LUKAS 12:12 - WUKE SUSI WATTI'U AL᷊AL᷊USASSA

¹² Ana waugu apa apan sarun iwisaranu udde, sarun itantiron Ghaṛṛahon Ruata si'o su temponete.”

LUKAS 12:12 Iomraidhean Croise

SASABANGNGA 4:11

Mawu nabbisara si tou, “Isai apan nagonggolu moṛṛongnga su taumata? Isai apan na'ola'a si tou mou ara'e wengella? Isai na'ola'a si tou alla ara'e wuta? Wal᷊inewe i Ya'u, Mawu?

SASABANGNGA 4:12

Orassa indi, roote, i Ya'u sarun mantul᷊ungngu mabbisara wuṛṛu mangaṛṛa'u sarangkanambone apan ṛinone iwisaranu.”

MATIUS 10:19

Arawe amungkangngu i yamiu iapidda parikisanna, arie suminggawangnga su ola'u apa apan isimbakki yamiu, ara'e ereapa i yamiu sarun mabbatti'a. Ana waugu apa apan sarun iwisarang kamiu udde, sarun iwal᷊o si yamiu su temponete.

MATIUS 10:20

Ana waugu mabbisara su tempo udde wal᷊inewe yamiu, arawe Ghaṛṛahon Iamangnga su surga, uaṛṛundinganna si yamiu.

LUKAS 12:13

Sangkatou wuassu wallattu taumata nambo nabbisara Mawu Yesus, “Iamangnga Huru, wotongnge Iamangnga mandolokku tuṛṛangku mangonggolla si ya'u sangkawageanganna wuassu darotongngu iamangngi yami.”

LUKAS 21:15

I Ya'u sassane sarun mangonggolu wisara wuṛṛu apande udde, ma'oman tawe saran sangkatou wuassu manga seetti yamiu wotongnge lumawangnga ara'e massinaaddu apa apan suete niapaasingkatti yamiu.

WATTI'U MANGA RASUL 4:8

I Petrus apan niintaṛṛoannu Ghaṛṛahon Ruata, sinumimbakka, “Manga mawu piaṛṛa'u walahanna, wuṛṛu manga mawu wageangngu mallaṛṛuungnga!

WATTI'U MANGA RASUL 6:10

Arawe i mangitou tawe maapanompolla wisaran Stefanus, ana waugu Ghaṛṛahon Ruata mangngonggolu apande si tou iapawisara.

WATTI'U MANGA RASUL 7:55

Arawe i Stefanus apan aintaṛṛoannu Ghaṛṛaho Ruata, naningngara langitta. I tou naasilo awawantugu Ruata, wuṛṛu Mawu Yesus uarisikka su tampa pia taṛṛino su samba'an uanannu Ruata.