LUKAS 11:32 - WUKE SUSI WATTI'U AL᷊AL᷊USASSA

³² Su Allong Kiamatta, tumana'u soa Niniwe sarun mabangunna su sambau ringannu taumatan tempo indi, wuṛṛu mangansilla si mangitou, ana waugu taumata Niniwe udde nawal᷊u wuassu manga rosane napawe Yunus nannase si mangitou. Arawe isindi orassa indi pia magewal᷊anna wuassi Nabi Yunus!”

LUKAS 11:32 Iomraidhean Croise

YUNUS 3:4

Yunus sinumutta su soa udde wuṛṛu napawe buatte niumamatta su al᷊o'engngu allo, i tou mannattakke mannase, wisarane, “Appatu pul᷊o su allone lai, Niniwe sarun maṛṛimunsa'a!”

YUNUS 3:5

Tumana'u Niniwe mangngimanna tanatan Duata udde. Anambon tumanangnge nakkawessa tadea'u mappuasa, wuṛṛu anambon taumata, mawae timmadde ara'e lai dario'a, malluṛṛen nasa karongnga ipamasingkatta manungku i mangitou sinumassillu manga rosan mangitou.

YUNUS 4:9

Arawe Ruata nabbisara si tou, “I'o tawe wotongnge mabbal᷊i aroddi asusane ana waugu sinuananna udde!” Yunus sinumimbakka, “Anio tawe? Suṛṛinone i ya'u masa'u atonna ma'oman sara mate.”

MATIUS 12:39

“Aral᷊eo wuṛṛu al᷊awangnga eteapa, manga taumata su tempo indi!” sasimbakku Mawu Yesus. “I yamiu maddorongnga i Ya'u ma'ola'a al᷊aṛṛindu'a? I yamiu tawe onggol᷊annu sambau al᷊aṛṛindu'a udde, tumba'u al᷊aṛṛindu'a wuassi Nabi Yunus.

MATIUS 12:41

Su Allong Kiamatta, lal᷊oṛṛo Niniwe sarun mabangunna su sambau ringannu manga taumatan tempo indi wuṛṛu mapaasal᷊a mangitou. Ana waugu manga taumata Niniwe udde nawal᷊u wuassu rosa mangitou, su tempo Yunus nannase si mangitou. Arawe orassa indi pia maggewal᷊anne wuassi Yunus!

LUKAS 11:31

Su Allong Kiamatta, Ratu wuassu wanua Timukka sarun mabangunna ringannu taumatan tempo indi, wuṛṛu mangansilla si mangitou. Tadea'u, maaringikka al᷊aṛṛa'i Salomo apan pande udde, Ratu udde nangatokku amamatta marau wuassu pentakku runia. Arawe isindi orassa indi pia sangkatou magewal᷊anna wuassi Salomo!

IBRANI 7:26

Nariaddi, Mawu Yesus eteudde Imam Bahewa apan pappandumanni ite. I Tou susi; si Tou tawe niasombanganna pasasal᷊a ara'e rosa sarang kadio'a. I Tou niṛṛae wuassu manga taumata marosa, wuṛṛu niruitta su tampa lembon atanggaṛṛanne wuassu al᷊awo'u langitta.