabbisara si tou: Iamangnga, i ya'u suete na'ola'a rosa su saruannu Ruata wuṛṛu su saruanni Iamangnga.

LUKAS 15:18 Iomraidhean Croise

2 TAWARIKH 33:19

Sulal᷊ummu wuke Watti'u Manga Nabi buatte niwoṛṛetta lai aal᷊iomanni Manasye wuṛṛu sasimbakku Ruata su aal᷊iomanna udde, see lai watti'u manga rosane tantal᷊anna i tou taambe awawal᷊u, manga tampa pasasubbanna paal᷊uanna wuṛṛu manga paal᷊uannu Monganni Asyera apan nilanginne, wuṛṛu manga monganna apan sassubbanne.

DARALO 25:11

Mawu, ampungewe i ya'u ere buatte nipa'ire-Nu, ana waugu pasasal᷊a'u tumaniten wahewalla.

AMSAL 23:13

Ariewe paasamballa mangaṛṛa'a anangngu. Amungkangngu i'o mamuulla si tou ringannu ue, i tou tawe mate,

YESAYA 63:16

Wal᷊inewe I'o Iamangngi yami? Abraham wuṛṛu i Yakub waggan kami. Arawe I'o Mawu, uddewe Iamangngi yami, Mananal᷊amatta si yami ro'en al᷊amonane.

YEREMIA 3:19

Mawu nabbisara, “Israel, i Ya'u mappulu manengkamma si'o maola'a ana-U, wuṛṛu mangonggolla si'o wanua apan ma'al᷊uassa, wanua apan apianne su ahewallu runia. I Ya'u mappulu tadea'u i'o mamaggo si Ya'u iamangnga, wuṛṛu tate mangingkatta apia wua dingang-Ku.

YEREMIA 31:20

Israel, i'o ana'a arangnguang-Ku, ana'a iaakkanna, tatuno naung-Ku. Suapawe i Ya'u mamakkamma si'o i Ya'u sidutu uanaungnga si'o ringannu ṛintulu. I'o sarun Ta'u olaanna ringannu ahewallu tatal᷊antuppa.

LAL᷊ALLU 3:29

Wala'e i ite sumallungngu waddangnga wuṛṛu mawala, ana waugu asinungka antimma ta'e pia.

LAL᷊ALLU 3:40

Mappianne i ite manaṛṛassidda wiakki ite, wuṛṛu mabbelengnga ringannu Mawu Ruata su surga. Wette i ite mamu'a naungnga wuṛṛu umal᷊iomanna,

DANIEL 4:26

Manga mala'ekatta namarenta tadea'u tuiddu alu udde iwala matantangnga sulal᷊ummu leta'a. Udde atappasanne manungku sarun maola'a ratu apia napawe Tuangku buatte nanga'u manungku Ruata uataṛṛino ahewallu runia.

YUNUS 2:4

Sulal᷊ummu naungku i ya'u nabbisara; Mawu buatte nallimbuakka si ya'u wuassu saruan-Ne. I ya'u tate maasilo apia wal᷊en atatanaan-Ne apan susi.

YUNUS 3:9

Asinungka Ruata sarun mamal᷊u ṛingiran-Ne wuṛṛu tate masa'u apia na'oman sara i ite tawe mate!”

MATIUS 3:6

I mangitou nanga'u manga rosa mangitou, see i Yohanes nanaṛṛanite si mangitou su Sal᷊ukku Yordan.

MATIUS 6:14

Amungkangngu i yamiu mangampunga taumata apan nassal᷊a si yamiu, Iamangngu su surga lai sarun mangampunga pasasal᷊ang kamiu.

MATIUS 6:9

Nariaddi aal᷊iomante ereindi, ‘Iamangngi yami su surga; Ete I'o Ruata tumba'u Sambau. Antimanna I'o subbanna wuṛṛu wantuhanna.

MATIUS 7:11

Salaiwe i yamiu lal᷊eo, i yamiu masingkatta lai mangagillu apa apan mapia su manga al᷊aṛṛanangngu. Nangillembo Iamangngu su surga! I Tou lembone lai sarun mangagillu apa apan mapia su taumata apan maddorongnga si Tou.

LUKAS 11:2

Ne Mawu Yesus nabbisara si mangitou, “Amungkangngu i yamiu umal᷊iomanna, pabbisarate ereindi, ‘Iamangnga, Ete I'o Ruata apan Tinggassa. Doronganna I'o subbanna wuṛṛu addatanna.

LUKAS 15:17

Panginsueanne i tou naanaungnga wuṛṛu nabbisara, ‘Manga taumata apan mammanara ringannu iamangku pia anna marasai arawe i ya'u isindi mateten lunussa!

LUKAS 15:19

I ya'u tate su ṛinone lai isago ana'u Iamangnga. Ola'e i ya'u ere sangkatou allangngu Iamangnga.’

LUKAS 15:21

‘Iamangnga,’ unnu ana'a udde, ‘i ya'u suete na'ola'a rosa su saruannu Ruata wuṛṛu su saruannu Iamangnga. Tate su ṛinone lai ya'u isago ana'u Iamangnga.’

LUKAS 18:13

Arawe madarorongnga wose udde nirumarisikka marau-rau wuṛṛu tawe maningngara langitta. Lapiddu mannapu roone, i tou nabbisara, ‘O Ruata, akkanawe i ya'u, taumata marosa indi!’ ”