LUKAS 14:13 - WUKE SUSI WATTI'U AL᷊AL᷊USASSA

¹³ Nariaddi, amungkangngu i'o ma'ola'a andeangnga, wal᷊oite taumata asiangnga, taumata pia sangkulle, taumata lome wuṛṛu taumata wuta.

LUKAS 14:13 Iomraidhean Croise

2 SAMUEL 6:19

Wua'udde nattahia anna si mangitou sarangkanambone. Suapan taumata isudde mawae ete esakka ara'e wawine nionggol᷊annu sanduru ṛemessa apan buatte nitapa, roti wuṛṛu kukisse kismis. Wua'udde i mangitou sarangkanambone napul᷊ete su wal᷊ene sangkatou-sangkatou.

2 TAWARIKH 30:24

Ratu Hizkia nangonggolu 1.000 sapi esakka wuṛṛu 7.000 domba. Manga mamanaran araratuanni Hizkia nangonggolu 1.000 sapi esakka wuṛṛu 10.000 domba. Winatangnga sarangkanambone udde nionggola su tumana'u soa iapaṛṛata wuṛṛu inasanna. Tumaniten manambo imam napasusin batanganne.

NEHEMIA 8:10

Orassa indi apul᷊ete; ante wuṛṛu pa'inumpe ringannu lullala'a. Onggol᷊a'e sambageanganna wuassu anna wuṛṛu anggorenu si mangitou apan awussa. Allo indi allo apan niṛṛae su Mawu kite, nariaddi arie paasusa. Al᷊al᷊uassa apan nionggollu Mawu si yamiu sarun manohassa si yamiu.”

NEHEMIA 8:12

Ne anambon tumanangnge napul᷊ete inai umanna wuṛṛu ma'inumma see mattahia anna su manga taumata waine. I mangitou lullala'a ana waugu nasunnate atappasannu pabbasanna apan niaringiṛṛanna mangitou udde.

AYUB 29:13

I ya'u raddaloannu taumata apan tumaniten massusa, i ya'u natul᷊ungngu wawine wal᷊u na'oman sara i mangitou matammudda.

AMSAL 14:31

Isai ma'ola'a mapia su taumata asiangnga, i tou mangngaddata Ruatane; isai mangngallangnga taumata lome, mallobbossa Mandariaddine.

AMSAL 22:9

Taumata apan naungnge mapia sarun al᷊amatannu Mawu, ana waugu i tou mattahia wiakka su taumata awussa.

YESAYA 58:10

Onggol᷊eten kanna su taumata apan mal᷊unussa, wuṛṛu ontol᷊ete manga taumata apan aallanganna. Amungkangngu inolaanni yamiu aroddi, ne ararandumma apan uapal᷊iwutta si'o, sarun mabbal᷊i masemakka ere allo.

YESAYA 58:7

Tahiate annu su manga taumata apan mal᷊unussa, tarimmata'e manga taumata lallele su wal᷊enu. Onggol᷊eten laubba su taumata tantol᷊e, wuṛṛu arie mapawelengngu tuṛṛangngu apan ṛinone itul᷊ungnga.

MATIUS 15:30

Manambo taumata nirumanta ringanni Tou uaapiddu taumata peṛṛo, wuta, lome, mou, wuṛṛu manambo lai taumata maradda'a waine. I mangitou nangadon rumaradda'a udde su saruannu Mawu Yesus, ne i Tou napaapiate manga rumaradda'a udde.

MATIUS 22:10

Ne manga ralol᷊oṛṛanne udde inaite. I mangitou inaite su manga lal᷊anna wahewa see nangammullen manga taumata apan nassomba mangitou poiaroddi apan mapia ara'e lal᷊eo. Ne napenete andeangngu awingnga udde ringannu al᷊awo'u raho.

LUKAS 11:41

Apan sulal᷊ummu mangko wuṛṛu lamangngu udde, eteudde ṛinone ionggolli yamiu su taumata asiangnga. Ringannu olangnge aroddi, sarangkanambone sarun maola'a waresi hunane si yamiu.

LUKAS 14:12

See Mawu Yesus nabbisarate mawum bal᷊e, “Amungkangngu i'o mabal᷊o taumata su andeangnga umanna allo ara'e rabbi, arie mabal᷊o hawe ara'e tuṛṛangnga, ara'e sangkatuṛṛangnganna, ara'e al᷊indonganne apan ala. Ana waugu pia tempone lai i mangitou mabal᷊o si'o, wuṛṛu ringannu aroddi i'o manengkamma wawal᷊inne wuassu inolaannu.

