LUKAS 10:29 - WUKE SUSI WATTI'U AL᷊AL᷊USASSA

²⁹ Arawe hurun agama udde maddiri mapaasal᷊an ririne. I tou naiwal᷊o, “Isai sansul᷊ungku udde?”

LUKAS 10:29 Iomraidhean Croise

AYUB 32:2

Arawe isudde pia sangkatou aranne i Elihu ana'i Berakheel, sangkatou papapulunni Bus wuassu ṛuanganni Ram. I tou tawe naṛṛaddannu asasa'une, waugu i Ayub napaṛṛinon batanganne sassane, wuṛṛu mappasal᷊an Duata.

IMAMATTA 19:34

Ola'ewe i mangitou ere lai yamiu ma'ola'a manga taumata sambalahannu wuṛṛu pandangngute si mangitou ere lai yamiu mandangngu watangannu sassane. Paanaunge manungku i yamiu lai buatte nabbiakka ere taumata raho su Mesir. Ete i Ya'u Ruatanu.

MARKUS 8:34

Wua'udde Mawu Yesus namagote taumata nambo isudde su sampunna ringannu mallal᷊aṛṛenggen-Ne. See i Tou nabbisara si mangitou, “Taumata apan mallaṛṛenggenna si Ya'u, ṛinone manantangngu manarane wua'udde mamasanna arussa-Ne wuṛṛu sidutu uatantalongnga si Ya'u.

LUKAS 10:36

Wua'udde Mawu Yesus nanginsuete watti'a udde ringannu aiwal᷊o indi, “Wuassu sire tallu udde, suapane tumuṛṛuttu addapannu apan nantul᷊ungngu sansul᷊ungnge wuassu taumata apan nipangaṛṛoanna udde?”

LUKAS 16:15

Arawe Mawu Yesus nabbisara si mangitou, “Ete i yamiu taumata apan su saruannu taumata waine ellehanna mapia, arawe Ruata masingkattu lal᷊oṛṛo naungngu. Ana waugu apa apan sassunnannu taumata matanggakka, su aellegu Ruata udde mawawo.

ROMA 10:3

I mangitou wagga olangnge Ruata ma'ola'a paa'aukku taumata ringanni Tou maola'a apia. Wuṛṛu ana waugu i mangitou maapulu tumuṛṛutta apulun mangitou sassane, ne i mangitou maddiri tumuṛṛutta su lal᷊anna apan niaṛṛa'u Ruata.

ROMA 4:2

Amungkangngu manga inolaanne nisengkammu Ruata, na'oman sara i tou nareengnga taumata apan maal᷊uassa naungngu Ruata, ne i tou lai pia pangaiananne lumuassa. Arawe i tou tawe mamunga su saruannu Ruata.

GALATIA 3:11

Tawe saran sangkatou apan masasangkapian Duata ana waugu mappaamattu titan agama. Olangnge udde buatte niapaal᷊iatta'a sulal᷊ummu Wuke Susi, “Tumba'u taumata apan mangngimanna Ruata na'oman sara paa'aukke ringannu Ruata maola'a mapia apia, sarun maralukka!”

YAKOBUS 2:24

Natualage orassa indi, manungku taumata itarimmattu Ruata ringannu mapia ana waugu inolaannu taumata udde, wuṛṛu wal᷊ine tumba'u ana waugu pangangimanne.