LUKAS 13:34 - WUKE SUSI WATTI'U AL᷊AL᷊USASSA

³⁴ Yerusalem, Yerusalem! Manga nabi suete nipatenu! Manga ralol᷊oṛṛannu Ruata suete tinuntungannu watu na'oman sara nate! Paapirate i ya'u ma'apulu mangammullu anambon tumana'u soa indi ere inangngu manu'a mangooppa manga anangnge sulal᷊ummu papaidde, arawe i'o maddiri!

LUKAS 13:34 Iomraidhean Croise

NEHEMIA 9:26

Arawe uman-Nu nilumawangnga wuṛṛu tate tumuṛṛutta Si'o, tawe maddaringikka tita wuṛṛu atoran-Nu, namate manga nabi apan napaanaungngi mangitou, wuṛṛu apan nadolokki mangitou mabbelengnga ringan-Nu, Ruatane. Oh Mawu, masokka lai I'o lallobbosanni mangitou,

NEHEMIA 9:30

Tonna uahahanti tonna I'o masabbare mapaanaungngi mangitou; napaattu manga nabi, Ghaṛṛaho-Nu nabbisara si mangitou. Arawe uman-Nu udde nanappingnga tal᷊inga, ana see I'o nanantilli mangitou su manga walahannu al᷊awo'u wanua.

DARALO 149:2

Lallala'e, ei Israel ana waugu Mandariaddinu; lalluasse, ei tumana'u Sion ana waugu Ratunu!

DARALO 17:8

Paddul᷊ianewe i ya'u naal᷊ihidda ana'u mata-Nu, wuniaawe i ya'u su al᷊ungngu papaiddu Mawu

DARALO 36:7

Apapia-Nu naal᷊ihidda atanggaku wowone, wuṛṛu atatul᷊iddu Mawu alal᷊umme ere laudda; taumata wuṛṛu winatangnga nipadul᷊ianan-Nu, oh Mawu.

DARALO 57:1

Su piaṛṛa'u mangangantari. Tumuṛṛuttu antari: Imbaṛṛangnga manggohakka. Daralo wuassi Daud, sutempo i tou tinumal᷊anga su loṛṛangnga mallinda'i Saul.

DARALO 81:13

Ana waugu udde i mangitou niwala'u tawe maddaringikka; wala'e i mangitou mappaamattu apulun naungnge sassane.

DARALO 91:4

I Tou sarun massirungnga si'o ringannu papaiddu Mawu, na'oman sara i'o mal᷊angnganna su al᷊ung-Nge; apapia-Ne naal᷊ihidda allungnga apan uasirungnga si'o.

YESAYA 30:15

Mawu Apan Atanggaṛṛanne, Ruata susin Israel, nabbisara uman-Ne, “Awal᷊ute wuṛṛu paatammudda, ne i yamiu sarun iapasal᷊amatta. Pangimante si Ya'u ringannu naungnga apan matana'a, ne i yamiu sarun tohasang-Ku.” Arawe i yamiu maddiri!

YESAYA 50:2

Anio wuassu uma-U tawe saran sangkatou sinumimbakka, sutempo i Ya'u mammaggo si mangitou? Apa i mangitou mal᷊annabba ana waugu massunna i Ya'u tawe mapaamallossa wuṛṛu maapanal᷊amatta si mangitou? Atonna-tonna, wuassu parenta-Ku tahal᷊oangnga nabbal᷊i mamara, manga sal᷊ukka Ta'u niola'a wadda'u anne, na'oman sara manga inassa nate wuṛṛu hal᷊urune mawukku'a.

YEREMIA 2:30

Tawe gunane I yamiu Ta'u iṛṛuumanna, ana waugu i yamiu maddiri maddaringikka tataggu. Ere singa apan tantal᷊anna tuttambo, etearoddi lai i yamiu mamate manga nabinu.

YEREMIA 26:23

Ana see i mangitou nangapiddi tou mabbelengna ringanni Ratu Yoyakim. Wua'udde ratu nandolokka niapapate si tou, wuṛṛu winal᷊unanne niramme su labbingngu awadaalla.

YEREMIA 35:14

Yonadab naningaddu papapulunne ma'inumma anggore, wuṛṛu i mangitou tinumuṛṛutta su sasingadda udde. Naddatingngu allo indi tawe saran sangkatou wuassi mangitou apan ma'inumma anggore. Arawe i Ya'u sidutu mabbisara si yamiu, arawe i yamiu maddiri maddaringikka.

YEREMIA 35:17

Ana waugu udde, i Ya'u, Mawu Apan Lembontaṛṛino, Ruatan Israel, sarun mandanta si yamiu – manga taumatan Yehuda wuṛṛu Yerusalem – al᷊awo'u asasilaka apan buatte Ta'u tinantunna maṛṛia'a si yamiu, ere buatte Ta'u niwisara. Olangnge udde Ta'u olaanna ana waugu i yamiu maddari maddaringikka napawe i Ya'u mabbisara si yamiu, wuṛṛu i yamiu maddiri sumimbakka sutempo i Ya'u mamaggo si yamiu.”

YEREMIA 6:16

Mawu nabbisara uman-Ne, “Darisikke su pappengannu lal᷊anna, wuṛṛu panutudde paapia-pia! Pa'iwal᷊ote manga lal᷊annu al᷊amona, wuṛṛu suapa apan apianne suwallanne. Amatte su lal᷊anna udde, tadea'u i yamiu mabbiakka matammudda.” Arawe i mangitou nabbisara, “Tawe, i yami maddiri umamatta su lal᷊anna udde!”