LUKAS 14:14

I'o sarun al᷊amatanna, ana waugu manga taumata udde tawe maawal᷊issa apapianu. Apapiannu sarun bal᷊isannu Ruata su tempo manga taumata apan mapia iapaawangunna apia wuassu papate.”

LUKAS 14:21

Mangangimbe udde napul᷊ete wuṛṛu nabal᷊on olangnge udde su mawune. Mawune mangke nasa'u, wuṛṛu nabbisara su mangangimbene, ‘Paal᷊ihakka inai su manga lal᷊anna wuṛṛu manga sasuttanna su soa. Apira'e isindi taumata asiangnga, taumata pia sangkulle, taumata wuta, wuṛṛu taumata lome.’

WATTI'U MANGA RASUL 9:39

I Petrus lapiddu dirumarisikka wuṛṛu tinumantalongnga si mangitou. Na'oma poiaroddi, i tou niapidda su wabbo'a ṛengkenne rosone. Anambon bawine wal᷊u isudde naṛṛimpulunna si Petrus lapiddu lulluai wuṛṛu manta'e si tou manga laubba wuṛṛu manga jubah apan nitabbi'i Dorkas si mangitou su tempo i tou ta'e wiakka.

TAHIUL᷊E 14:29

Anna udde wuattu taumatan Lewi ana waugu i mangitou tawe naatahuanna leta'a, wuṛṛu wuattu taumata raho, asisimpal᷊ussa wuṛṛu manga inawal᷊uanna apan mabbiakka su manga soanu. I mangitou wotongnge rumanta wuṛṛu mangal᷊appa sarangkanambone apan pappandumanni mangitou. Amungkangngu inolaanni yamiu aroddi, ne Mawu Ruatanu sarun mangal᷊amatta al᷊awo'u manaranu.”

TAHIUL᷊E 16:11

Su saruannu Mawu Ruatanu su tampa apan buatte nipile-Ne, i yamiu ṛinone lulluassa susampunna ringannu manga anangngu, manga allangngu wuṛṛu taumatan Lewi, taumata raho, ana'a asisitimpal᷊ussa wuṛṛu manga inawal᷊uanna apan uatana'a su manga soanu.

TAHIUL᷊E 16:14

Lallala'e suadio'a ringannu manga anangngu, manga allangngu, taumatan Lewi, taumata raho, ana'a asisitimpal᷊ussa, manga wawine wal᷊u apan uatana'a su manga soanu.

1 TIMOTIUS 3:2

Sangkatou mallal᷊u'adda jamaatta ṛinone taumata tawe sal᷊ane, tumba'u sangkatou awingnge, masabare, pande, wuṛṛu maaduna; i tou maapulu manol᷊oho raho su wal᷊ene, wuṛṛu wotongnge mangaṛṛa'a taumata;

1 TIMOTIUS 5:10

tinumelennga ere sangkatou wawine apan ma'ola'a apapia, ereindi: i tou suete namadul᷊i manga al᷊aṛṛanangnge ringannu mapia, naungnge mal᷊uassa mangimbe raho matana'a su wal᷊ene, mangimbe manga taumata mangngimanna, massumbala manga taumata susa, wuṛṛu mammanara atonna-tonna al᷊awo'u manara apan mapia.

TITUS 1:8

Ṛinone i tou mal᷊uassa manarimmattu taumata su wal᷊ene, maapulu manga inolaanna apan mapia, wotongnge maṛṛadannu aapulun naungnge, matul᷊idda, susi wuṛṛu ma'uddupa.

FILEMON 1:7

Tuṛṛangnga Filemon, darangngunu su anambon al᷊aṛṛana'u Ruata maal᷊uassa si ya'u wuṛṛu mangonggolu sasasa si ya'u! Anambon al᷊aṛṛana'u Ruata nilumuassa ana waugu i'o.

IBRANI 13:2

Arie humago'a mapaatana'a su wal᷊enu manga taumata apan ta'e awagananni yamiu. Ana waugu ringannu ma'ola'a aroddi, piate taumata, ringannu tawe niatutukka suete napaatana'u mala'ekatta su wal᷊ene.