LUKAS 11:9 - WUKE SUSI WATTI'U AL᷊AL᷊USASSA

⁹ Nariaddi i Ya'u mabbisara si'o: Padorongke, ne i yamiu sarun onggol᷊anna; padea'e, ne i yamiu sarun maasomba; panengkelle, ne i yamiu sarun pamu'anna ngara.

LUKAS 11:9 Iomraidhean Croise

DARALO 118:5

Sulal᷊ummu asasusa'u i ya'u sussal᷊ande su Mawu; ana see i Tou sinumimbakka wuṛṛu namallo'u i ya'u nipallossa.

DARALO 27:4

Tumba'u sambau apan ta'u doronganna su Mawu, tumba'u indi apan ta'u ipaapulu: matana'a su Wal᷊en Mawu su al᷊o'engngu pabbiaṛangku, tadea'u maapendamma apapian Mawu wuṛṛu sumal᷊ande aehen-Ne.

DARALO 27:8

I'o nabbisara, “Rantate passubba si Ya'u.” I ya'u sinumimbakka, “I ya'u sarun rumanta, oh Mawu;

DARALO 34:10

Pangaddate Mawu, ei i yamiu al᷊aṛṛanang-Nge, ana waugu taumata apan mangngimanna sarun tawe atalanne.

DARALO 34:4

Paddalote Mawu su sampunna ringangku, wette suadio'a mamantuga aran-Ne.

DARALO 50:15

Salandete si Ya'u sutempon asasusa, i Ya'u sarun mamallossi yamiu, wuṛṛu i yamiu sarun maddalo si Ya'u.”

ANTARI MAWANTUGA 5:6

I ya'u namu'a ngara sutannu arangnguangku, arawe i tou nabbal᷊i'a wuṛṛu napul᷊ete. I ya'u tumaniten luṛṛintulun tingikke; ta'u nireaanna i tou arawe tawe gunane. Ta'u niwagoanna aranne, arawe i tou tawe nitu'a.

YESAYA 45:19

I ya'u tawe mabbisara ringannu iwabbuni, ara'e iaaddapingnga. Ya'u tawe nandolokku uma-U Israel maddea'a si Ya'u ringannu tawe gunane. I Ya'u, Mawu, mabbisara atonna, wuṛṛu mammasingkattu apa apan naṛṛino.”

YEREMIA 29:12

Ne i yamiu sarun maiontolla si Ya'u. I yamiu sarun dumanta umal᷊iomanna si Ya'u, wuṛṛu i Ya'u sarun sumimbakka aal᷊iomannu.

YEREMIA 33:3

“Sal᷊andete si Ya'u, ne i Ya'u sarun sumimbakka; sarun Ta'u iapasingkatta si yamiu manga inolaanna apan maṛṛamaga wuṛṛu maatiangnga apan ta'e awaganannu.

DANIEL 9:3

Wua'udde i ya'u inumal᷊iomante ringannu atonna-tonna su Mawu Ruata, wuṛṛu sinumal᷊ande aakkan-Ne. I ya'u lai nappuasa wuṛṛu nalluṛṛen laubba karongnga see niuma'ianna su awu.

MATIUS 21:22

Al᷊awo'u apa apan raddoronganni yamiu su aal᷊iomanni yamiu, i yamiu sarun manengkamma, sambal᷊iate i yamiu mangngimanna.”

MATIUS 21:31

Ne su wallattu ana'a darua indi, suapane apan tinumuṛṛutta apulun iamangnge?” “Iapa pahul᷊une,” sinimbakku manga imam tembonanne wuṛṛu piaṛṛa'u Yahudi udde. Ne Mawu Yesus nabbisarate si mangitou, “Pangimante: Maddarorongnga wose wuṛṛu manga wawine masandaga sarun maola'a lal᷊oṛṛon araratuannu Ruata rorone wuassi yamiu.

MATIUS 6:29

arawe Ratu Salomo apan pa'a'alane aroddi anambone, tawe uapedetta ere al᷊aṛṛamagu manga wunga udde!

MARKUS 11:24

Ana waugu udde paanaunge indi: Napawe i yamiu umal᷊iomanna wuṛṛu madorongnga sarannapa, pangimante manungku Ruata suete nangonggolla si yamiu apa apan radoronganni yamiu, ne i yamiu sarun manengkamma udde.