LAL᷊ALLU 1:16

Ana waugu udde allon mata'u mappinapi, taweddu mangonggollu sasasa ara'e al᷊al᷊uassa. Walahangku niawul᷊ianten al᷊awo'a, ana waugu seetta lembon uataṛṛino.

LAL᷊ALLU 4:13

Arawe olangnge udde nariaddite, ana waugu rosan manga imam wuṛṛu nabi. I mangitou buatte napatuṛṛon daṛṛa, wuassu taumata apan tawe sal᷊ane.

HOSEA 11:2

Arawe lembon Ta'u wabbagoang ana-Ku udde i tou lembon mangnginda-U lai. I tou nangapiddu sasamba wuṛṛu mannambunnu amania hunan Baal wuṛṛu manga mongana waine.

HOSEA 11:7

wuṛṛu mangke mappulu manantang-Ku. Ne i mangitou sarun allanganna, arawe taweddu mamallossi manitou salaiwe i mangitou mangngintul᷊i ma'iontolla.”

YOEL 2:23

Ei tumana'u Sion, lalluasse! Lallala'e wuṛṛu paggiote! ana waugu al᷊owo'u apapia wuassu Mawu Ruatanu. Sutempon manontongnga i Tou nangonggollu uranna manambo si'o. Sutempon masunge urana niwambin-Ne, wuṛṛu lai sutempo mallal᷊uwo ere su inanaramanne.

ZAKARIA 1:4

Ariewe ere iupungngu al᷊amonanu. Sutempon dorone manga nabi mammasingkattu tanata-U si mangitou tadea'u i mangitou tate lai ma'ola'a al᷊al᷊eo wuṛṛu ma'ola'a rosa. Arawe i mangitou tawe maddaringikka wuṛṛu maddiri tumuṛṛutta si Ya'u.

MATIUS 22:3

Ratu udde nandolokku manga ralol᷊oṛṛanne inai iapasal᷊oho manga taumata apan suete niwal᷊oanna su andeangnga udde. Arawe manga taumata apan niwal᷊oanna udde madiri rumanta.

MATIUS 22:6

wuṛṛu waine lai nanametta manga ralol᷊oṛṛannu ratu udde see namuulla wuṛṛu namate si mangitou.

LUKAS 15:28

Ana'a pahul᷊une udde mangke nasa'u, na'oman sara i tou maddiri sumutta su wal᷊e. See iamangnge sinumabangnga wuṛṛu nassal᷊o'en tou niapaasutta.

LUKAS 19:44

I mangitou sarun maṛṛimunsa'a si'o wuṛṛu anambon tumanangngu; wuṛṛu tawedu saran sambau itantangngi mangitou watu uaatokka su tampane, ana waugu i'o tawe manutukka tempone Ruata rumanta manal᷊amatta si'o!”

LUKAS 23:28

Arawe Mawu Yesus nanaile wuṛṛu nabbisara, “Ei, manga wawinen Yerusalem! I Ya'u arie palluaie. Luaiten watanganni yamiu sassane wuṛṛu al᷊aṛṛanangngu.

WATTI'U MANGA RASUL 7:52

Apa pia sangkatou nabi apan tawe nisansarannu iupungngu al᷊amonanu? I mangitou namate daroloṛṛannu Ruata apan dorone suete namasingkatta manungku Allangngu Ruata apan atonna udde sarun rumanta. Wuṛṛu orassa indi yamiu nandal᷊eo wuṛṛu namate Allangngu Ruata udde.

WATTI'U MANGA RASUL 7:59

Tantal᷊anna i mangitou mannuntungnga si Stefanus, Stefanus sussal᷊ande, “Mawu Yesus, sengkammawe niawa'u!”

WATTI'U MANGA RASUL 8:1

Wuṛṛu i Saulus lulluassa lai su ola'u pamamate udde. Allo udde lai jamaatta su Yerusalem mannattake a'enggenanna, na'oman sara anambon taumata mangngimanna, tabene'e manga rasul, nassal᷊iawukke watukku ahewallu leta'u Yudea wuṛṛu Samaria.

TAHIUL᷊E 32:29

Unnu wisara i mangitou pande, i mangitou sarun maasunna, wuṛṛu maṛṛingiddu panguddusannu allon mangitou.

TAHIUL᷊E 5:29

Ore amungkangngu i mangitou sidutu uapendamma aroddi! Ore amungkangngu i mangitou sidutu mangngadatta si Ya'u wuṛṛu tuttuṛṛutta anambon tita-U, na'oman sara i mangitou wuṛṛu papapulunni mangitou su al᷊al᷊uassa saran mal᷊annu-l᷊annu!

SONDAPPA 11:8

Wuṛṛu winal᷊unanni mangitou sarun iapatal᷊allada su amatannu soa wahewalla, suapa Mawu mangitou niarussa. Aranna sasanato'u soa udde, eteudde Sodom ara'e Mesir.

RUT 2:12

Antimanna Mawu mabbal᷊issa al᷊awo'u apapianu. Antimanna i'o manengkamma al᷊awo'a apan ṛinone ionggolu Mawu, Ruatan Israel si'o, ana waugu i'o nirumantate mangimanna wuṛṛu uasirungnga si Tou!”