LUKAS 12:17 - WUKE SUSI WATTI'U AL᷊AL᷊USASSA

¹⁷ Taumata ala udde nanattakke maṛṛingidda sulal᷊ummu naungnge, ‘Inasueannu tampane hessin leta'u. Apa apande'u orassa indi?’

LUKAS 12:17 Iomraidhean Croise

MANNANASE 11:2

Addoa'e roinnu su al᷊awo'u hatin paddaganganna; paddea'e manara ringangu manambo-nambo. Ana waugu taumata ṛinone uaantagga tantal᷊anna asasilaka taambe naṛṛia'a.

YESAYA 58:7

Tahiate annu su manga taumata apan mal᷊unussa, tarimmata'e manga taumata lallele su wal᷊enu. Onggol᷊eten laubba su taumata tantol᷊e, wuṛṛu arie mapawelengngu tuṛṛangngu apan ṛinone itul᷊ungnga.

MATIUS 16:7

Naaringikka wisara Mawu Yesus aroddi, mallal᷊aṛṛenggen-Ne uahahattote sangkatou ringannu sangkatou, “I Tou nabbisara aroddi ana waugu i ite tawe nangapiddu roti.”

MATIUS 5:42

Amungkangngu manga taumata maddorongnga manga apa si yamiu, anggil᷊a'e si tou. Wuṛṛu arie lai mapaawelengngu taumata apan maapulu mabballassa sarannapa si'o.”

LUKAS 10:25

Wua'udde sangkatou hurun agama nirumanta maddea'a mapaasal᷊a Mawu Yesus. I tou naiwal᷊o, “Iamangnga Huru, apa sarun ta'u manaranna tadea'u wotongnge maasengkamma wiakka tutune wuṛṛu mal᷊annu-l᷊annu?”

LUKAS 11:41

Apan sulal᷊ummu mangko wuṛṛu lamangngu udde, eteudde ṛinone ionggolli yamiu su taumata asiangnga. Ringannu olangnge aroddi, sarangkanambone sarun maola'a waresi hunane si yamiu.

LUKAS 12:16

See Mawu Yesus nabatti'u sasumandingnga indi, “Pia sangkatou ala. I tou pia leta'a apan manambo hessine.

LUKAS 12:18

Wua'udde i tou naṛṛingida lai wuṛṛu nabbisara su watanganne sassane, ‘Ore i ya'u pia ṛingidda; manga tampan darotongku iapaahohakka see ta'u iapaola'a lembon ahewal᷊anne. Isudde sarun pangadoannu al᷊awo'u gandumma wuṛṛu manga darotongku waine.

LUKAS 12:22

See Mawu Yesus nabbisara su manga mallal᷊aṛṛenggen-Ne, “Ana waugu udde i Ya'u mabbisara, ‘Arie pa'asinggawangnga su ola'u wiakki yamiu, eteudde apa apan sarun annananni yamiu, ara'e apa sarun iluṛṛeng kamiu.’

LUKAS 12:29

Nariaddi, arie pa'asinggawangnga wuṛṛu umal᷊iwu su ola'u apa apan sarun annananna wuṛṛu inumanni yamiu.

LUKAS 12:33

Wal᷊ua'e darotongngu wuṛṛu anggil᷊a'e roinne su taumata asiangnga. Ola'e sulal᷊ummu ririnu tampan doitta apan tawe maṛṛenessa, eteudde darotongnga apan uaraddo su surga. Darotongnga udde tawe mawul᷊i ana waugu taṛṛa ta'o tawe maapanna'o wuṛṛu wiangnga tawe maahohakka.

LUKAS 16:3

Ne mangangadon roitta udde naṛṛingida, ‘I ya'u sarun ma'ola'e apa orassa indi? Tuangku tate mapaamanara'u. Mamasolla ya'u alangkatta; madorongnga i ya'u massili.

LUKAS 16:9

See Mawu Yesus nabbisara apia, wisara-Ne, “Padaringikka! Paata'e pa'a'alan runia indi ipadea'a hawe, tadea'u napawe darotongngu runia indi tate aregane, i yamiu sarun iapaatana'a su tampan atatanaanna apan tawe pangudusanne.

LUKAS 18:22

Naaringikka udde, Mawu Yesus nabbisara, “Ta'e pia lai sambau sarun olaannu: Wal᷊ua'e anambon darotongngu, onggol᷊a'e roinne su taumata asiangnga, ne i'o sarun maasomba darotongnga su surga. Wua'udde rantate wuṛṛu tantalongke si Ya'u.”

LUKAS 19:17

‘Mapia,’ unnu mawu udde, ‘i'o mangangimbe mapia! Ana waugu sulal᷊ummu inolaanna adio'a i'o wotongnge apangimananna, i ya'u sarun mamile si'o maola'a mangangatokku soa mapul᷊o.’

LUKAS 3:11

I Yohanes sinumimbakka, “Taumata apan laungnge darua ṛinone mangonggolu samparassa su taumata tawe laubba, wuṛṛu taumata pia anna, ṛinone mattahia su taumata tawe anna.”

WATTI'U MANGA RASUL 16:30

Wua'udde i tou nangapiddi tarua sinumabangnga wuṛṛu nabbisara, “Manga mawu, apa ṛinone ta'u olaanna tadea'u i ya'u masal᷊amatta?”

WATTI'U MANGA RASUL 2:37

Napawe manga taumata udde naaringikka olangnge udde, naungngi mangitou u'ambul᷊isada. See i mangitou naiwal᷊o si Petrus wuṛṛu manga rasul apan baine, “Manga tuṛṛangnga apa ṛinone olaanni yami?”

ROMA 12:13

Patatul᷊ungnga mapaasuungngu hausannu manga taumatan Saṛṛani waine wuṛṛu sal᷊ohoiwe manga tuṛṛangnga su pangangimanna sambau apan ta'e awaganannu, ringannu naungnga mal᷊uassa sulal᷊ummu wal᷊enu.

1 TIMOTIUS 6:17

Su manga taumata ala su runia indi, ṛinone i'o maddorongnga tadea'u i mangitou arie mamunga wuṛṛu arie mangantimma manga sarannapa apan tawe tantune – ereudde paa'ala. I mangitou ṛinone pia antimma su Ruata apan mangonggolu al᷊awo'a si ite ringannu manambo tadea'u i ite wotongnge maatemma paa'ala udde.

1 YOHANES 3:16

Ringannu lal᷊anne indi i ite maasingkata ereapa mandangngu sansul᷊ungnga taumata: Kristus suete nanantillu wiakke hunang kite. Ana waugu udde, i ite lai ṛinone manantillu wiakki ite hunan manga tuṛṛangngi ite!