LUKAS 12:48 - WUKE SUSI WATTI'U AL᷊AL᷊USASSA

⁴⁸ Arawe mangangimbe apan masingkattu apulu mawune, wua'udde na'ola'a sambau apan nassal᷊a ma'oman sara puul᷊anna, tumba'u puul᷊anna masi'ome. Ana waugu taumata apan suete nionggol᷊annu manambo wuassi tou sarun padoronganna lai manambo. Wuṛṛu taumata apan suete nipangimananna masokka, wuassi tou lai sarun padoronganna masokka lai.”

LUKAS 12:48 Iomraidhean Croise

IMAMATTA 5:17

Amungkangngu sangkatou ringannu tawe nipattatudda na'ola'a rosa ana waugu nilumawangnga sambau su wallatu parentan Mawu, taumata udde nassal᷊a wuṛṛu ṛinone mamasanna pasasal᷊ane.

REENGANNA 15:27

Amungkangngu tumba'u sangkatou na'ola'a rosa ringannu tawe nipattudda, ne i tou ṛinone mangonggolu sambau ambinga wawine uukke santonna maola'a sasamba aampungnga rosa.

MATIUS 13:12

Ana waugu taumata apan uatahuante, sarun onggol᷊anna lai lembon anamboanne, wuṛṛu i tou sarun lebbeanna. Arawe taumata apan tawe tatahuananne, tumba'u addio'a lai si tou sarun anuanna.

MATIUS 23:14

Nasilakate i yamiu manga hurun agama wuṛṛu manga taumatan Farisi: I yamiu taṛṛa lilangkamal᷊e'a. I yamiu mangngawusu manga wawine wal᷊u wuṛṛu mangngaṛṛo wal᷊ene wuṛṛu tadea'u maawunin al᷊al᷊eo udde, i yamiu u'al᷊iomanna mal᷊o'e-l᷊o'engnga. Ana waugu udde ṛuumanni yamiu sal᷊immurine awakkatanne!]

LUKAS 12:41

“Mawu, apa al᷊aṛṛa'a udde pandumanne si yami ara'e su taumata nambo?” aiwal᷊om Petrus.

LUKAS 12:49

“I Ya'u nirumanta su runia indi mandantan soṛṛoba. Apia eteapa amungkangngu putungnga luṛṛenggampe!

LUKAS 16:2

Nariaddi i tou namagote mangangadon roitta udde wuṛṛu nabbisara, ‘Apa indi niaringiṛṛangku atonna su ola'u pamamanaranu? Orassa indi, tantil᷊a'e si ya'u hessin manaranu su pinangatokku pa'a'ala'u. I'o tate wotongnge maola'a mananahipunna roi'u.’

YOHANES 15:22

Unnu wisara i Ya'u tawe nirumanta, wuṛṛu tawe namasingkattu sarangkanambone udde si mangitou, i mangitou tawe dosane. Arawe orassa indi i mangitou tawe mapassinaaddu rosa mangitou.

WATTI'U MANGA RASUL 17:30

Tempon awawodong kite suete tinimbul᷊ianannu Ruata, arawe orassa indi i Tou nandolokku taumata su ahewallu runia tadea'u mawal᷊u wuassu manga rosa mangitou.

TAHIUL᷊E 25:2

Amungkangngu iapa nassal᷊a iṛṛuumanna sambokkanna, mallaṛṛuungnga ṛinone mandolokki tou umaṛṛu'utta. Anambon sasambokka walate wuassu al᷊al᷊eo apan buatte niolangnge,

1 TIMOTIUS 1:11

Al᷊aṛṛa'a udde niasombanganna sulal᷊ummu Watti'u Al᷊al᷊uassa apan pananal᷊iawukke tinantilla si ya'u, eteudde Watti'u Al᷊al᷊uassa wuassu Ruata apan mawantuga wuṛṛu ṛinone raloanna.

1 TIMOTIUS 1:13

salaiwe dorone i ya'u mangngal᷊uandaga wuṛṛu mandal᷊eo see mangngadio'a si Tou. Arawe Ruata marangngu si ya'u, ana waugu su tempo udde i ya'u taambe nangimanna, nariaddi ya'u wagga apa apan a'olaangku.

1 TIMOTIUS 6:20

Apa apan suete tinantilla si yamiu, paariagai udde mapia-pia, Timotius! Paarau manga hatto apan tawe gunane wuṛṛu patatatiakka su ola'u inolaanna apan mangngal᷊iwu isassago “Asingkata”.

TITUS 1:3

Su tempo apan suete nitantunna, Ruata mapaal᷊iatta'u paaire-Ne udde sulal᷊ummu tanata-Ne. Tanata udde suete niwal᷊o si'u, wuṛṛu i ya'u namasingkattu tanata udde ana waugu darolokku Ruata Punnu Sal᷊amatti ite.

YAKOBUS 3:1

Manga tuṛṛangnga! Arie tumaniten manambo wuassu wallatti i yamiu maapulu maola'a huru. I yamiu masingkata manungku i ite apan naola'a huru sarun parikisanna ringannu nangillembo wuassu taumata waine.