LUKAS 10:42 - WUKE SUSI WATTI'U AL᷊AL᷊USASSA

⁴² arawe apa apan pia gunane tumba'u sambau. Wuṛṛu i Maria suete namile lembon apianne, apan tawe iaal᷊appa wuassi tou.”

LUKAS 10:42 Iomraidhean Croise

DARALO 119:111

Parenta-Ne uddewe pussa'a-U sarangkal᷊o'engnge, apan naal᷊uassa naungku.

DARALO 119:173

Antimanna I'o sidutu umontola si ya'u, ana waugu i ya'u namile tumuṛṛutta parenta-Nu.

DARALO 119:30

I ya'u buatte namile tadea'u tumuṛutta, apan sidutu nanaungangku.

DARALO 142:5

Sutempo i ya'u nanaile sandiṛṛanna, i ya'u naasilo tawe sasumbala si ya'u. Taweddu mallu'adda si ya'u, ara'e piaddu ma'ellega si ya'u.

DARALO 17:15

Arawe i ya'u sarun ma'ellega Si'o, ana waugu i ya'u tawe sal᷊ane. Sutempo i ya'u napu'o, daranta-Nu naal᷊uassa naungku.

DARALO 27:4

Tumba'u sambau apan ta'u doronganna su Mawu, tumba'u indi apan ta'u ipaapulu: matana'a su Wal᷊en Mawu su al᷊o'engngu pabbiaṛangku, tadea'u maapendamma apapian Mawu wuṛṛu sumal᷊ande aehen-Ne.

DARALO 73:25

Isai apan tatahuanangku su surga tumba'u I'o? Wal᷊ine wuassu Mawu taweddu ta'u ipaapulu su runia.

MANNANASE 12:13

Napewe sarangkanambone buatte ta'u niṛṛingidda, eteindi aunne apan ta'u niasombanganna. Ata'utten Duata wuṛṛu tuṛṛutte al᷊awo'u parenta-Ne. ana waugu tumba'u udde taumata niriaddi-Ne.

MARKUS 8:36

Apa auntunganne su sangkatou taumata, amungkangngu ahewallu runia indi maola'a darotongnge arawe i tou awul᷊iannu wiakke?

LUKAS 10:39

I Marta pia tuṛṛangnge wawine aranne i Maria. I Maria indi inuma'ianna marani Mawu Yesus madaringikka manga al᷊aṛṛang-Nge.

LUKAS 11:1

Su sambau allo Mawu Yesus inumal᷊iomanna su sambau tampa. Man napawe suete inumal᷊iomanna, sangkatou su wallattu manga mallal᷊aṛṛenggen-Ne nabbisara, “Mawu, aṛṛa'e i yami umal᷊iomanna ere lai Yohanes mangngaṛṛa'a mallal᷊aṛṛenggenne umal᷊iomanna.”

LUKAS 12:20

Arawe Ruata nabbisara si tou, ‘Ei taumata woddo! Ṛabbi indi lai i'o sarun mate, see isai sarun manahuanna paa'ala apan suete niammullu hunam badangngu?’

LUKAS 12:33

Wal᷊ua'e darotongngu wuṛṛu anggil᷊a'e roinne su taumata asiangnga. Ola'e sulal᷊ummu ririnu tampan doitta apan tawe maṛṛenessa, eteudde darotongnga apan uaraddo su surga. Darotongnga udde tawe mawul᷊i ana waugu taṛṛa ta'o tawe maapanna'o wuṛṛu wiangnga tawe maahohakka.

LUKAS 16:2

Nariaddi i tou namagote mangangadon roitta udde wuṛṛu nabbisara, ‘Apa indi niaringiṛṛangku atonna su ola'u pamamanaranu? Orassa indi, tantil᷊a'e si ya'u hessin manaranu su pinangatokku pa'a'ala'u. I'o tate wotongnge maola'a mananahipunna roi'u.’

LUKAS 16:25

Arawe i Abraham sinumimbakka, ‘Naungewe ana'u: su alo'engngu pabbiaṛṛannu i'o suete naasomba manambo apianne; arawe i Lazarus naasomba alal᷊eoanne. Orassa indi i tou mal᷊uassa isindi, wuṛṛu i'o uatataṛṛangnga.

LUKAS 18:22

Naaringikka udde, Mawu Yesus nabbisara, “Ta'e pia lai sambau sarun olaannu: Wal᷊ua'e anambon darotongngu, onggol᷊a'e roinne su taumata asiangnga, ne i'o sarun maasomba darotongnga su surga. Wua'udde rantate wuṛṛu tantalongke si Ya'u.”

