LUKAS 12:4 - WUKE SUSI WATTI'U AL᷊AL᷊USASSA

⁴ “Paanaunge, manga hawe'u! Arie pa'ata'utti mangitou apan mammate wadangnga arawe tawe maaola'a manampal᷊iu wua isudde.

LUKAS 12:4 Iomraidhean Croise

AMSAL 29:25

Matta'uttu addapattu taumata, pangillul᷊eanne asasusa. Pangimante Mawu, ne i'o sarun matammudda.

ANTARI MAWANTUGA 5:1

I ya'u nirumanta su wawail᷊angku, tuari, pare'u, ta'u niammulla mur wuṛṛu rampa-rampa'u; ta'u nianna sal᷊akku langon pul᷊a wuṛṛu pul᷊a'u, ta'u niinumma susu wuṛṛu ua'e'u anggore Aante wuṛṛu pa'inumpe, manga hawe, pa'inumpe ma'oman sara iwu'annu paapulu.

ANTARI MAWANTUGA 5:16

Tumaniten masaṛṛionto'a pabbawisarane, sarangkanambone si tou maanemma. Etearoddi arangnguangku wuṛṛu hawe'u, ei manga maṛṛualan Yerusalem!

YESAYA 41:8

Arawe i'o, Israel, allang-Ku, umatta nipile-U, i'o pallaṛṛiten Abraham, hawe-U.

YEREMIA 1:17

Pandiahite, Yeremia! Roote wuṛṛu pasingkata'a si mangitou, sarangkanambone apan Ta'u nirolokka si'o. Arie mata'utti mangitou, tadea'u i'o tawe Ta'u olaanna lembon matta'utta lai sumaruanna si mangitou.

YEREMIA 1:8

Arie paata'utti mangitou, ana waugu i Ya'u sarun maṛṛundinganna si'o tadea'u mallu'adda si'o. Ya'u, Mawu, buatte nabbisara!”

YEHEZKIEL 2:6

Arawe i'o, ei taumata apan mattate, arie mata'uttu manga lumal᷊awangnga udde, ara'e manga apa apan iwisara mangitou. I mangitou sarun lumawangnga wuṛṛu mangadio'a si'o, na'oman sara ereola'u i'o mabbiakka su pattangngannu kalajengkinga. Salaiwe aroddi, arie paata'utta.

MATIUS 10:28

Arie mata'utti mangitou apan mammate wadangnga, arawe tawe taṛṛino mamate niawa. Ata'utten Duata apan uataṛṛino mamate, mapia ete wadangnga aroddi lai ṛimuudda sulal᷊ummu naraka.

YOHANES 15:13

Taumata apan lembo mandangngu manga hawene eteudde taumata apan mangngonggolu wiakke si mangitou.

WATTI'U MANGA RASUL 20:24

Arawe i ya'u ma'ielem bagga ringannu wia'u indi, sambal᷊iate i ya'u napanginsue manara apan tinantillu Mawu Yesus si ya'u wuṛṛu sambal᷊iate i ya'u maatuṛṛutta na'oman sara pangudusannu wia'u ipammasingkattu Watti'u Al᷊al᷊uassa udde su ola'u darangngun Ruata.

WATTI'U MANGA RASUL 4:13

Manga wageangngu ammul᷊annu Mamamarikissa udde naherangnga naasilo awawaṛṛanin Petrus wuṛṛu i Yohanes, see lai i mangitou masingkatta manungku rasul darua udde taumata wiasa apan tawe si'ol᷊ane. See i mangitou naatutukke manungku rasul darua eteudde manga taumata apan uatantalongnga Mawu Yesus.

FILIPI 1:28

Ṛinone i yamiu siddutu waṛṛani; arie matta'uttu manga seennu. Ringannu aroddi yamiu mapaal᷊iatta'a manungku i mangitou sarun maruggi, wuṛṛu i yamiu sarun maauntunga, ana waugu Ruata sassane apan mangonggolu auntunganna si yamiu.

YAKOBUS 2:23

Udde nassul᷊ungu wageangngu Wuke Susi indi, “Abraham mangngimanna Ruata, wuṛṛu ana waugu pangangimanne udde Ruata nanengkamma si tou naola'a sangkatou apan tinumuṛṛuta apulun Duata.” Ana waugu udde Abraham nisago “Hawen Duata.”

1 PETRUS 3:14

Arawe salaiwe i yamiu uatataṛṛanga ana waugu ma'ola'a manga inolaanna mapia, i yamiu naauntunga! Arie paata'utti sai-sai wuṛṛu arie suminggawangnga.

SONDAPPA 2:10

Arie matta'uttu asasusa apan tate mal᷊annu lai apendamanni yamiu. Paanaunge, Setanna sarun mantaṛṛon sangkawageanganna wuassi yamiu sulal᷊ummu tuttupanna, ana waugu ipamono'a si yamiu. I yamiu sarun matataṛṛanga mapul᷊o allo al᷊annune. Ṛinone i yamiu matuṛṛuta si Ya'u ma'oman sara mate, ne i Ya'u sarun mangonggola si yamiu wiakka tutune wuṛṛu saran mal᷊annu-l᷊annu apan maola'a sambau lal᷊antaku naauntunga.