LUKAS 13:22 - WUKE SUSI WATTI'U AL᷊AL᷊USASSA

²² Sulal᷊ummu amatanna watukku Yerusalem, Mawu Yesus sinumabbi manga soa wuṛṛu manga ampungnga lapiddu mangngaṛṛa'a.

LUKAS 13:22 Iomraidhean Croise

MATIUS 9:35

Aroddiwe Mawu Yesus inaite namal᷊iwutta wuassu soa sambau watukku soa waine wuṛṛu wuassu wanua sambau watukku wanua waine. I Tou mangngaṛṛa'a su manga wal᷊em pattataṛṛamawuanna, wuṛṛu mammasingkattu Watti'u Al᷊al᷊uassa su ola'u ereapa Ruata mamarenta ere sangkatou Ratu. I Tou mapaapian manga taumata apan uapendamma al᷊awo'u radda'a wuṛṛu sangkullu wadangnga.

MARKUS 6:6

I Tou naherangnga i mangitou tawe mangngimanna. Wua'udde Mawu Yesus inaite su manga ampungnga maranine isudde, wuṛṛu mangngaṛṛa'a.

LUKAS 13:23

See pia taumata naiwal᷊o si Tou, “Iamangnga, apa tumba'u matul᷊ungnga taumata masal᷊amatta?” Mawu Yesus sinumimbakka,

LUKAS 9:51

Napawe maranite tempone Mawu Yesus masengkengnga watukku surga, i Tou nakkawessa inai mabatukku Yerusalem.

WATTI'U MANGA RASUL 10:38

Yamiu masingkatta manungku Ruata suete namile Mawu Yesus taumata Nazaret udde wuṛṛu nangonggolu Ghaṛṛaho Ruata wuṛṛu taṛṛino si Tou. I yamiu masingkatta lai manungku Mawu Yesus u'amatta su al᷊awo'u tampa ma'ola'a apapia; i Tou mapaapian taumata apan niasuttannu Setanna, ana waugu Ruata uatantalongnga si Tou.