LUKAS 11:29 - WUKE SUSI WATTI'U AL᷊AL᷊USASSA

²⁹ Tantal᷊anna manga taumata uaṛṛimpulunna Mawu Yesus, i Tou nanassukku wisara-Ne, unni Tou, “Tumaniten dal᷊eo taumata su tempo indi. I mangitou madorongnga sambau al᷊aṛṛindu'a tadea'u i mangitou wotongnge mangngimanna si Ya'u, arawe i mangitou tawe onggol᷊annu saran sambau al᷊aṛṛindu'a, tumba'u al᷊aṛṛindu'i Nabi Yunus.

LUKAS 11:29 Iomraidhean Croise

YEHEZKIEL 24:24

Ne i ya'u, Yehezkiel sarun maola'a tul᷊adda si yamiu; i yamiu sarun ma'ola'a ere lai ta'u niola'a orassa indi. Mawu nabbisara manungku amungkangngu olangnge udde mariaddi, i yamiu sarun maasingkatta manungku ete i Tou Mawu Apan Atanggaṛṛanne.”

YUNUS 1:1

Su allo sambau, Mawu nabbisara si Yunus, ana'i Amitai.

MATIUS 3:7

Manambo lai taumatan Farisi wuṛṛu Saduki nirumanta ringanni Yohanes maisaṛṛani. Arawe su tempo i tou naasilo si mangitou nirumanta, i tou nabbisara si mangitou, “I yamiu taumata lal᷊eo! Isai suete nabbal᷊o manungku i yamiu mal᷊iudda wuassu ṛuumannu Ruata apan sarun rumanta?

MARKUS 8:38

Amungkangngu sangkatou taumata massili mangnga'u si Ya'u wuṛṛu al᷊aṛṛa'U su tempo mal᷊awangnga wuṛṛu lal᷊eo indi, Ana'u Taumata lai massili manga'u taumata udde, su tempo i Tou rumanta apia ringannu taṛṛinon Iamangnge, tatantalongannu manga mala'ekatta apan susi.”

LUKAS 11:16

Piaddu lai manga sire pira taumata waine maddea'a mapaasal᷊a Mawu Yesus, aroddi i mangitou madorongnga i Tou ma'ola'a sambau al᷊aṛṛindu'a maola'a sambau tatiala manungku i Tou atonna-tonna nirumanta wuassu Ruata.

LUKAS 11:50

Ruata na'ola'a udde tadea'u manga taumata orassa indi iṛṛuumanna ana waugu pamamate apan suete niola'a su manga nabi ro'en runia nariaddi,

LUKAS 12:1

Su ṛiwune taumata mangke uasaseppe'a na'oman sara piaddu niaṛṛindanna leddane. Tantal᷊anna manga taumata udde uaṛṛimpulunna, Mawu Yesus nabbisara su manga mallal᷊aṛṛenggen-Ne, “Paatehamma su ragin taumata Farisi, pandumang-Ku, lilangkamal᷊e'i mangitou.

LUKAS 9:41

Mawu Yesus sinumimbakka, “Wal᷊ine hampa i yamiu indi! I yamiu atonna manga taumata apan maṛṛusal᷊a wuṛṛu tawe mangngimanna! Ma'oman sara tingngera i Ya'u matana'a suadio'a ringanni yamiu wuṛṛu manabare si yamiu? Apira'e anangngu udde isindi!”

YOHANES 2:18

Manga tembonannu Yahudi sussimbakka Mawu Yesus, unni mangitou, “Annama'a pa'ola'a al᷊aṛṛindu'a maola'a sambau tatiala si yami manungku I'o pia taṛṛino ma'ola'a ereindi.”

YOHANES 6:30

“Amungkangngu aroddi,” unni mangitou, “tatiala apa apan ionggolli Iamangnga tadea'u i yami maasilo wuṛṛu mangngimanna Iamangnga? Apa apan sarun olaannu Iamangnga?

YOHANES 8:44

Ete Setanna iamangngu, wuṛṛu i yamiu tuttuṛṛutta apulun iamangngu. Ro'en panataṛṛanne Setanna udde taṛṛa pate. I tou taambe saran paassa manamba'a apapia, ana waugu tawe apapia si tou. Amungkangngu i tou mangawusu, udde naṛṛino ana waugu ete aroddi pallal᷊agune. I tou taṛṛa awusu wuṛṛu punnu al᷊awo'u awusu.

1 KORINTUS 1:22

Taumatan Yahudi madorongnga al᷊aṛṛindu'a maola'a sambau tatiala, wuṛṛu taumatan Yunani tumba'u mappandumma apapanden runia indi.