LUKAS 14:15 - WUKE SUSI WATTI'U AL᷊AL᷊USASSA

¹⁵ Su tempo sangkatou wuassu wallattu taumata u'anna su sambau isudde naaringikka wisara Mawu Yesus, i tou nabbisara, “Auntunganna eteapa su taumata apan sarun umanna su sambau ringannu Ruata napawe i Tou rumanta ere sangkatou Ratu!”

LUKAS 14:15 Iomraidhean Croise

MATIUS 25:10

Ne manga maṛṛuala apan boddo udde inaite namalli lana. Tantal᷊anna inaiaroddi, nirumantate ma'a'awingnga esakka. Sire lima maṛṛuala apan nasaddiate udde sinumuttate su sampunna ringannu ma'a'awingnga esakka su tampan andeangnga, wuṛṛu ngara niṛṛuudde!

MATIUS 8:11

Atonna! Manambo taumata sarun dumanta wuassu samba'an ra'i wuṛṛu waṛṛatta lulluassa su sampunna ringanni Abraham, i Ishak wuṛṛu i Yakub sulal᷊ummu Runia Wakkun Ruata.

LUKAS 12:37

Tumanite naauntunga manga mangangimbe apan aratinganna tantal᷊anna uaraṛṛaddo tempone mawune rumanta. Pangimante: mawune udde uasaddiate wuṛṛu mandolokku mangangimbene udde uma'ianna, see i tou nangimbete si mangitou.

LUKAS 13:29

Manga taumata sarun rumanta wuassu ra'i wuṛṛu waṛṛatta, wuassu sawannakka wuṛṛu timukka, wuṛṛu sarun lumuassa sulal᷊ummu Runia Wakku Ruata.

LUKAS 22:16

Ana waugu udde, pangimante: i Ya'u tate umanna anna indi apia ma'oman sara atappasannu sal᷊iwangnga indi iapaal᷊iatta'a su Runia Wakkun Ruata.”

LUKAS 22:30

Ringannu aroddi yamiu wotongnge lumuassa ringang-Ku su tempo i Ya'u maola'a Ratu. Wuṛṛu i yamiu sarun uma'ianna su atanggaṛṛanne su mapul᷊o dua adderan araratuanna wuṛṛu mamarenta mapul᷊o dua walahannu taumatan Israel.”

SONDAPPA 19:9

See mala'ekatta udde nabbisara si ya'u, “Woṛṛetta'a indi: ‘Lal᷊umanna'a su taumata apan niwagoanna su andeangngu awingngu Ana'u Domba udde.’ ” See mala'ekatta udde nanamba apia, “Ete indi watti'a atonna wuassu Ruata.”