LUKAS 12:20 - WUKE SUSI WATTI'U AL᷊AL᷊USASSA

²⁰ Arawe Ruata nabbisara si tou, ‘Ei taumata woddo! Ṛabbi indi lai i'o sarun mate, see isai sarun manahuanna paa'ala apan suete niammullu hunam badangngu?’

LUKAS 12:20 Iomraidhean Croise

ESTER 5:11

Ana see i Haman mammahiate si mangitou wuṛṛu mammungaten paa'alane, pangkanne wahewalla apan nionggollu ratu, wuṛṛu pangkanne apan marau mattangngaṛṛanne wuassu manga mamanara waine.

AYUB 27:8

Piawe antimma su taumata lal᷊eo sutempo Ruata maddorongnga niawane?

DARALO 39:6

Aroddi al᷊ihakke I'o nanantunnu auuṛṛangku! Ete Si'o al᷊o'engngu pabbiaṛṛangku tawe gunane. Atonna, taumata naal᷊ihidda sasabbangu singangu,

DARALO 49:10

tadea'u i tou mal᷊iudda wuassu papate wuṛṛu mapabiakka sarangkal᷊o'engnge.

DARALO 73:19

Tumba'u sulal᷊ummu sangkaṛondappa i mangitou nate, panginsuenni mangitou tumaniten maata'utta.

DARALO 78:30

Arawe apulun naungngi mangitou taambe lai nautunganna; nariaddi tantal᷊anna i mangitou ta'e u'anna,

AMSAL 10:2

Paa'ala apan niasombanganna ringannu mallinga tawe mandantan auntunganna; arawe mawal᷊i'a, atatul᷊idda sarun manal᷊amatta.

AMSAL 11:4

Amungkangngu uasaruante papate, darotongnga tate gunane; wiakku sarun masal᷊amatta napawe naungngu masaṛṛionto'a.

AMSAL 13:7

Piaddu mattanno ere taumata ala, arawe tawe darotongnge; piaddu mattanno ere taumata asiangnga, wutte'e ala marasai.

AMSAL 27:1

Arie tumaṛṛupassi su ola'u allo tiṛṛabbi, ana waugu i'o wagga apan sarun mariaddi tiṛṛabbi.

AMSAL 28:8

Isai nabbal᷊ite ala ana waugu nanganu bungane wuṛṛu maddea'a auntunganne manambo-nambo, paa'alane sarun manawo su taumata apan maakannu taumata asiangnga.

YESAYA 56:12

Manga mabbawu'anna udde mabbisara, ‘Wette i ite ma'inumma anggore wuṛṛu ma'inumma sara mawusa! Tiṛṛabbi sarun mappianne wuassu allo indi!’ ”

YEREMIA 17:11

Naal᷊ihidda manu'u winalanganna ruddaṛṛin tallukka wal᷊ine talluke, etearoddi lai taumata apan wengkolla naasomba darotongnga. Su uukka saṛṛen tumuwo i tou sarun awul᷊iannu anambon darotongnge. Su panginsueannu pabbiaṛṛanne natialanna i tou taumata apan tumaniten boddo.

AMOS 6:13

I yamiu mattal᷊imoṛṛonganna manungku i yamiu buatte namaddon Lodebar. I yamiu lai mabbisara, “I yami ta'e matohassa inai mangaṛṛo Karnaim.”

NAHUM 1:10

I'o sarun soṛṛowanna ere laṛṛami apan namarate ere aputta ṛoaanna apan uaandongnga.

LUKAS 11:40

I yamiu woddo! Wal᷊inewe Ruata apan na'ola'a wageangngu liudde udde, suete na'ola'a lai wageangngu lal᷊umme?

1 TESALONIKA 5:3

Amungkangu taumata mabbisara, “Sarangkanambone mal᷊annabba wuṛṛu matammudda,” ne ete su tempo udde inaṛṛombanganne i mangitou sarun aṛṛiaannu papate wuṛṛu tawe saran sangkatou apan wotongnge maatal᷊angnga. Olangnge udde sarun mariaddi sangkaṛṛondapa, ere taddu'u sangkatou wawine apan sarun mangunsiwe.

1 TIMOTIUS 6:17

Su manga taumata ala su runia indi, ṛinone i'o maddorongnga tadea'u i mangitou arie mamunga wuṛṛu arie mangantimma manga sarannapa apan tawe tantune – ereudde paa'ala. I mangitou ṛinone pia antimma su Ruata apan mangonggolu al᷊awo'a si ite ringannu manambo tadea'u i ite wotongnge maatemma paa'ala udde.

1 TIMOTIUS 6:7

Ana waugu tawe saran sambau apan niapiddi ite sulal᷊ummu runia indi, wuṛṛu tawe saran sambau sarannapa apan iapiddi ite watukku liudde!

YAKOBUS 4:14

Apa apan sarun mariaddi su wiakku tiṛṛabbi, yamiu sassane lai wagga! I yamiu tumba'u ere timbulla apan aellehanna tal᷊an kadio'a, wua'udde mawul᷊i.