LUKAS 12:16 - WUKE SUSI WATTI'U AL᷊AL᷊USASSA

¹⁶ See Mawu Yesus nabatti'u sasumandingnga indi, “Pia sangkatou ala. I tou pia leta'a apan manambo hessine.

LUKAS 12:16 Iomraidhean Croise

AYUB 12:6

Arawe maṛṛarampassa mabbiakka taweddu mamansagga; taumata apan waṛṛani lumawangnga Ruata mabbiakka matammudda. Sumbal᷊i monganna apan ipangngasakki mangitou, tumba'u atatohassa sassane.

AYUB 24:23

Ruata nangonggolla si tou wiakka su lal᷊umanna'a, arawe ual᷊u'adda si tou tawe illol᷊one.

DARALO 73:12

Etearoddi ola'u taumata lal᷊eo; mabbiakka matammudda, darotongnge sidutu aatambanna.

DARALO 73:3

ana waugu naungku lal᷊eo su taumata mawunga, sutempo i ya'u naasilo aauntungannu taumata lal᷊eo.

YEHEZKIEL 16:49

Sodom wuṛṛu manga ampunge mawunga ana waugu uatahuanna manambo walingakku anna see wotongnga mabbiakka ringannu matammudda wuṛṛu paddarame. Arawe i mangitou tawe ma'ellega taumata asiangnga wuṛṛu taumata lal᷊ebone.

HOSEA 2:8

Inangngu taambe saran paassa manga'u manungku ete i Ya'u apan manggolla si tou gandumma, anggore, lanan zaitun, wuṛṛu al᷊awo'u wul᷊awanna sal᷊a'a apan ipappaanne ipassubba Baal udde.

MATIUS 13:8

Arawe pia lai wualanna apan nanawo su leta'a masuwukka, see nabbua; piaddu maṛṛasutta, piaddu anummu pul᷊o, wuṛṛu pia lai paatallum pul᷊one anambone.”

MATIUS 5:45

tadea'u i yamiu maola'a al᷊aṛṛana'u Iamangngi yamiu su surga. Ana waugu Ruata mapasabangngu matannallo su taumata apan mapia, wuṛṛu su taumata apan dal᷊eo lai. I tou napa'uranna su taumata apan ma'ola'a apapia wuṛṛu su taumata apan ma'ola'a al᷊al᷊eo lai.

LUKAS 12:15

Wua'udde Mawu Yesus nabbisara su anambon taumata isudde, “Paatehamma wuṛṛu paariaga, arie ma'oman sara i yamiu manaṛṛia'u. Ana waugu wiakku taumata tawe uaantimma wuassu pa'a'alane, salaiwe darotongnga uarundu'a.”

LUKAS 12:17

Taumata ala udde nanattakke maṛṛingidda sulal᷊ummu naungnge, ‘Inasueannu tampane hessin leta'u. Apa apande'u orassa indi?’

WATTI'U MANGA RASUL 14:17

Arawe i Tou tawe maabul᷊i mangonggolu tatiala-Ne, eteudde ringannu ma'ola'a apapia. i Tou mangngonggolu uranna wuassu langitta wuṛṛu hessin leta'a su tempone. I Tou mangngonggolu anna si yamiu wuṛṛu malluassa naungngu.”