LUKAS 8:18

Ana waugu udde paanaungete mapia-pia apa apan niaaringiṛṛanni yamiu. Ana waugu taumata apan uatahuante, sarun onggol᷊anna lembon anamboanne lai; arawe taumata tawedu tatahuananne, adio'a apan ta'e si tou sarun anuanna lai.”

YOHANES 11:1

Sangkatou aranne i Lazarus uatana'a su Betania su sampunna ringannu tuṛṛangnge i Maria wuṛṛu i Marta.

YOHANES 11:19

Manambo taumatan Yahudi nirumanta nattembo si Marta wuṛṛu si Maria malluassa naungngi mangitou ana waugu apapaten tuṛṛangnge.

YOHANES 12:3

Wua'udde i Maria nirumanta uaapiddu iraṛṛangngo mal᷊oara su liteṛṛe lana mawangngi narwastu apan masagada atonna aregane. I Tou nanebokku lana udde su ledda Mawu Yesus, see niapun uta'i tou. Ahewallu wal᷊e udde nabal᷊i mawangngi ana waugu hal᷊urun lana udde.

YOHANES 17:3

Ete indi wiakka tutune wuṛṛu mal᷊annu-l᷊annu; tadea'u taumata maaillal᷊a Iamangnga, eteudde Ruata tinggassa apan atonna, wuṛṛu maaillal᷊a si Yesus Kristus apan nirolokku Iamangnga.

YOHANES 4:14

“arawe taumata apan ma'inumma ua'e apan Ta'u ionggolla, i tou tawe marou saran mal᷊annu-l᷊annu. Ana waugu ua'e apan sarun Ta'u ionggolla udde maola'a al᷊imatang kua'e sulal᷊ummu wadangnge apan sumabangnga su liudde wuṛṛu mangonggolla si tou wiakka tutune wuṛṛu sara mal᷊annu-l᷊annu.”

YOHANES 5:24

Mangke atonna manga wisara-U indi: Taumata apan madaringikka manga wisara-U wuṛṛu mangngimanna si Tou apan nandolo-U, maatahuanna wiakka tutune wuṛṛu saran mal᷊annu-l᷊annu. I tou tawe iṛṛuumanna; i tou nal᷊iute wuassu papate wuṛṛu naaba'e wiakka.

YOHANES 6:27

Arie pammanara ipaddea'a anna apan wotongnge masue wuṛṛu mawukku'a. Pammanarate tadea'u maasomba anna apan tawe mawukku'a wuṛṛu apan mangngonggolu wiakka tutune wuṛṛu saran mal᷊annu-l᷊annu. Anna udde sarun ionggolu Ana'u Taumata si yamiu, ana waugu i Tou suete nitenegu Ruata Iamangnga.”

1 KORINTUS 13:3

Salaiwe anambon darotongku, ta'u ionggola su taumata asiangnga, wuṛṛu i ya'u manantillu wadangku tutunganna, arawe i ya'u tawe mandangngu taumata waine, ne sarangkanambone udde tawe gunane saran kadio'a.

GALATIA 5:6

Ana waugu amungkangu i ite buatte naaukka ringanni Kristus Yesus, su ola'u tumuṛṛutta ara'e maddiri tumuṛṛutta atorannu sunatta tate maola'a sambau hatto lai. Lembon apianne tumba'u mangngimanna si Kristus, wuṛṛu udde nilumiatta'a sulal᷊ummu darangngun kite su taumata waine.

TAHIUL᷊E 30:19

Orassa indi yamiu wotongnge mamile suwallatu wiakka wuṛṛu mate, suwallatu al᷊amattu Mawu wuṛṛu wontoga. Langitta wuṛṛu runia ta'u wagoanna maola'a tatialane su ipaapuluna Pamilete i yamiu wiakka.

YOSUA 24:15

Unnu wisara i yamiu mattaṛṛamawu su Mawu, paaṛṛawesse allo indi lai, ete sisai yamiu maapulu mattaṛṛamawu; su manga Mawu waine apan sassubbannu iupungngu al᷊amonanu su Mesopotamia dorone, ara'e su manga mawun taumatan Amori apan wanuane atatanaanni yamiu orassa indi. Arawe yami – i ya'u wuṛṛu amonangku sarun tumba'u mattaṛṛamawu su Mawu sassane.”

YOSUA 24:22

Ana see i Yosua nabbisara, “Ne ete i yamiu sassane maola'a tialane manungku i yamiu buatte nakkawessa manungku tumba'u mattaṛṛamawu su Mawu sassane.” “Atonna,” sasimbakki mangitou, “yammite sassane maola'a tialane.”