MARKUS 13:37

Apa iwabbisara-U indi si yamiu, iwabbisara-U lai su manga taumata: paariagate!”

LUKAS 11:10

Ana waugu taumata apan nadorongnga sarun manengkamma, taumata apan maddea'a sarun maasomba, wuṛṛu taumata apan mannengkella sarun pamu'anna ngara.

YOHANES 14:13

Wuṛṛu al᷊awo'u apa apan raddoronganni yamiu sulal᷊ummu arang-Ku, udde sarun olaang-Ku lai si yamiu, tadea'u Iamangnga wantuhanna sulal᷊ummu Ana'a.

YOHANES 15:16

Wal᷊ine i yamiu namile si Ya'u. Ete I Ya'u apan namile si yamiu, wuṛṛu nandolokki yamiu tadea'u mabua manambo – manga wua apan tawe mal᷊al᷊eo. Ne Iamangnga sarun mangonggolla si yamiu al᷊awo'u apa apan radoronganni yamiu si Tou sulal᷊ummu arang-Ku.

YOHANES 15:7

Amungkangngu i yamiu sidutu uaaukka ringang-Ku wuṛṛu al᷊aṛṛa-U uatatana'a sulal᷊ummu naungngu, padorongke su Iamangnga apa apan ipaapulunu; darorongngu udde sarun suunganna.

YOHANES 4:10

Mawu Yesus sinumimbakka, “Unnu wisara i'o masingkattu aonggolu Ruata wuṛṛu isai madorongnga ma'inumma ringannu, i'o sassane lai sarun madorongnga si Tou ma'inumma, wuṛṛu i Tou sarun mangonggola si'o ua'e apan wiakka.”

ROMA 2:7

Ruata mangonggolu wiakka tutune wuṛṛu saran mal᷊annu-l᷊annu si mangitou apan sidutu ma'ola'a apapia tadea'u maasomba apan awantuhanne, wuṛṛu apan aaddatanna wuṛṛu apan sarun uatialu.

2 KORINTUS 6:2

Sulal᷊ummu Wuke Susi, Ruata nabbisara, “Su tempo apan ipaapulu, i Ya'u buatte naddaringikka Si'o, wuṛṛu su allon pananal᷊amatta, i Ya'u buatte nantul᷊ungngu.” Naunge paapia-pia, ete orassa indi tempo apan ipaapulu-U udde. Ete orassa indi tempone ipanal᷊amatta.

IBRANI 11:6

Amungkangu tawe pangangimanna, tawe saran sangkatou apan wotongnge maal᷊uassa naungngu Ruata. Ana waugu taumata apan rumanta ringannu Ruata ṛinone mangngimanna manungku pia Ruata, wuṛṛu manungku Ruata mangonggolu wawal᷊inne su taumata apan maddea'a si Tou.

IBRANI 4:16

Ana waugu udde, wette i ite ringannu awawaṛṛani sumaruanna Ruata apan mammarenta ringannu naungnge mapia. Ruata sarun umakkana wuṛṛu mangal᷊amatta si ite tadea'u i ite maasomba tul᷊unganna maṛṛino su tempone.

YAKOBUS 1:5

Amungkangu pia sangkatou wuassu wallatti yamiu apan woddo, ṛinone i tou sumal᷊ande su Ruata, ne Ruata sarun mangonggolu apande si tou; ana waugu su al᷊awo'u taumata, Ruata sarun mangonggola ringannu naungnga mal᷊uassa wuṛṛu ringannu apendammu darangngu.

YAKOBUS 5:15

Amungkangu aal᷊iomanni mangitou niruitta ringannu pangangimanna, Mawu sarun mapaapian taumata maradda'a udde, wuṛṛu mangampunga manga rosa apan suete niolangnge.

1 YOHANES 3:22

Wuṛṛu apa apan radoronganni ite wuassi Tou, i ite sarun maasomba, ana waugu i ite tuttuṛṛuta manga parenta-Ne wuṛṛu ma'ola'a apa apan maal᷊uassa naung-Nge.

SONDAPPA 2:24

Arawe i yamiu waine su Tiatira apan maddiri tumuṛṛutta al᷊aṛṛa'a lal᷊eo udde, wuṛṛu maddiri mangurumma al᷊aṛṛa'u Setanna. I Ya'u mabbisara manungku i Ya'u tawe manamba winabbawanu apan mawakkata.